Proverbios 10:21 - Qullan Arunaka DC

²¹ Aski jaqin arunakapax waljaninakaruw yatichi, jan yatiñan jaqisti jan amuyt'asirïtap laykuw jiwi.

Aymar Bibliia 1986

²¹ Asqui jaken arunacapajj waljaninacaruw yatichi, ucampis jan yatiñani jakejj jan amuyt'asirïtap laycuw jiwi.

Qullan Arunaca

²¹ Asqui jaken arunacapajj waljaninacaruw yatichi, ucampis jan yatiñani jakejj jan amuyt'asirïtap laycuw jiwi.

Proverbios 10:21 Jak'a apnaqawi uñst'ayäwi

Job 23:12

Kamachinakapsa, kamachi arunakapsa phuqhapuntwa, janiw nayan munañaxak luraskti.

Salmos 37:30

Aski jaqix yatiñ kankañampiw parli; chiqa jaqisti chiqap parli.

Proverbios 1:29

jumanakan yatiñ kankañar jisk'achapxatamata, Tatitur jan axsarapxatamata.

Proverbios 1:31

¡Jan wali sarnaqatanakamat t'aqhisipxäta! Ñanqha amtatanakamampiw amjayasipxäta.

Proverbios 1:32

Jan yatiñan jaqinakarux jan yatitanakapaw tukji, pisi amuyt'an jaqinakarusti jan amuyt'asitanakapaw aynacht'ayi;

Proverbios 10:11

Aski jaqin arunakapax jakañ churir arunakawa, ñanqha lurir jaqirusti jan wali luräwinakaw aynacht'ayi.

Proverbios 12:18

Jan amuyt'as arsur jaqix, arunakapampiw maynir chuym usuchji, amuyt'ampi arsur jaqin arunakapasti qullar uñtatawa.

Proverbios 15:4

Chuymachasir arunakax suma qullar uñtatawa, jan wali amuyump arsut arunakasti, jaqin chuymap usuchjiriwa.

Proverbios 15:7

Yatiñan jaqix wali suma yatichäwinak parli, jan yatiñan jaqisti jan walinakak luri.

Proverbios 17:16

Inamayakiw jan amuyt'asir jaqix, yatiñ kankañ qullqimpis alasiñ munaskaspa.

Proverbios 5:12

Ukkhakiw jumax säta: “¡Janik yatichäwi arunakar jisk'achkpachänti! ¡Janik chiqachäwi arunakarus apanukkpachänti!

Proverbios 5:2

Ukhamat suma yatiñampi sarnaqañ yatïta, amuyt'ampiw arsurakïta.

Proverbios 5:23

Jan chiqachayasiñ munatapaw jiwañar irpani; pisi amuyt'asirïtapasti, chhaqhañaruw aparakini.

Proverbios 6:32

¡Jaqi masipan warmipamp sarnaqirix jan amuyt'asiriwa! ¡Ukham jan wal lurir jaqixa, jupa pachpaw tukjasiski!

Eclesiastés 12:11

Yatiñ kankañan jaqin säwi arunakapax mich'inakar uñtatawa, mayar apthapitasti ch'akt'ata ch'akurunakäkaspas ukhamawa, mä awatirin uskt'ata.

Isaías 5:13

Ukatpï jichhax markpacharu, jilïrinakapampirux, jaya markar apanukutäpxanixa, khayanarak manq'atjamasa, umatjamas jiwarapxani.

Jeremías 15:16

Jumax nayar parlxaykista ukapachaxa, arunakam nayax manq'jam manq'antäyäta; uka arunakamaw chuymaxarux kusisiyarakïna, taqi ch'amani Dios Tatitu, nayax juman wawamätwa.

Jeremías 3:15

Kawkïr marka apnaqirinakatix nayatakjamäkani ukanak churarakï, ukanakasti ch'ikhi kankañampiw apnaqapxätam, suma amuyt'a chuymampiraki.

Oseas 4:6

Markaxasti janiw amuyunïkxiti, ukat t'unjat uñjasi. Jumasti, sacerdote, yatiñsa apanuktawa, ukat jichhax nayax jumar apanukuraksma. Niyakixay jumax Tatitun yatichäwinakapsa armanukstaxa, nayax wawanakamat armasirakïwa.

Mateo 12:35

Mä suma jaqix sumanak arsu, chuymapan suma amtañanak utjatap layku, jan wali jaqisti jan walinakak arsu, chuymapan jan wali amtañanak utjatap layku.

Mateo 13:19

Khitinakatix Diosan suma yatiyäwip ist'apki ukat janirak amuyt'apki, ukanakax thakhir purkatayna uka jathamp sasiwa; supayasti jutasin chuymapar phawantat arunak apsuwayxi.

Romanos 1:28

Diosar jan uñt'añ munapxatap laykuxa, jupax jan wali amtäwinakaparuw jaytanuku, kunatix jan lurañäki uk lurapxañapataki.

1 Pedro 5:2

Diosan arkirinakaparux sum uñjapxam, jupanakasti jumanakar katuyatawa. Kunjämtix Diosax munki ukhamarjam taqi munasiñamp lurapxam, janiw ukham luram satakisa, qullqi munañ laykukisa, jan ukasti, taqi chuymapun lurapxam.