Oseas 9:2 - Qullan Arunaka DC

² Israel markax janiw trigsa, vinsa uñjkaniti; machaq vinopasti janiw kunatakïkanisa.

Aymar Bibliia 1986

² Israel marcajj janiw trigsa ni vinsa uñjcaniti; machak vinopasti juc'aquiraquïniwa.

Qullan Arunaca

² Israel marcajj janiw trigsa ni vinsa uñjcaniti; machak vinopasti juc'aquiraquïniwa.

Oseas 9:2 Jak'a apnaqawi uñst'ayäwi

Génesis 50:10

Jordán jawir jak'ankir Atad sata chiqar purisinsti, taqpachaniw Jacobun jiwatapat jachapxäna, Joseasti ukan paqallqu urunakaw awkipat jachäna.

Oseas 2:11

11 (13) Kusisiñanakapas tukusiniwa, phunchhäwinakapsa, machaq phaxsi uruyañanakapsa, samarañ urunakapsa, q'al tukjarakï.

Oseas 2:12

12 (14) Uva yapunakapsa, higo yapunakapsa q'al tukjarakï, uka yapunakatsti, akham sänwa: ‘Munirinakaxaw aka yapunak kunatix wakt'kitu ukat churapxitu’ sasa. Nayasti uka yapunakap qurampiw qurantayä, pampankir animalanakaw ukanak manq'antapxani.

Oseas 2:9

9 (11) Ukat jichhax taqi kunanaktix nayax churkta ukanak q'al aparasxä.

Amós 5:11

Janiw qalat lurasipkta uka suma utanakan jakapkätati, janirakiw uka suma uva yapunak yapuchasipkta ukatsa vino umapkätati, wajchanakar jisk'achapxatamata, trigotsa impuestonak apsupxatamata.

Hageo 1:9

Jumanakax wal thaqhapxtaxa, ukampis juk'ak jikxatapxtaxa; kuntix utanakaman imasipkta ukanaksti nayax may phust'asakiw ina ch'usar tukuyta. ¿Kunata? Utaxan laqayar tukuyatätapata, jumanakan utanakamatakik llakisipxatamata. Naya, ch'aman Tatituw arsta.

Hageo 2:16

¿kunarak jumanakar kamachapxayätamsti? Kunapachatix jumanakat maynix pä tunka tupu grano aptir sarkän ukkhaxa, tunkak jikxatäna; ukhamaraki, maynix vino lurapkis uka chiqar phisqa tunka wayuchanak vino waytir saräna ukkhasti, pä tunkak jikxatxäna.