Oseas 9:3 - Qullan Arunaka DC

³ Israelax Egipto markaruw kuttxani, Asiria markansti q'añu manq'anak manq'arakini. Janiw jichhax juk'ampi Tatitun markapan jakxapxaniti:

Aymar Bibliia 1986

³ Efrainasti Egiptoruraquiw cuttjjani, Asiria marcansti k'añu mank'anacwa mank'araquini. Janiw jichhajj juc'ampi Tatitun marcapan jacjjapjjaniti:

Qullan Arunaca

³ Efrainasti Egiptoruraquiw cuttjjani, Asiria marcansti k'añu mank'anacwa mank'araquini. Janiw jichhajj juc'ampi Tatitun marcapan jacjjapjjaniti:

Oseas 9:3 Jak'a apnaqawi uñst'ayäwi

1 Reyes 9:7

nayax Israel markarux jupanakar churat uraqitxa apanuküwa, qullanañchkta uka qullan utsa nayraqataxat apanuküwa, Israel markasti taqi markanakatakis larusiñatakïniwa.

2 Reyes 17:6

Qhiparusti, Oseas reyix llätunka mara marka apnaqkän ukapachaw, Asiriankir reyix Samaria marka katuntasïna, israelit jaqinakarusti Asiria markaruw katuntat apäna, ukatsti jupanakarux Halah sat chiqaruw utjnuqtayäna, Habor jawir chiqankir Gozán uraqina, ukhamaraki medonakan markanakapana.

Jeremías 16:18

Nayraqatax mä ukkhampi jupanakarux mutuyä ñanqhanaka, juchanak lurapxatapata, uka axtaskañ diosanakapampisti nayan suma uraqix q'añuchapxatapata, kawkïr uraqtix jupanakar churkta uka uraqinsti nayax axtaskta ukanak lurapxarakïna.”

Jeremías 2:7

Nayaw jupanakarux aka suma uraqir irpanta, ukhamat suma achunakapat manq'apxañapataki. Ukampis jumanakax jutasinxa nayan uraqix takisipxtawa, aka uraqixatsti axtasiyapxarakistawa.

Lamentaciones 5:6

Nanakar wali uñisirinakaxaruw manq'añ mayiñax wakt'apxitu.

Ezequiel 4:13

Ukxarusti Tatitux saskakïnwa: “Israelita jaqinakax ukham q'añu manq'a manq'apxani kawki markanakarutix apanukuykä uka markanakanxa” sasa.

Daniel (hebreo) 1:8

Danielasti chuymapan amtasirakïna jan uka reyin manq'apampisa, vinopampisa q'añuchasiskaña, jupatakix uka manq'a manq'añax juchänwa. Ukat Aspenaz chachar achikt'asïna, juparusa, masinakaparus jan wayt'añapataki, uka manq'ampi jan q'añuchasiskañataki.

Oseas 11:11

“Egiptotsti jamach'inakjamaw khathatt'asis jutxapxani; Asiriatsti palomanakjamarakiw jutxapxani; wasitat utanakapan utjasiyxä. Uksti, naya Tatituw arsta.

Oseas 11:5

ukampis jupanakax janiw nayan ukar kuttaniñ munapkiti. Ukatpï jichhax wasitat Egipto markar kuttapxañapänixa, Asiria markarakiw jupanakarux apnaqani.

Oseas 7:11

Israelax jan amuyuni ipirat palomjamaw jikxatasi. Egipto markaruw yanap mayi, Asiria markaruw yanap mayirix sari.

Oseas 7:16

Yaqha diosanakar yupaychiriw sarxapxi; wixru mich'inak antutt'añar uñtatäpxiwa, mich'inakapasti janirakiw kawkharutix puriñapäki ukkhar purkiti. Jan walinak parlapxatapatsti, jilïrinakapax espadampi jiwarayatäpxaniwa, Egiptonsti jupanakat larusipxaniwa.

Oseas 8:13

Jupanakatakisti wilañchanak luqtañaw askixa, ukatsti, uka luqtat aychanak manq'apxaraki; ukampis naya Tatitux janiw ukanakampix kusisitäkti, kuna jan walinaktix lurapki ukanak amtaskakipunïwa, uka juchanakapatsti, Egipto markar kuttayasaw mutuyarakï.

Oseas 9:6

Jumanakax t'unjatäñat jaltxapxäta ukaxa; Egiptonkirinakaw katurapxätam, ukatsti Menfis chiqar allintatäpxätawa. Qullqit lurat yänakamasti itapallumpi phuqhantatäniwa, utjäwinakamansti ch'aphinakaw jilantarakini.

Levítico 18:28

¡Uka uraqisti janirak jumanakarux apanukpati, kunjämtix jumanakat nayra jakapkän ukanakar apanukkän ukhama!

Levítico 20:22

“Nayan kamachinakax phuqhapxapunim, ukarjamarak sarnaqapxam. Ukhamat kawkïr uraqirutix irpapksma uka uraqit janiw jumanakarux apanukupkämati.

Levítico 25:23

“Uraqisti janiw wiñayatak aljatäñapäkiti, uka uraqix nayankiwa; jumanakasti uka uraqinxa sart'ir jaqinakakïpxtawa.

Amós 7:17

Ukat Tatitux akham sixa: ‘Warmimasti markan uñjkataw yaqha chachanakampi sarnaqani, yuqanakamas phuchhanakamas espadampi jiwarayatäpxaniwa; uraqinakamsa yaqhanakaw katuntasipxani, jumasti Tatitur jan uñt'ir jaqinakan uraqipan jiwarakïta, israelitanakasti katuntata, uraqipat jayar apatäpxarakiniwa’ sasa.

Miqueas 2:10

¡Jichhax sartapxam! ¡Akat sarapxam! Aka chiqax janiw samarañatakïkiti; ñanqha lurañampi phuqhantatawa, ukat q'al tukjatarakïni.

Hechos 10:14

Pedrosti ukxaruw säna: “Janiw, Tata. Nayax janipuniw kunapachas jan manq'añ q'añu animalanak manq'irïkti” sasa.

Deuteronomio 28:63

Kamisatix Tatitux suma askinak churasina, jumar mirantayasin kusiskäna, ukhamarakiw kusisini jumar aynacht'ayata, ch'usar tukut uñjasïta ukapachaxa, katkäta uka uraqitxa jan khuyapt'ayasis jik'inukutaw uñjasïta.

Deuteronomio 28:68

Tatitux barconakat Egiptorux kuttayätam, jupax ‘janiw uka thakhinjam kuttätati’ siskchïyätam ukasa; ukatsti uñisirinakamaruw aljätam jupanakan t'aqhisiyat luqtiripäñamataki; ukampis janiw khitis jumar alasiñ munkaniti.”

Deuteronomio 4:26

alaxpachampi, akapachampiw qhanañchirit sayt'ani, janiw walja urunak Jordán jawira khurkatankir uraqin jakapkätati, jan ukasti taqi jumanakax t'unjataw uñjasipxäta.

Josué 23:15

Ukampisa, kunjämtix Tatitux suma arsutanakapar phuqhawayki, ukhamarakiw jupax kunayman jan walt'añanak jumanakxaru apayanini, jumanakat jan maynis aka uraqina, kawkïrtix Tatitux churapktam uka suma uraqin qhiparapxañamkama,