Proverbios 21:11 - Qullan Arunaka DC

¹¹ Ñanqha lurir jaqin mututap uñjasaw, jan amuyt'an jaqix yatiqi; yatiñan jaqisti mä kuti yatichatakiw yatiqi.

Aymar Bibliia 1986

¹¹ Ñankha jakeru mutuyir uñjasaw, jan amuyt'an jakejja yateke; yatiñan jakesti mä cuti yatichataquiw yateke.

Qullan Arunaca

¹¹ Ñankha jakeru mutuyir uñjasaw, jan amuyt'an jakejja yateke; yatiñan jakesti mä cuti yatichataquiw yateke.

Proverbios 21:11 Jak'a apnaqawi uñst'ayäwi

Proverbios 1:5

Yatiñani ch'ikhi jaqixa, aka arunak ist'iwa, ukhamat juk'amp yatiñ kankañampi, ixwanakamp jikxati,

Proverbios 15:14

Amuyt'asir chuymax yatiñ kankañ thaqhi, jan amuyt'asir jaqinakasti jan walinakampiw phuqt'asi.

Proverbios 18:1

Jupatakik kuns munir jaqix, munañaparukiw sarnaqi, suma iwxt'anaksa janiw katuqaskiti.

Proverbios 18:15

Yatiñan jaqinakampi, ch'ikhi jaqinakampiw thaqhapki uka yatiñ kankañ jikxatapxi.

Proverbios 19:25

Jan amuyt'asir jaqix mutuyat uñjasisakiw yatiqi; yatiñan jaqisti mä sapa chiqachatakiw yatiqi.

Proverbios 9:7

Jan ist'asir ñanqha jaqiru chiqachirixa, tuqimpi, chuyma usu arunakampik katuqasi.

Proverbios 9:9

Yatiñ kankañan jaqir yaticham, yatiñ kankañapax jilxataniwa; aski jaqir yaticham, yatiñapasti jilxataniwa.

Números 16:34

Uka jaqinakar wararir ist'asasti, uka thiyanakan jikxatasir israelitanakax, taqpachaniw jaltxapxäna akham sasa: “¡Jaltxañäni, jiwasamppacharurak uraqisti manq'antistaspa!” sasa.

Hechos 5:5

Uk ist'asinsti, Ananiasax jiwataw liwitatti. Taqi uk yatirinakasti wal axsarapxäna.

Deuteronomio 13:11

11 (12) Ukhamat taqpach Israel markax yatini, ukatsti mayampi ukham jucha lurañsa axsarayasipxaniwa.

Deuteronomio 21:21

Ukatsti markankir taqpach jaqinakaw qalamp k'upjasin uka qallasir wawar jiwayapxani. Ukhamat jumanakax markaman uka ñanqha luririnak tukjapxäta, uk yatisinsti israelit jaqinakax wal axsarapxani.

Apocalipsis 11:13

Ukapachaw mä jach'a uraq khathatix sartäna, uka uraq khathatisti markan mä qawqha chiqanakap t'unthapïna, paqallqu waranqa jaqinakarakiw uka uraqi khathatimpix jiwaräna. Qhiparirinakasti, axsarañatsa alaxpachankir Diosaruw yupaychapxäna.