Proverbios 1:7 - Qullan Arunaka DC

⁷ Yatiñ kankañan qalltapax Tatitur axsartañawa; pisi amuyt'an jaqinakasti yatiñarusa, yatichäwirus jisk'achapxiwa.

Aymar Bibliia 1986

⁷ Yatiñ cancaña jicjjatañataquisti nayrakatajj waquisiwa Tatitur ajjsaraña; pisi amuyt'an jakenacasti jisc'achapjjewa yatiñarusa, yatichäwirusa.

Qullan Arunaca

⁷ Yatiñ cancaña jicjjatañataquisti nayrakatajj waquisiwa Tatitur ajjsaraña; pisi amuyt'an jakenacasti jisc'achapjjewa yatiñarusa, yatichäwirusa.

Proverbios 1:7 Jak'a apnaqawi uñst'ayäwi

Job 28:28

Jaqinakarusti Diosax sänwa: “Yatiñ kankañax: Tatitur taqi chuyma jaysañawa; ch'ikhi kankañax: ñanqhat jithiqtañawa” sasa.

Salmos 111:10

Yatiñ kankañan qalltapax, Tatitur axsartañawa, jupar waqaychirinakax wali amuyt'anïpxiwa. ¡Tatitux wiñayaw yupaychatäni!

Proverbios 1:22

“Jan yatiñani, sawkasiri, pisi amuyt'an waynanaka, ¿kunapachkamarak pisi amuyt'añan sarnaqapxäta, sawkasiñanakaman kusisiñ jikxatasa, kunapachkamarak yatiñ kankañar jisk'achasipkakïtasti?

Proverbios 15:32

Chiqachäwir jan ist'iri jaqix, jupa pachpaw jisk'achasiski; chiqachäwir ist'ir jaqisti, amuyt'asiñ kankañ jikxati.

Proverbios 15:33

Tatitur axsartañax yatiñ kankañ utjayi; jach'añchäwinak katuqañatakisti, nayraqatax llamp'u chuymanïñawa.

Proverbios 15:5

Jan amuyt'an jaqix awkipan yatichäwiparux jisk'achiwa; awkipar ist'ir jaqisti yatiñanïtap uñacht'ayi.

Proverbios 18:2

Jan amuyt'an jaqix janiw yatiqañ amtanïkiti; jupan amuyupak parlañ muni.

Proverbios 2:5

ukapachaw Tatitur axsartañ yatïta; ¡kunäkitix Diosar uñt'añax uk jikxatarakïta!

Proverbios 23:9

Jan amuyt'an jaqirux janiy jinchu jak'at parlxayamti, jupax yatiñ kankañan arunakamat sawkasïtamwa.

Proverbios 9:10

Yatiñ kankañan qalltapax, Diosar axsartañawa; Qullanan qullanapar uñt'añax ch'ikhi kankañanïñawa.

Eclesiastés 12:13

Parlañax tukusxiwa. Taqi kunaw satäxi. Diosar yupaycham, kamachi arunakapar phuqham, taqi ukanakan jaqitakïtap layku.

Romanos 1:28

Diosar jan uñt'añ munapxatap laykuxa, jupax jan wali amtäwinakaparuw jaytanuku, kunatix jan lurañäki uk lurapxañapataki.

Deuteronomio 4:6

Uka kamachi arunak phuqhasaraki sarnaqapxam, ukhamat taqi markanakas yatini, jumanakan yatiñ kankañanïpxatama, suma amuyt'anïpxatama; kunapachatix uka kamachinakxat yatipkani ukkhasti, jupanakax sapxaniwa: ‘Kunja suma amuyt'an markas aka markaxa’ sasa.