Oseas 9:4 - Qullan Arunaka DC

⁴ Janiw Tatitur jach'añchas juk'ampi vino umkxapxaniti, janirakiw ukan wilañchanak jupar luqtapkaniti. T'ant'a manq'atanakapas llaki t'ant'jamäniwa, khitinakatix manq'apkani ukanakax q'añur tukutäniwa. Uka t'ant'anakax jupanakatakikïniwa, ukampis janiw Tatitun utapar apapkaniti.

Aymar Bibliia 1986

⁴ Janiw Tatitun sutipjjaru juc'ampi vino umcjjapjjaniti, janiraquiw ucansa juc'ampi sacrificionac loktascjjapjjaniti. T'ant'a mank'atanacapas llaqui t'ant'jamäniwa, qhitinacatejj mank'apcani ucanacas k'añöjjapjjaraquiniwa. Jupanacaw uca t'ant'anacjja mank'asipcani, ucampis janiraquiw Tatitun temploparu ucanacjja apañataquejj ch'amanïpcaniti.

Qullan Arunaca

⁴ Janiw Tatitun sutipjjaru juc'ampi vino umcjjapjjaniti, janiraquiw ucansa juc'ampi sacrificionac loktascjjapjjaniti. T'ant'a mank'atanacapas llaqui t'ant'jamäniwa, qhitinacatejj mank'apcani ucanacas k'añöjjapjjaraquiniwa. Jupanacaw uca t'ant'anacjja mank'asipcani, ucampis janiraquiw Tatitun temploparu ucanacjja apañataquejj ch'amanïpcaniti.

Oseas 9:4 Jak'a apnaqawi uñst'ayäwi

Éxodo 29:40

Nayrïr ovejamp chiksti, sumïr jak'uta pä kilo jak'umpi, mä litro oliva aceitempi chapt'at luqtäta, ukxarusti mä litro vinompiw warxatäta, waxt'äkaspas ukhama.

Éxodo 40:23

Uka patxarusti, t'ant'anak sum ucht'äna, Tatitun nayraqatapana, kunjämtix Tatitux siskatayna ukhamarjama.

Isaías 57:6

“Israel, jumax jawira llust'a qalanakaruw yupaychtaxa, ukan jumatakix mä chiqax wakichat utji. Uka qalanakaruw vino luqtäwinak churastaxa, granonaksa churasiraktaxa. ¿Taqi uka luratamatsti kusisïti?

Isaías 66:3

Ukampisa mä urqu vaca wilañcha luqtapki, jaqirus jiwayasipkaraki ukham jaqinakaw utji; mä ovejsa wilañcha luqtañatak kharinukupki, ukamp chiksti anurus jiwayasipkaraki, granonak luqtasasti, ukampi chikxa khuchhin wilapsa luqtasipki, inciensonak q'uphichasasti, k'ari diosanakarus yupaychasipkaraki. Uka jaqinakax kuntix munapki ukhampun lurapxi, ukham lurañ amtapxaraki.

Jeremías 16:7

Janiw khitis uka jiwaratanakan wila masinakapar chuymachañatakix, manq'äwinak wakichkaniti, uka jiwatax pachpa awkipa jan ukax taykapäskpasa.

Jeremías 6:20

¿Kunatakis jumanakax Sabá uraqit incienso apanirapipxista? ¿Kunatakirak jaya markanakat q'apkir alinak apanirapipxistasti? Janiw nayatakix uka luqtasitanakamax kuna askïkisa, janiw yaqha waxt'äwinakamas askïkarakiti.”

Ezequiel 24:17

Amukiw t'aqhisïta, janirakiw llaki isimpis isthapisïtati kunjämatix jiwirinakat isthapisipki ukhama. Jan q'ara p'iqis sarnaqamti, janirak q'ara kayus saramti; ajanumsa jan imt'asimti mä kunatsa t'aqhiskasma ukhama, janiraki uka pachanakan manq'añ t'ant'a manq'amti.”

Ezequiel 24:22

Jumanakax kuntix nayax lurkta ukhamarak lurapxäta, ayquñanakam uñacht'ayañatakisti janiw ajanunakam imt'asipkätati, janirakiw uka pachanakan manq'añ t'ant'sa manq'apkätati.

Daniel (hebreo) 1:8

Danielasti chuymapan amtasirakïna jan uka reyin manq'apampisa, vinopampisa q'añuchasiskaña, jupatakix uka manq'a manq'añax juchänwa. Ukat Aspenaz chachar achikt'asïna, juparusa, masinakaparus jan wayt'añapataki, uka manq'ampi jan q'añuchasiskañataki.

Oseas 3:4

Walja maranakaw israelitanakax jan reyini, jan jilïr irpirini sarnaqapxani, wilañchanak jan luqtasa, jan altaranakani, jan sacerdotenakani, jan yaqha diosanakani.

