Proverbios 22:7 - Qullan Arunaka DC

⁷ Qamir jaqix pist'añan jakasir jaqinak taypinxa, reyiwa; qullqi mayt'iristi, manusir jaqinak taypinxa reyirakiwa.

Aymar Bibliia 1986

⁷ Kamir jakejj pobrenac taypinjja mä reyjamawa; manuninaca taypinjja, kollke mayt'irejj reyjamaraquiwa.

Qullan Arunaca

⁷ Kamir jakejj pobrenac taypinjja mä reyjamawa; manuninaca taypinjja, kollke mayt'irejj reyjamaraquiwa.

Proverbios 22:7 Jak'a apnaqawi uñst'ayäwi

2 Reyes 4:1

Mä warmiw utjäna, jupasti profetanakat maynïr profetan warmipänwa, jupax Eliseon ukaruw saräna akham sasa: —Chachaxax jiwxiwa, jupax Tatitur axsartirïnwa, uksti jumax yattawa. Jichhasti qullqi mayt'apkitäna uka jaqiw juti, ukatsti pani wawaxaruw uywatapatak irpasxañ muni —sasa.

Proverbios 14:31

Jan kunan jaqir t'aqhisiyirix Diosaparuw jisk'achaski, pist'añan sarnaqir jaqit khuyapayasiristi Tatituruw jach'ar aptaski.

Proverbios 18:23

Jan kunan jaqix achikt'asisaw arsu; qamir jaqisti jach'a jach'a tukusaw parli.

Proverbios 22:16

Qamiriptañ munasin jan kunaninakar lunthatirixa, jan kunaniw tukusini.

Proverbios 22:22

Jan kunan jaqitxa jan kuns aparamti jan kunanïtap layku, janirak taripirinak nayraqatansa jupar t'aqhisiyamti,

Isaías 24:2

Taqiniruw uka kipka lurani: Sacerdoterusa, markachirinakarusa, uywirinakarusa, uywatanakarusa, alasirinakarusa, aljirinakarusa, mayt'irinakarusa, mayt'asirinakarusa, qamirirusa, jan kunanirusa.

Amós 2:6

Tatitux akham siwa: “Israel markankir jaqinakax walja ñanqhanak lurapxi, ukat jupanakarux mutuyä; jan juchan jaqirux qullqiruw aljantapxi, jan kunan wajcha jaqirusti mä paris wiskhuruw aljantapxi.

Amós 4:1

Samariankir qamir warminaka, aka arunak ist'apxam, jumanakax wajchanakaruw jachayapxtaxa, jan kunaniruw t'aqhisiyapxtaxa, chachanakamarusti, machañatak vino mayipxtaxa.

Amós 8:4

Ist'apxam, llamp'u chuyman jaqinakar t'aqhisiyirinaka, markankir jan kunaninakar tukjirinaka;

Amós 8:6

¡Jan kunaninakarux aynacht'ayapuniñäni, jupanakpacha jiwasar luqtirit aljasiñapkama, ukhamat manunakap phuqhañataki, mä paris wiskhuksa manüsipkpan ukasa! ¡Trigo achunaksti jipimppach aljañäni!” sasa.

Mateo 18:25

Uka irnaqiripasti janiw kunampis phuqhirjamäkänti, ukat reyix juparux säna: ‘Aka jaqir aljantapxam, warmipamppacha, wawanakapamppacha, taqi yänakapamppach aljantapxam, ukhamat uka manup phuqhañapataki’ sasa.

Santiago 2:6

Ukampis jumanakax jan kunaninakarux jisk'achapxtawa. ¿Janit qamir jaqinakasti inak irnaqayapktamsti, janit jupanakasti jilïrinakan nayraqatapar qatatiyapktamsti?

Santiago 5:1

¡Qamirinaka, aka arunak ist'apxam! ¡Jachapxam wararipxarakim kuna chijinakatix jumanakxar jutkan ukanakata!

Santiago 5:4

Yapunakam apthapirinakar chanip jan phuqhat churatamax jumanakatakiw warariski. Taqi ch'aman Tatitux yapuchirinakan art'asitap ist'iwa.