Oseas 8:9 - Qullan Arunaka DC

⁹ jan amuyun uri asnökaspas ukhamaw Asiria markarux yanap mayirix sarapxi. Israelasti munirinakap alasiñatakix waxt'äwinak churi.

Aymar Bibliia 1986

⁹ Asiriaru yanapa mayir saratap laycu, mä jan amuyani monte asnöcaspas uqhama. Efrainasti wajjt'äwinacwa churi munirinacap alasiñapataquejja.

Qullan Arunaca

⁹ Asiriaru yanapa mayir saratap laycu, mä jan amuyani monte asnöcaspas uqhama. Efrainasti wajjt'äwinacwa churi munirinacap alasiñapataquejja.

Oseas 8:9 Jak'a apnaqawi uñst'ayäwi

2 Reyes 15:19

Asiria markan Tiglat-piléser sat reyipax Israel uraqiruw mantantäna. Menahem reyisti, juparux kimsa tunka kimsan waranqa kilo qullqi churäna, Israel marka apnaqäwiparu ch'amañchasin yanapt'ayasiñataki.

Isaías 30:2

Mäkiw Egiptonkir reyirux yanap mayipxi, nayar jan jiskt'asaw ukham lurapxi; uka reyin ch'amaparuw katuyasipxi.

Isaías 30:6

Profecía arunaka Néguev chiqankir animalanakxata: Uka axsarkay uraqinakanxa, axsarkay leonanakaw jakapxi, katarinakasa, chhiqhan katarinakas ukan thuqhunaqapxi, uka chiqanjam qamir kankañanakap asnoru, camellor khumuntat apapxi, Egipto markaruw jan kunatak inamay apapxi,

Jeremías 2:24

montenkir qachu asnor uñtata, qullu tuqirukiw sarañ munasktaxa, taqi kun munasakiw wal samaqisktaxa. Kunapachatix urqu asnompi jikintasiñ munki ukkhax janiw khitis jarkt'kaspati. Mä urqu asnotix thaqhaspaxa, jank'akiw jan qarjasis jikxataspa.

Oseas 12:1

1 (2) Israelax thayapitakis sarnaqkaspa ukhamawa; sapürus inti jalsu tuqit jutir thayarukiw arkaski. K'arisiñanakapampi, nuwasiñanakapampisti waliw jilxatti, Asiria markampis arust'asiwa, Egipto markarusti aceitenak apayi.”

Oseas 12:2

2 (3) Tatitux Israelampix ch'axwankiwa. Jacobun markaparusti sarnaqäwipatjam mutuyani; luräwinakapatjam kunatix katuqañapäki uk katuqapxarakini.

Oseas 2:10

10 (12) Munirinakapan uñjkañ q'alalsuyä. ¡Janiw khitis amparaxat qhispiykaniti!

Oseas 5:13

“Kunapachatix Israel markaxa, Judá markasa jan walt'añan jikxatasipkani ukkhaxa, jupanakax Asiria apnaqir reyiruw yanap mayirix sarapxani, ukampis uka reyix janiw yanapt'kaniti.

Oseas 7:11

Israelax jan amuyuni ipirat palomjamaw jikxatasi. Egipto markaruw yanap mayi, Asiria markaruw yanap mayirix sari.