Proverbios 16:2 - Qullan Arunaka DC

² Jaqitakix taqi kun luratapas walikjamakiwa, ukampis Tatituw chuymanakap yati.

Aymar Bibliia 1986

² Jaketaquejj cunanac luratapasa walicjamaquiwa, ucampis Tatitojj yatiwa amtäwinacapajj waliti jan ucajj janicha ucjja.

Qullan Arunaca

² Jaketaquejj cunanac luratapasa walicjamaquiwa, ucampis Tatitojj yatiwa amtäwinacapajj waliti jan ucajj janicha ucjja.

Proverbios 16:2 Jak'a apnaqawi uñst'ayäwi

Salmos 36:2

2 (3) Jupax aytat jaqïkaspas ukham amuyasi, ñanqha luratapan jan walïtapsa janiw amuykiti.

Proverbios 12:15

Jan amuyt'an jaqitakix taqi kun luratapas walikïskiwa, yatiñan jaqisti, suma iwxa arunakarux ist'iwa.

Proverbios 16:25

Sarnaqäwix jaqin amuyupat walikjamakiwa, ukampis tukuyapax jiwañar puriyiriwa.

Proverbios 17:3

Qurisa, qullqisa ninamp yant'atawa; jaqin chuymanakapsti Tatituw yant'i.

Proverbios 21:2

Jaqitakix taqi luratanakapax walikjamakiwa, ukampis Tatituw chuymanakan amtäwinakap yati.

Proverbios 24:12

“Janiw kuns yatkäyätti” siskäta ukasa, Tatitux chuymam uñt'iwa, jupasti sapa mayniruw lurataparjam churani.

Proverbios 30:12

Yaqhip jaqinakax wali q'umäpkaspas ukham amuyasipxi, ukampis juchanakan phuqhantatäsipkiwa.

Proverbios 5:21

Tatitux jaqin sarnaqäwip uñjaskiwa, sartatanakapsa sum uñch'ukiskaraki.

Isaías 26:7

Aski jaqinakan sarnaqäwinakapax chiqapawa; Tatay, jupanakan thakhipsa jumaw khuskhachtaxa.

Jeremías 17:10

Naya, Tatituwa, jaqin chuymap uñjta, chuyma manqhapan amtatanakapsa yattwa; sapa maynirus luratanakaparjamaw mutuyarakï.”

Daniel (hebreo) 5:27

TEKEL arusti: juma jach'a reyix balanzar waytataw uñjastaxa, tupusti janiw phuqhatäkiti.

Números 22:32

Tatitun angelapasti juparux sänwa: —¿Kunatarak qachu asnomar kimsa kuti jawq'jtasti? Nayaw jumar thakhit jark'antsma, Moab markar saratamax janiw nayatak walïkiti.

Lucas 16:15

Jesusasti jupanakarux sarakïnwa: “Jumanakasti jaqinak nayraqatan askit uñt'ayasipxtaxa, ukampis Diosax chuymanakam sum uñt'apxtam; kunatix jaqinakatak askïki ukax, Diosatakix janiw kuna askïkisa.

Apocalipsis 2:18

“Tiatira iglesiankir angelarux qillqarakim akham sasa: ‘Diosan Yuqapax, khititix nina lawranakjam nayranïki, kayunakapas suma lliphipkir broncer uñtatäki ukax akham siwa:

Jueces 17:6

Uka urunakansti Israelan reyipax janiw utjkänti, uka laykusti sapa mayniw munañapak lurasipxäna.

Jueces 7:6

Ukatsti amparapar um phuxttasin anunakjam laxuntirinakax kimsa patak jaqinakänwa, mayninakasti taqiniw umar alxatas umt'apxäna.

1 Samuel 16:7

Ukampis Tatitux sänwa: “Jan jumax uñnaqapaki, ukhamarak jach'a tansätapaksa uñkatkamti, janiw nayax jupar ajlliskti. Jaqix uñnaqak uñkati, ukampisa nayax jaqin chuymap uñjaraktxa” sasa.

1 Samuel 2:3

Jan khitis jichhax jach'achasiñampi parlpati, janirak khitis sinti yatiñan tukpati, Tatitu Diosaw taqi kunsa yati, juparakiw jaqin luräwinakapsa uñjaraki.