Proverbios 22:9 - Qullan Arunaka DC

⁹ Khuyapayasiñampi mayninakar uñjir jaqix askinak katuqani, t'ant'ap jan kunan jaqinakamp jaljt'asitap layku.

Aymar Bibliia 1986

⁹ Qhititejj mayninacaru qhuyapayasiñamp uñji ucajj bendicitawa, jupan t'ant'a pobrenacaru churatap laycu.

Qullan Arunaca

⁹ Qhititejj mayninacaru qhuyapayasiñamp uñji ucajj bendicitawa, jupan t'ant'a pobrenacaru churatap laycu.

Proverbios 22:9 Jak'a apnaqawi uñst'ayäwi

Salmos 112:9

Jan kunan jaqinakaruw churäwinak waxt'i, jaqir khuyapt'ayañapax jan tukuskiriwa, jan khitin kamskañaw p'iqip wayti.

Proverbios 11:17

Khuyapayasir jaqix, jupa pachpatakiw aski lurasi, qhuru jaqisti, jupa pachpatakiw jan wal lurasi.

Proverbios 11:25

Yanapt'añ yatir jaqiw juk'amp katuqi; waxt'ir jaqisti, katuqarakiwa.

Proverbios 11:27

Aski lurañ thaqhir jaqix, askinak jikxati, jan wali lurañ thaqhir jaqisti, jan walt'añan uñjasini.

Proverbios 14:21

Jaqi masipar jisk'achirix, juch luri, ¡jan kunan jaqit khuyapayasiristi kusisiñaniwa!

Proverbios 19:17

Jan kunan jaqir mayt'irix Tatituruw mayt'aski, Tatit pachpaw uka manu phuqxani.

Proverbios 21:13

Jan kunan jaqin achikt'asitapar jan ist'ir jaqixa, jupax yanap maykani ukkhax, janirakiw ist'atäkaniti.

Proverbios 28:24

Awkipar taykapar lunthatir jaqix; jan wali jaqinakan masipawa, jupasti siwa: “janiw ukax juchäkiti” sasa.

Proverbios 28:27

Jan kunan jaqir yanapt'irix, janiw kuns pist'ayaskaniti, yanapt'añ jan muniristi, wali ñanqhachataw uñjasini.

Proverbios 31:20

Jan kuna utjirin jaqinakarusa, pist'ayasiñan jikxatasirinakarus khuyapt'ayapuniwa.

Isaías 32:8

Aski jaqisti, askinak lurañ amti, uka aski amtatanakapan sayt'asiraki.

Mateo 20:15

¿Janit qullqixampix kuntix nayax munkta uk lurañaxax wakiskitu? Jan ukax, ¿janich jumatak suma chuymanïtaxax walïki?’ sasa.

Marcos 7:22

lunthatasiña, jaqin yänakap munaña, ñanqha luraña, sallqjasiña, q'añu luraña, uñisiña, k'ari arunak apnaqaña, jach'a jach'a tukuña, jan amuyunjam sarnaqaña.

Lucas 14:13

Manq'añ wakichaykäta ukkhasti, jan kunaninakaru, suchunakaru, kayu usutanakaru, juykhunakar jawsayam;

Hechos 20:35

Uka kipkarak jumanakarus yatichapxsma, wakisipuniw ukham irnaqañaxa, jan utjirininakarus yanapt'añaraki, Tatit Jesusax sawayki uka arunakat amtasisa: ‘Katuqañat sipan, churañaw juk'amp sumaxa’ ” sasa.

Deuteronomio 28:56

Jumanak taypin jakir llamp'u chuymani warmisa, ukham suma llamp'u chuymanïsin jan q'ara kayus uraqir takt'ir warmisa, munat chachaparusa, wawanakaparus jan wal uñkatani,

Hebreos 13:16

Jumanakasti mayninakar aski lurañsa, kunatix utjapktam uk mayninakampi jaljasiñsa jan armasipxamti; uka luräwinakaw Diosarux kusisiyi.

Hebreos 6:10

Diosax chiqapar uñjiriwa, kuntix jumanakax lurapkta ukat janiw armaskaniti, qullan markankir jilatanakar munasiñ uñacht'ayatamatsa, yanapt'atamatsa, jichhakamas ukham lurasipkaktawa.

1 Pedro 4:9

Jumanakkamax mä suma chuymamp qurpacht'asipxam, janirak jupanakat jan walinak parlapxamti.