Proverbios 17:9 - Qullan Arunaka DC

⁹ Jan wali luratat pampachir jaqix, suma munasiñ utjayi; jan wali luratata jan pampachir jaqixa, jaqi masiparux juk'amp jayarst'ayi.

Aymar Bibliia 1986

⁹ Qhititejj jan wali luratata perdonqui ucajja, juc'ampi suma munasiñwa utjayi; qhititejj jan wali luratata parlascaqui ucajja, jake masiparojja juc'ampiwa jithekayi.

Qullan Arunaca

⁹ Qhititejj jan wali luratata perdonqui ucajja, juc'ampi suma munasiñwa utjayi; qhititejj jan wali luratata parlascaqui ucajja, jake masiparojja juc'ampiwa jithekayi.

Proverbios 17:9 Jak'a apnaqawi uñst'ayäwi

Salmos 32:1

Khititix taqpach juchapat q'umachat jikxataski uka jaqix kusisiñaniwa.

Proverbios 10:12

Uñisisiñax ch'axwanak utjayi, munasiñasti taqi juchanak pampachi.

Proverbios 16:28

Jan ist'asir saxra jaqix ch'axwañanak sartayi; arunak apnaqir jaqisti uñisisiñ utjayi.

Proverbios 17:10

Amuyt'asir jaqix jupan askipatak tuqitäki ukxa, sum katuqasi; jan amuyt'asir jaqisti, patak kuti jawq'jatäkaspa ukas janiw amuyaskaspati.

1 Corintios 13:4

Munasiñanïñax llamp'u chuymanïñawa; khuyapayasirïñawa; janiw uñisisiñäkiti, janiw jach'achasiñäkiti,

Santiago 5:20

jumanakax yatipxam, khititix juchanir jan wali thakhit kuttayanki ukaxa, jiwañat qhispiyi, ukatsti taqi juchanakapat Diosan pampachatäñ jikxatayaraki.

1 Pedro 4:8

Taqi kunat sipansa, jumanakkamax munasipxapunim, munasiñax walja juchanak pampachi.