Proverbios 15:8 - Qullan Arunaka DC

⁸ Tatitux ñanqha jaqinakan luqtatanakapxa janiw uñjañ munkiti, aski jaqinakan mayisitanakapsti kusisiñampiw katuqi.

Aymar Bibliia 1986

⁸ Tatitojj ñankha jakenacan loktatanacapjja janiw uñjañ munquiti, ucampis cusisiñampiwa catoke cheka jakenacan mayisitanacapjja.

Qullan Arunaca

⁸ Tatitojj ñankha jakenacan loktatanacapjja janiw uñjañ munquiti, ucampis cusisiñampiwa catoke cheka jakenacan mayisitanacapjja.

Proverbios 15:8 Jak'a apnaqawi uñst'ayäwi

2 Samuel 15:12

Ukatsti, Absalonax Davidan amuyt'ayiri jaqinakapat, Guiló sat markan jakasir Ahitófel sat chacharuw jawsayanïna, jupamp chika wilañchanak luqtañapkam ukankañapataki. Ukchañkamasti sapüruw Absalonar jaqkattir jaqinakax jilxattäna, Davidatak sayt'asiñ amtäwisti wali ch'amampiw jilxataskäna.

1 Reyes 3:10

Salomonan ukham mayisitapax Tatitur kusisiyänwa,

1 Crónicas 29:17

Diosaxay, nayax yattwa, jumaw chuymanak uñt'taxa, jumatakix chiqa kankañaw askixa. Ukat chiqa chuymampix taqi akanak chursma. Jichhasti kusisitaw uñjarakta markamax akan tantacht'atäsina, munasiñ chuymampiw waxt'äwinak churapxtam.

Salmos 141:2

Mayisitaxax incienso q'aphir uñtat nayraqatamar makhatanpan, luqatatat amparanakaxasti, jayp'u luqtäwjamäpan.

Salmos 17:1

Tatay, chiqapat mayisitaxarux ist'akimaya, arnaqasitaxar jaysakimaya, mayisitaxar iyawsakimaya, janiw k'ari arunakampi mayisksmati.

Proverbios 10:24

Ñanqha lurir jaqitakix axsarki ukaw utjarapi, aski jaqitakisti amtatanakapax phuqhasirapiwa.

Proverbios 15:29

Tatitux ñanqha lurir jaqinakat jithiqtiwa, aski jaqinakan mayisitanakapsti ist'iwa.

Proverbios 15:7

Yatiñan jaqix wali suma yatichäwinak parli, jan yatiñan jaqisti jan walinakak luri.

Proverbios 21:27

Tatitux ñanqha jaqinakan waxt'äwinakap uñisi, jan wali amtäwinakamp luqtapxatap layku.

Proverbios 21:3

Wilañchanaka, waxt'äwinak katuqañat sipana, Tatitutakix chiqa kankañamp uñjaña, axsartañ chuymamp sarnaqañaw juk'amp askixa.

Proverbios 28:9

Diosan kamachipar jan ist'añ munir jaqirux, janiw jupan mayisitap Diosax ist'kaniti.

Eclesiastés 5:1

1 (17) Kunapachatix Diosan utapar sarkät ukkhaxa, sarnaqäwim uñakipasim, ñanqha lurir jaqinakan wilañchap luqtañat sipansa, ist'añatak jupar jak'achasim.

Cantar de los cantares 2:14

“Qarqanakar imantasiri palomaxay, jaqhi jamas manqhanakan imantasiri palomaxay, ajanum uñkatt'ayita, arsutam ist'ayarakita. ¡Jumar uñjañax munkayawa! ¡Parlatam ist'añas wali muxsawa!” sasa.

Isaías 61:8

Tatitusti kunatix chiqapäki uk muni, lunthatasiñampi, jaqi jiwayañampirux uñisiwa. Jupaw jumanakarux kunatix churañäki uk taqi chuyma churapxätam, ukatsti mä wiñay arust'äwi jumanakampix lurani.

Isaías 66:3

Ukampisa mä urqu vaca wilañcha luqtapki, jaqirus jiwayasipkaraki ukham jaqinakaw utji; mä ovejsa wilañcha luqtañatak kharinukupki, ukamp chiksti anurus jiwayasipkaraki, granonak luqtasasti, ukampi chikxa khuchhin wilapsa luqtasipki, inciensonak q'uphichasasti, k'ari diosanakarus yupaychasipkaraki. Uka jaqinakax kuntix munapki ukhampun lurapxi, ukham lurañ amtapxaraki.

Jeremías 6:20

¿Kunatakis jumanakax Sabá uraqit incienso apanirapipxista? ¿Kunatakirak jaya markanakat q'apkir alinak apanirapipxistasti? Janiw nayatakix uka luqtasitanakamax kuna askïkisa, janiw yaqha waxt'äwinakamas askïkarakiti.”

Daniel (hebreo) 9:23

Diosax walpun jumar munastam, jumax mayisiñ qalltkta ukspachaw jupax ist'tam. Nayasti jumar kuntix Diosax sañ munktam uk yatiyiriw jutsma. Jichhasti sum sum arunakaxar ist'am, uka unañchäwin qhanañchäwip amuyt'añamataki:

Levítico 7:18

Ukampisa maynitix uka sumankthapiñataki wilañcha luqtatäki uka uywan aychap kimsïr urunsa manq'askakinixa, uka wilañchax janiw katuqatäkxaniti, janirakiw uka luqtatax kunatakis askïkxaniti; uka aychasti jan kunatak aski uñjatarakïniwa. Khititix uka aycha manq'kani ukasti juchanit uñt'atäxaniwa.

Miqueas 6:6

¿Kunampirak alaxpachankir Dios Tatitur yupaychañatak uñstästi? ¿Jupan nayraqataparusti maran vaca qallunakampiti uñstäxa jupar wilañcha luqtañataki?

Miqueas 6:7

¿Tatitusti kusisirakispati jupar waranqa ovejanaka, jan ukax tunka waranqa litro aceite churirista ukaxa? ¿Jan ukax jilïr yuqall wawaxcha Tatitur saykatataxata, jucha lurataxatsa, luqtirista?

Hageo 2:14

Ukat Hageo profetax säna: “Tatitux siwa: ‘Aka jaqinakax ukar uñtasitawa. Kunanaktix lurapki, kunanaktix luqtapkitu ukanakas q'añuwa.

Malaquías 1:10

Taqi ch'aman Tatitux siwa: “¡Walïspaw jumanakat kawkïrisa utaxan punkunakap jist'antaspa ukaxa, ukhamat jan inamayataki altaraxan ninapa aqtayasipkañamataki. Janiw jumanakatak chuymaxax utjkituti, janiw waxt'äwinakam katuqkarakïti.

Juan 4:24

Diosax Ajayuwa, khitinakatix jupar yupaychapki ukanakax Ajayuna, chiqa kankañampi yupaychapxañapawa —sasa.