Oseas 7:16

Yaqha diosanakar yupaychiriw sarxapxi; wixru mich'inak antutt'añar uñtatäpxiwa, mich'inakapasti janirakiw kawkharutix puriñapäki ukkhar purkiti. Jan walinak parlapxatapatsti, jilïrinakapax espadampi jiwarayatäpxaniwa, Egiptonsti jupanakat larusipxaniwa.

Oseas 8:13

Jupanakatakisti wilañchanak luqtañaw askixa, ukatsti, uka luqtat aychanak manq'apxaraki; ukampis naya Tatitux janiw ukanakampix kusisitäkti, kuna jan walinaktix lurapki ukanak amtaskakipunïwa, uka juchanakapatsti, Egipto markar kuttayasaw mutuyarakï.

Joel 1:13

Sacerdotenaka, Tatitun altarapan irnaqirinaka, chhankha isinakampi isthapisipxam, llakisiñat jachapxarakim, Tatitun utapanxa trigosa, vinosa waxt'äwi churañatakix janiw utjkxiti.

Joel 1:9

ukhamaw sacerdotenakax jachapxi, Diosan utapanxa janiw vinos, trigos Tatitur luqtañatakix utjkxiti.

Joel 2:14

Tatitux inas juchanakamat mutuyañ jan amtaskxchiniti, inas suma waxt'äwinak apayanchini: trigompi, vinompi jupar luqtäwinak churañataki.

Levítico 17:11

Taqi jakirinakan jakañapax wilankiwa. Naya pachpaw jumanakarux uka uywanakan wilap churapxsma altaran nayar luqtapxañamataki, uka wilan jakañax utjatap laykuw jumanakax juchat pampachatäñ jikxatapxta.

Levítico 21:17

“Aaronarusti akham sarakim: Akat uksarusti, kawkïr wawanakamatix janchipan jan k'umaräpkani ukanakax janipuniw t'ant'a waxt'anak Diosar luqtapkaniti.

Levítico 21:21

Aaronan yuqanakapatsti khitinakatix jan k'umaräpki ukanakax janipuniw waxt'anak Diosar luqtapkaniti; jupanakax janiw k'umaräpkiti, ukat jupanakax Tatit Diosarux waxt'anak jan luqtapkaspati.

Levítico 21:6

jan ukasti, Tatit Diosaparuw katuyasipxañapa, jupan sutip janirakiw ñanqhachapxañapäkiti, jupanakaw taqi nakt'at waxt'anaksa, Tatitun t'ant'apsa luqtapxi; ukhamasti jupanakax Tatitutak yaqhachatapuniw sarnaqapxañapa.

Levítico 21:8

Jupanakarusti yaqhachatpun utjayam, jupanakax Tatitun t'ant'ap luqtirinakäpxiwa. Juma nayraqatansti q'uma jaqinakäpxañapawa; naya Tatitun qullanätax layku, nayarakiw jumanakarux qullana tukuyapxsma.

Amós 5:22

Nayar jach'añchasa wilañchanak luqtäwinakam janiw munkti, janirakiw granonakat waxt'anak luqtapkista ukanak munkti; janiw katuqkäti lik'i vaca qallunak sumankthapiñ wilañcha luqtatanakamsa.

Malaquías 2:13

Ukhamarus jumanakax janiw ukanakak lurapktati, jan ukasti jumanakan waxt'äwinakam Tatitux taqi chuymamp jan katuqxatap laykusti, jachañanakamampi, warariñanakamampiw Tatitun altarap phuqhantayapxtaxa.

Números 19:11

“Maynitix jiwat jaqin amayap llamkt'anixa, paqallqu uruw q'añut uñt'asini.

Números 28:2

“Israelitanakar parlam, jupanakar sarakim: wakisit uruyañanakan, jan armt'asis nayar luqtapxitpan, t'ant'ampi, nakt'ayat waxt'anakampi, nayatak suma q'apkir waxt'a luqtanaka.

Números 4:7

Ukatsti Tatitutak yaqhachat t'ant'anak uchañ patxarux, morado telampiw janxatapxani, uka patxaruw chuwanaka, wisllanaka, qirunaka, vino luqtañ chatunaka, sapür luqtañ t'ant'anak uchapxani.

Juan 6:51

Nayätwa alaxpachat saraqanir jakañ churir t'ant'axa; khititix aka t'ant'at manq'kani ukax wiñayatakiw jakani. Nay churkä uka t'ant'ax nayan janchixawa, uksti akapachan jakañanïñapatakiw churä —sasa.

Deuteronomio 26:14

Janiw uka yaqhachat achunakat manq'kti, llakisita, ukhamarak q'añuchat jikxataskäyät ukkhasa, janirakiw jiwatanakarus luqtkti. Tatit Diosaxay, taqi arunakamaruw jaysta, ukhamarjamaw phuqharakta.