Oseas 9:9 - Qullan Arunaka DC

⁹ Guibeá markan urunakapanjam ñanqha lurañanakapampix q'al aynacht'xapxi. Ukampis Tatitux ñanqha luratanakapat amtasiniwa, juchanakapatsti mutuyarakiniwa.

Aymar Bibliia 1986

⁹ K'alpuni aynacht'jjapjje ñankha lurañanacampejja, Gabaan urunacapanjama. Ucampis Tatitojj ñankha luratanacapatjja amtasiniwa, juchanacapatsti mutuyaraquiniwa.

Qullan Arunaca

⁹ K'alpuni aynacht'jjapjje ñankha lurañanacampejja, Gabaan urunacapanjama. Ucampis Tatitojj ñankha luratanacapatjja amtasiniwa, juchanacapatsti mutuyaraquiniwa.

Oseas 9:9 Jak'a apnaqawi uñst'ayäwi

Éxodo 32:7

Ukat Tatitux Moisesar säna: —Qullut saraqxam, Egiptot irpsunkta uka markamax jan walinak lurasipki.

Isaías 24:5

Uraqisti jaqinakapan takisitawa, kamachinak jan phuqhatap layku, arsutanakaparus janiw jaysapkiti, Tatitun wiñayatak arust'äwipsa p'akintapxarakiwa.

Isaías 31:6

Israelan wawanakapa, khitirutix chuymap wal ust'ayapkta ukar kuttxapxam.

Jeremías 14:10

Tatitux akham siw Israel markatxa: “Aka markax maysat maysar sarnaqañpun muni. Ukat nayax juparux jan taqi chuyma uñtkti. Jichhax juchanakapat amtasaw jupanakarux mutuyarakï.”

Ezequiel 21:28

28 (33) “Jumasti Ezequiel, nayan sutixar Israel markar jisk'achiri amonita jaqinakar sarakim: ‘Espadax jumanakar jiwarayañatakix niya wakicht'atawa, lliju llijunak sarayañatak suma llijkir qaqsutawa, taqi kun t'unjañatak wakicht'atawa.

Oseas 10:9

Tatitux siwa: “Israelax Guibeá chiqan jucha lurañ qalltkän ukkhatxa, janiw jucha lurañap apanukkiti. ¡Pachpa juchanakapan sarnaqasipki! Ukat jichhax jupanakan jan walïpxatapatxa nuwasïwix pachpa Guibeá chiqan tukjani.

Oseas 4:9

Aka markarux jan wali sarnaqäwinakapatxa, sacerdotenakarjamaw mutuyarakï.

Oseas 5:8

¡Guibeá chiqan nuwasiñatak putut phust'apxam, Ramá chiqansti trompet phust'apxarakim! ¡Bet-avén chiqansti p'arxtayapxam! ¡Benjamín ayllunkirinakarusti, amuyasipxpan sapxarakim!

Oseas 7:2

Nayax jupanakarux sum uñt'ta: Ñanqha lurañanakampi phuqhantatäpxiwa, ukampis janiw ukhamäpxatap amuyasipkiti.

Oseas 8:13

Jupanakatakisti wilañchanak luqtañaw askixa, ukatsti, uka luqtat aychanak manq'apxaraki; ukampis naya Tatitux janiw ukanakampix kusisitäkti, kuna jan walinaktix lurapki ukanak amtaskakipunïwa, uka juchanakapatsti, Egipto markar kuttayasaw mutuyarakï.

Oseas 9:8

Tatitusti profetaparux Israel markar uñjañapatakiw uskusi, ukampis jumanakax sarnaqäwinakaparux sipitanak uskupxtaxa; Tatitun utapansa uñisisipkaktawa.

Sofonías 3:7

Ukat sista: ‘Jerusalén markax axsartitaniwa, iwxa arunakaxsa ist'arakitaniwa; mutuyatäñapax janiw wakiskxaniti, janirakiw utanakapas t'unjatäkaniti.’ Ukampis jupanakax jank'akiw kunayman juchanak lurañanakar puripxaraki.

Jueces 19:12

Ukatsti levitax sänwa: —Janiwa, janitix israelitanakan markapäkchi ukax janiw ukar sarksnati, Guibeá markar puriñkam saraskakiñani,

Jueces 19:16

Uka arumax mä awkiw yapu luräwit kutt'anisin uka chiqa saraskäna. Uka awkisti Efraín qullunakankirïnwa, ukawjansti jupax jayankir jaqjamaw jakäna, Guibeá markan jakirinakax Benjamín ayllunkirïpxänwa.

Jueces 19:22

Ukhama kusisitäpkan ukkhawa, markankir jan wali jaqinakax utar muyuntasin punkut liq'intapxäna, ukatsti utani awkirux sapxänwa: —¡Utamar sart'ir jaqir irpsunim! ¡Nanakax jupamp ikintasiñ munapxta! —sasa.

Jueces 20:43

Benjaminitanakax israelitanakampi muyuntataw uñjasipxäna, israelitanakasti arktasin q'al tukjapxäna, Menuhá chiqata Guibeá markat inti jalsu tuqikama.