Proverbios 1:25 - Qullan Arunaka DC

²⁵ Jan ukasti, suma iwxa arunakaxarux janiw jaysapkistati, nayan chiqachäwinakax katuqañsa janiw munapktati.

Aymar Bibliia 1986

²⁵ Jan ucasti suma ewjja arunacajj-jja jisc'achapjjtawa, janiraquiw ewjja arunacajj-jja catokañ munapctati.

Qullan Arunaca

²⁵ Jan ucasti suma ewjja arunacajj-jja jisc'achapjjtawa, janiraquiw ewjja arunacajj-jja catokañ munapctati.

Proverbios 1:25 Jak'a apnaqawi uñst'ayäwi

2 Crónicas 33:10

Tatitux Manasés reyimpiru, markapampiruw parläna, ukampis janiw jupar yäqapkänti.

2 Crónicas 36:16

Ukampis jupanakax Diosan khithanakapat larusipxänwa, yatiyäwinakapar janiw yäqapkänti, profetanakapatsa phiskasipxarakïnwa, Tatitun q'apisiñapasti markapatak ninjamaw aqtäna, ukat jupax mutuyañ amtäna.

Salmos 107:11

Tatitun arsutanakapar qallasipxatap laykuw t'aqhisipxäna, Alaxpachankirin amtäwipar jisk'achapxatap laykuw mutupxäna.

Salmos 81:11

11 (12) “Markaxasti janiw ist'añ munkitänti; ¡Israel markax janiw jaysañ munkitänti!

Proverbios 1:30

Jumanakax janiw suma iwxa arunakax katuqañ munapktati; chiqachäwi arunakaxarus jisk'achapxtawa.

Proverbios 12:1

Chiqachatäñaru munañax, yatiñ kankañar munañawa; chiqachatäñar uñisiñax, jan amuyt'asirïñawa.

Proverbios 15:10

Suma thakhinjam sarnaqañ apanukuri jaqirux qhuru kankañampi chiqachatawa; chiqachäwir jisk'achir jaqisti, jiwaniwa.

Proverbios 5:12

Ukkhakiw jumax säta: “¡Janik yatichäwi arunakar jisk'achkpachänti! ¡Janik chiqachäwi arunakarus apanukkpachänti!

Proverbios 8:14

Nayankiw amtäwisa, amtäwin phuqhasiñapasa, nayätwa chiqap kankañaxa, ch'aman kankañasa.

Jeremías 35:17

Ukat naya, Israelan Diosapa taqi ch'aman Tatitux sistxa: Judá uraqina, Jerusalén markan utjasir jaqinakxaruxa kunayman jan walinak apayanï, kuntix jupanakar yatiykäyäta taqi ukanaka. Nayasti jumanakarux parlxayapxsmawa, ukampis janiw nayarux ist'apkistati, jawsapxsmawa, ukampis jumanakax janiw jaysapkistati.’ ”

Lucas 7:30

ukampis fariseonakampi, kamachi yatichirinakampix, janiw Juanampix bautisayasipkänti; uk lurasasti, Diosax jupanakatak lurañ munkän uk jisk'achapxäna.

Deuteronomio 1:45

Kuttanxapxta ukkhasti, jumanakax Tatit nayraqatan jachapxtaxa, ukampis jupax janiw jachatanakam ist'känti.

1 Samuel 8:18

Ukampis kunürutix uka jumanakan ajllit reyitak arusipkät ukkhaxa, Tatitux janiw jumanakarux ist'apkätamti —sasa.