Proverbios 15:9 - Qullan Arunaka DC

⁹ Tatitux ñanqha jaqinakan sarnaqatanakap janiw uñjañ munkiti; chiqa kankañan sarnaqir jaqirusti munasiwa.

Aymar Bibliia 1986

⁹ Tatitusti ñankha jakenacan sarnakatanacapjja janiw uñjañ munquiti; qhititejj cheka cancañana sarnakqui ucaruw munasiraqui.

Qullan Arunaca

⁹ Tatitusti ñankha jakenacan sarnakatanacapjja janiw uñjañ munquiti; qhititejj cheka cancañana sarnakqui ucaruw munasiraqui.

Proverbios 15:9 Jak'a apnaqawi uñst'ayäwi

Salmos 1:6

Tatituw aski jaqinakan sarnaqäwip imaski, ñanqha lurir jaqinakan thakhipasti aynacht'añaruw puriyi.

Salmos 11:7

Tatitux chiqapar uñjiriwa, kunatix chiqäki ukarux munasiwa; ¡ukat aski jaqinakax ajanup uñkatapxani!

Salmos 139:24

nayatix ñanqha thakhin sarnaqirïstxa, chiqa thakhinjamay irpasita.

Salmos 5:5

5 (6) jach'a jach'a tukur jaqinakasa, janirakiw nayraqataman utjapkaspati. Jumax ñanqha lurir jaqinakarux uñistawa,

Proverbios 15:10

Suma thakhinjam sarnaqañ apanukuri jaqirux qhuru kankañampi chiqachatawa; chiqachäwir jisk'achir jaqisti, jiwaniwa.

Proverbios 21:21

Chiqana, askin sarnaqañ thaqhir jaqixa, jakañampi, jach'ar aytatäñamp jikxati.

Proverbios 21:4

Jach'a jach'a tukuñasa, wali yatiñan tukuñasa, jan walinak lup'iñas juchawa.

Proverbios 21:8

Jan wali lurir jaqin sarnaqäwipax q'iwinukuta jan waliwa, aski jaqin luratanakapasti q'umawa.

Proverbios 4:19

Ñanqha lurir jaqinakan sarnaqäwipasti ch'amakakiwa; ¡janiw kunar lanqtasipxatapsa yatisipkiti!

Proverbios 8:13

Tatitur axsartañaxa, jan walir uñisiñawa. Nayax, jach'a jach'a tukuñarusa, jan walin sarnaqañarusa, k'arisiñarus uñistwa.

Isaías 26:7

Aski jaqinakan sarnaqäwinakapax chiqapawa; Tatay, jupanakan thakhipsa jumaw khuskhachtaxa.

Isaías 51:1

Tatitux siwa: —Ist'apxita taqi khitinakatix chiqa chuymampi thaqapkista, chiqa kankañsa munapkarakta ukanaka. Jumanakax Abraham awkita Sara taykat saraqirinakäpxtawa.

Isaías 51:7

“Kunatix chiqäki uk yatirinaka, ist'apxita, nayan yatichäwinakax sum katuqir marka. Jaqin jan wali arusitanakap jan axsarapxamti, janiraki jaqin jisk'achatanakapampis ch'am laq'ayasipxamti,

Jeremías 44:4

Nayasti mayamp mayampi nayar luqtir profetanak khithanipxäyäsma, jumanakar uka axtañ luräwinak jan lurapxañamatak yatiyiri, nayasti uka luräwinakampix axtastwa.

Oseas 6:3

¡Tatitur uñt'añatak ch'amacht'asipxañäni! Jupaw jiwasanakan ukar jutani, kunjämtix intix jalsunki ukhama, kunjämtix nayraqat jallunakax uraqir purxatki ukhama.

Habacuc 1:13

Juman sinti q'umätamatsti, janiw jan wali lurañxa uñjkasmati, janirakiw ñanqha luräwinakarus, walikiw siskasmati; ¿kunjämarak jiwayirinakarus amuk uñch'uktasti? ¿Kunatarak amukïtasti jan wali jaqinakax jupanakat juk'ampi askïpki ukanakar tukjapki ukkhasti?

Mateo 7:13

“K'ullk'u punku chiq mantapxam. Chhaqhañar irpir thakhimpi, punkumpisti jach'awa; waljanirakiw uka chiq mantapxi;

Deuteronomio 7:13

Jumanakarusti munasiñampiw uñjapxätam, aski waxt'äwi churapxätam, mirantayapxarakïtamwa; wawanakamar aski waxt'äwinak churani, yapunakamaru, taqi achunakamaru, trigo yapunakamaru, vinomaru, aceitemaru, ukhamarak vacanakamana, ovejanakaman qallunakapar aski waxt'äwinak churani, nayra awkinakamar juramentomp churañ arsuwaykän uka uraqina.

1 Timoteo 6:11

Ukampis Timoteo, Diosan luqtiripjamaxa, taqi jan walinakat jithiqtam. Diosar ist'iri, Jesucriston chiqpach yatiqiripar tukum. Diosarux alkatasipunim, iglesiankir jilatanakarus munasirakim. Kunapachatix jan walinakar saykatkät ukkhasti, llamp'u chuymanïñamawa, taqinimpis sumankañamarakiwa.

2 Timoteo 2:22

Waynanakan jan wali amtäwinakapat jithiqtam, ukatsti aski kankaña, iyawsaña, munasiña, sumankañ thaqham, khitinakatix Tatitur q'uma chuymamp mayipki ukanakamp chika.