Proverbios 19:3 - Qullan Arunaka DC

³ Jaqix jan amuyt'asirïtap laykuw aynacht'i, ukatsti jaqix Tatiturukiw juchañchi.

Aymar Bibliia 1986

³ Jakejj jan amuyt'asirïtap laycojja suma sarnakañapjja chhakhayiwa, ucatsti jakejj Tatituruquiw juchañchi.

Qullan Arunaca

³ Jakejj jan amuyt'asirïtap laycojja suma sarnakañapjja chhakhayiwa, ucatsti jakejj Tatituruquiw juchañchi.

Proverbios 19:3 Jak'a apnaqawi uñst'ayäwi

2 Reyes 6:33

Eliseox jupanakampiw parlaskäna, ukapachaw khithat jaqix Eliseon nayraqatapar purinïna; ukat säna: —Tatituw aka jan walt'añ apayanistu, ¿kunat juk'ampirak nayasti Tatitut suyästi? —sasa.

Job 15:13

¿Kunatarak Diosatak mayjt'astasti, ukataqi jupatak tuqisiraktasti?

Salmos 37:1

Ñanqha lurir jaqinakar uñjasax jan q'apisimti, janirak ñanqha luririnakarus yäqamti,

Salmos 37:7

Tatitun nayraqatapan amukt'am; jupan yanapap llamp'u chuymamp suyam. Ñanqha lurir jaqin nayrar sartatapat jan q'apisimti, ñanqhanak amtir jaqitsa janirak mayjt'asimti.

Proverbios 11:3

Chiqa sarnaqir jaqinakarux chiqa kankañapaw irpi; k'ari sarnaqir jaqinakarusti k'ari kankañapaw tukji.

Isaías 32:6

Mä jaqix arsutapampiw maynirux chuymap ust'ayi, chuymapansti jan wali amtäwinakak amtaski, jaqi jiwayañak munaski, manq'at awtjat jaqirux jan kunan khithanuku, umat pharjatarus janiw um waxt'kiti. Tatiturus k'arintarakiwa.

Lamentaciones 3:39

Juchanakasat mutuyaskistu, janiw kunat arusiñasäkisa.

Ezequiel 18:25

Jumanakax sapxätawa: ‘Tatitux janiw chiqapar uñjkiti’ sasa, ukampis ist'am Israel marka, ¿nayan jan chiqapar uñjaskataxti jumanakax amuyapxta? ¿Janit jumanakaki jan chiqapar kunanaksa lurapkta?

1 Samuel 13:13

Samuelusti juparux sarakïnwa: —¡Luqhir uñtataw lurtaxa! Tatitux kuntix sisktam uka arunakarutix jaysasamänxa, juman Israel markar apnaqañamax wiñayatakïsapänwa.

1 Samuel 15:23

Jupar kutkatirixa, layqasiñanak luririmpi sasiwa; jan ist'asirïki ukasti, yaqha diosanakar yupaychirimpi sasiwa. Juman arunakapar jan jaysatamatsti, jupax janirakiw juman reyïñam munkiti” sasa.