Proverbios 23:7 - Qullan Arunaka DC

⁷ uka manq'anakax mallq'aman mä t'awrar uñtatäniwa. Uka jaqix manq'añampitaki, umt'añampitakiw jawsätam, ukampis janiw taqi chuyma siskätamti;

Aymar Bibliia 1986

⁷ Jupajj jumataquejj mallk'amanjja mä t'awrar uñtatäniwa. Jupasti sätamwa: “Mank'asim, umasim” sasa, ucampis chuymapanjja jan walwa juma tokejj lup'iscani.

Qullan Arunaca

⁷ Jupajj jumataquejj mallk'amanjja mä t'awrar uñtatäniwa. Jupasti sätamwa: “Mank'asim, umasim” sasa, ucampis chuymapanjja jan walwa juma tokejj lup'iscani.

Proverbios 23:7 Jak'a apnaqawi uñst'ayäwi

Salmos 12:2

2 (3) Maynit maynikamaw k'arintasipxi, sallqa chuymampiw parlapxi, ch'uxña chuymampiw arsupxi.

Salmos 55:21

21 (22) Arunakapax lik'it sipan juk'ampi quñawa, amuyunakapasti nuwasiñ amuyunakawa. Arsutanakapax aceitet sipan juk'ampi llamp'uwa, ukampis ari espadanakar uñtatawa.

Proverbios 19:22

Mä jaqin suma chuymanïñapaw munasi; apjasir jaqïñat sipansa, jan kunan jaqïskañax juk'amp askiwa.

Proverbios 26:23

Kamisatix ñiq'i phukhur qullqimp jawikipaskixa, ukhamaw ñanqha amtañampi arsuta quña arunakaxa.

Proverbios 26:24

Uñisir jaqix, parlaski ukkhax imt'iwa, chuymap manqhinsti jan wali lurañanak amtaski.

Proverbios 26:25

Suma quña arunakamp parlätam ukkhasti, jan iyawsamti, chuymapax jan wali lurañanakamp phuqt'atawa;

Daniel (hebreo) 11:27

Ukatsti, uka pä reyinakax purapat ñanqha lurasiñ amtäwimpikiw mayawjan manq'añatak qunt'asipxani, ukatsti jupanakkamaw k'arinak sasipxani, ukampis janiw maynis amtatanakap phuqhapkaniti, pachax janïra purinitap layku.

Lucas 7:39

Uk uñjasinsti, Jesusar jawsayir fariseo jaqix chuymapan lup'ïna: “Jupatix chiqpach mä profetäspaxa, khititix jupar llamkt'ki ukan jan wali jaqïtap amuyasispawa, aka warmix jan wali sarnaqir warmïchixaya” sasa.

Jueces 16:15

Ukat Dalilax säna: —¡K'ari! ¿Kunatarak munsmaw sistasti? Akampix kimsa kutiw nayat sawkasistaxa, janiw kawkhankkitix ch'amamax uk siskistati —sasa.