Proverbios 15:1 - Qullan Arunaka DC

¹ Suma arumpi kutt'ayañax q'apisiñ chuyma llamp'uchi, jan wali arumpi kutt'ayañasti, q'apisiñ juk'amp naktayi.

Aymar Bibliia 1986

¹ Suma arumpi cutt'ayañajja colerañjja apakewa, ucampis jan wali arumpi cutt'ayañajja, juc'ampwa colerasiyi.

Qullan Arunaca

¹ Suma arumpi cutt'ayañajja colerañjja apakewa, ucampis jan wali arumpi cutt'ayañajja, juc'ampwa colerasiyi.

Proverbios 15:1 Jak'a apnaqawi uñst'ayäwi

2 Samuel 19:43

43 (44) Israelitanakasti sasipkakïnwa: —¡Nanakax David reyitxa, jumanakat sipan tunka kutiw jupat arsuñax wakt'apxitu. Ukat juk'ampi, nanakaw nayraqat reyir mayipxta kuttanxañapataki. Ukhamasti, ¿kunatarak nanakar jisk'achañ chuymampi uñjapxistasti? —sasa. Ukampisa, Judá markankir jaqinakax israelitanakat sipan, qhuruchasiñampiw arsusisipkakïna.

1 Reyes 12:7

Jupanakasti sapxänwa: —Jumatix jichhürun aka markar yanapäta, ukatsti chuymapar purkir llaphi arunakampi parlxayarakïta ukaxa, jupanakax wiñayaw jumar luqtapxätam —sasa.

2 Crónicas 10:7

Jupanakasti sapxänwa: —Jumatix munasiñampi aka jaqinakar uñjäta, jupanakan mayitap jaysäta, suma arunakampi jupanakar parlarakïta ukaxa, jupanakax wiñayatakiw luqtapxätam —sasa.

Job 41:3

3 (27) ¿Uka animalax jumar achikt'asir jutaspati, jan ukax, axsarañampicha parliristamxa?

Proverbios 10:12

Uñisisiñax ch'axwanak utjayi, munasiñasti taqi juchanak pampachi.

Proverbios 15:18

Mäki mayjt'asir jaqix nuwasiñanak utjayi; llamp'u chuyman jaqisti, pachparuw nuwasiñ ch'ujtayi.

Proverbios 25:15

Llamp'u chuymax q'apisit chuymarux sumaptayiwa; suma arunakasti q'apisiñampi arsut arunakarux quñaptayiwa.

Proverbios 28:25

Juk'ampst'añ munir jaqix, nuwasiñanak utjayi, Tatitur alkatir jaqisti nayraqataruw sum sarxaru.

Proverbios 29:22

Mäki kunatsa mayjt'asir jaqix, nuwasiñanak utjayi, walja kutiw pantjasiraki.

Proverbios 29:8

Ch'axwanak utjayir jaqinakax, markaruw uxtayi; yatiñan jaqinakasti sumankañ utjayi.