Proverbios 22:4 - Qullan Arunaka DC

⁴ Llamp'u chuymamp Tatitur axsartas sarnaqañaxa, qamir kankañampi, jach'ar aptatäñampi, jakañamp katuqañawa.

Aymar Bibliia 1986

⁴ Llamp'u chuymampi Tatitur ajjsaras sarnakañajja, kamir cancaña, jach'ar aptatäña jacaña catokañawa utji.

Qullan Arunaca

⁴ Llamp'u chuymampi Tatitur ajjsaras sarnakañajja, kamir cancaña, jach'ar aptatäña jacaña catokañawa utji.

Proverbios 22:4 Jak'a apnaqawi uñst'ayäwi

Proverbios 19:23

Tatitur axsartañax jakañaruw irpi; kusisitakiw maynix jakasi, kuna jan walt'añansa jan t'aqhisisa.

Proverbios 21:20

Yatiñan jaqin utapanxa qamir yänakampi, suma q'apkir qullanakampiw utji, jan amuyt'asir jaqin utapansti t'unanakakiw utji.

Proverbios 21:21

Chiqana, askin sarnaqañ thaqhir jaqixa, jakañampi, jach'ar aytatäñamp jikxati.

Proverbios 22:3

Ch'ikhi jaqix jan walt'añ uñjasinxa, jaltxiwa, jan amuyt'asir jaqisti, saraskakiwa, ukat t'aqhisiraki.

Proverbios 22:5

Ñanqha lurir jaqin sarnaqäwipax sipitanakamp phuqhantatawa, suman sarnaqañ munir jaqisti, ukanakat jithiqtiwa.

Proverbios 29:23

Jach'a jach'a tukurix jisk'achataw uñjasini, llamp'u chuymanisti jach'ar aptatäniwa.

Proverbios 3:16

Kupi amparampix walja maranak jakañ churi, ch'iqa amparampisti qamir yänakampi, aytat kankañamp churaraki.

Proverbios 31:30

Suma uñnaqan warmix k'arikiwa, jiwakïñas inamayakiwa, Tatitur axsartir warmiw jach'ar aptkañaxa.

Isaías 33:6

Jerusalenarusti imapuniniwa. Yatiñ kankañamampi yatxatañamampix mä suma qamir yänakjam qhispiyiriwa; Tatitur axsartañasti qamir kankañat sipansa juk'amp sumawa.

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Daniel (hebreo) 4:36

36 (33) “Ukapachaw nayax amuythapisxta, ukatsti markaxan apnaqäwipsa, jach'añchäwinakaxsa, ch'aman kankañaxsa wasitat katxarakta. Yanapirinakaxasa, markan jilïri apnaqirinakapas nayar thaqhiriw jutapxitu, nayasti wasitat markaxa apnaqañ qalltxarakta, ch'aman kankañaxasti nayra pachat sipansa juk'ampiw jilxattxarakïna.

Mateo 6:33

Ukhamasti, nayraqatax Diosan qhapaq markap thaqhapxam, kunatix jupan nayraqatapan chiqäki ukarak lurapxam, ukatsti taqi yänakax churatakïsipkätawa.

1 Timoteo 4:8

Janchin jalnaqas ch'amachasiñax janchin k'umaräñapatakix askipuniwa, ukampis Tatitur chuyma katuyañatak ch'amachasiñaw taqi kunat sipan askixa, ukasti akapachan jakañatakiw yanapi, jutir pachan jakañatakisti yanaparakiwa.

Santiago 4:10

Dios nayraqatan jisk'ar tukt'apxam, jupasti jach'aruw aptapxätam.

Santiago 4:6

Ukampis Diosax khuyapayasiñapampiw yanapistu, Qillqatasti siwa: “Diosax jach'a jach'a tukur jaqinakarux janiw munkiti, ukampis llamp'u chuymaninakarux khuyapt'ayiwa” sasa.