Proverbios 1:23 - Qullan Arunaka DC

²³ Nayan iwxa arunakaxar ist'apxita, nayaw ajayuxamp phuqt'apxäma, amtäwinakax yatiyapxarakïma.

Aymar Bibliia 1986

²³ Nayan ewjja arunacajjaru ist'apjjeta, ucatsti nayaw yatiñanïña churapjjäma, yatichäwinacajjsa yatiyapjjaraquïma.

Qullan Arunaca

²³ Nayan ewjja arunacajjaru ist'apjjeta, ucatsti nayaw yatiñanïña churapjjäma, yatichäwinacajjsa yatiyapjjaraquïma.

Proverbios 1:23 Jak'a apnaqawi uñst'ayäwi

Salmos 145:1

Diosaxay, Reyixay, jach'aruw aptäma, wiñayaw sutim jach'añchä.

Proverbios 1:25

Jan ukasti, suma iwxa arunakaxarux janiw jaysapkistati, nayan chiqachäwinakax katuqañsa janiw munapktati.

Proverbios 1:30

Jumanakax janiw suma iwxa arunakax katuqañ munapktati; chiqachäwi arunakaxarus jisk'achapxtawa.

Proverbios 10:17

Chiqachäwi arunak jaysir jaqix, jakañ thakhinjam saraski; jan jaysasiristi, chhaqhañ thakhiruw saraski.

Proverbios 12:1

Chiqachatäñaru munañax, yatiñ kankañar munañawa; chiqachatäñar uñisiñax, jan amuyt'asirïñawa.

Proverbios 29:1

Chiqachäwi jan katuqañ munir jaqix, jan mayampitakiw tukjat uñjasini.

Proverbios 6:23

Chiqpachansa iwxa arunakampi, yatichäwinakampix qhanaskir lamparar uñtatawa; chiqachäwinakampi, suma iwxt'a arunakampix, jakañ thakhiwa.

Isaías 32:15

Ukampisa Tatitun ch'amapax wasitat jiwasxar jutani, ch'usa wasar uraqisti suma yapuchasiñ uraqiruw tukxani, yapuchasiñ uraqisti juk'ampi suma achuri yapuruw tukxani.

Isaías 45:8

“Nayaw atipjañxa alaxpachatpach apayanï, alaxpach sullar uñtata, jallur uñtat apayanï, aka uraqisti uk katuqaniwa; qhispiyasiñasti mä achur uñtataw achuni, jak'apanxa chiqa kankañax panqarar uñtataw panqarani.”

Jeremías 3:14

Tatitux siwa: “Nayatak sayt'asir wawanaka, nayan ukar kuttanxapxam, jumanakan uywirimax nayätwa. Sapa markat jumanakat mayni apsurakï, sapa wila masinakatsti panin apsurakï, ukatsti Jerusalén markaruw kuttayanxapxäma.

Ezequiel 33:11

Jichhasti jupanakarux sarakim: Naya, Tatituw juramentompi arsta, janiw nayax qhuru jaqin jiwañap munkti, jan ukasti uka qhuru jakañap apanukusin jakañap munta. Israelitanaka, ¡jumanakax uka jan wali sarnaqäwinakam apanukupxam! ¡Kunatix jan walïki uk jan lurapxamti, ukhamat jan jiwapkätati!’ sasa.

Oseas 14:1

1 (2) ¡Israel, Tatit Diosaman ukar kuttanxam, jucha luratamat aynacht'taxa!

Joel 2:27

Israelita jaqinaka, ukkhaw jumanakax naya Tatitun jumanakampïskatax yatipxäta, nayätwa Diosamaxa, janirakiw yaqhax utjkiti. ¡Markaxasti janipuniw mayampis p'inqachatäkxaniti!”

Joel 2:28

28 (1) “Taqi akanak qhipatsti, nayax jaqinakxaruw ajayux khithanï; yuqanakamasa, phuchhanakamasa, nayat parlapxani, chuyman jaqinakasti samkanak samkasipxani, waynanakasti jutir urut unañchäwinak uñjapxarakini.

Joel 3:1

1 (1) Tatitusti siwa: “Kunapachatix uka urux purinkani ukkhaxa, Judá markampiru, Jerusalén markampirux kuttayanxäwa.

Zacarías 12:10

Davidat saraqiri wila masinakapampiru, Jerusalén markan jakirinakampirux, khuyapayasiñampi mayisiñ ajayumpiw phuqt'ä. Ukkhaw khitirutï chhuxriñchapki ukarux uñkatapxani, ukatsti jupat llakisipxaniwa, jachapxarakiniwa, sapa yuqall wawa jiwayasiri jaqjama, jan ukax jilïr wawan jiwatapatjama.

Lucas 11:13

Jumanakatix qhurükasin wawanakamarux sumanak churañ yatipxstaxa, ¡ukat juk'ampi, alaxpachankir Awkimax jupat mayirinakar Qullan Ajay churani!

Juan 7:39

Ukampix Jesusax sañ munäna, khitinakatix iyawsapkani ukanakax Qullan Ajayu katuqapxani; Qullan Ajayux janïraw jupanak taypinkkänti, Jesusan alaxpachar janïr aptatätap layku.

Hechos 26:20

Ukatsti, Damasco markankirinakaruw nayraqat Tatitun arunakap yatiyta, ukxarusti Jerusalén markankirinakaru, Judea uraqinkirinakaruw yatiyarakta, jan judiöpkis ukanakarusa, jan wali luräwinakap apanukusin Diosar kutikipstapxañapataki, kutikipstapxatapat aski luräwinakamp uñacht'ayasa.

Hechos 3:19

Ukhamasti jan wali lurañanak apanukusin kutikipstapxam, Diosar makhatapxam juchanakam pampachañapataki,