Oseas 8:8 - Qullan Arunaka DC

⁸ ¡Israelasti jichhax manq'antatawa! Yaqha markanakasti jan kunatak askïkaspas ukham uñjapxi,

Aymar Bibliia 1986

⁸ ¡Israelasti jichhajj mank'antatawa! Yakha marcanacasti jan cunatac asquïcaspas uqhamwa uñjapjje,

Qullan Arunaca

⁸ ¡Israelasti jichhajj mank'antatawa! Yakha marcanacasti jan cunatac asquïcaspas uqhamwa uñjapjje,

Oseas 8:8 Jak'a apnaqawi uñst'ayäwi

2 Reyes 18:11

Asiriankir Salmanasar reyisti, israelitanakarux Asiria markaruw katuntat apäna, ukatsti jupanakarux Halah chiqaruw utjnuqtayäna, Harbor jawir thiyana, Gozán uraqina, medonakan markanakapana.

Isaías 30:14

ñiq'it lurat chatjam q'ala t'unjatäpxätawa, uka jik'illitanakax jan kunatak wakiskiriwa, qhirit nina sank'a apsuñatakisa, jan ukax phuch'ut uma qichsuñatakisa” sasa.

Jeremías 22:28

¿Joaquín reyix mä p'akjat chatumpi sasiti, jan kunatak inamaya jan khitin munata jaqtatati? ¿Kunatarak jupasa, wawanakapasa jan uñt'at jaya markar apanukut uñjasipxisti?

Jeremías 25:34

¡Awatirinaka, wararipxam, usuyasiñat wararipxam! ¡Jumanaka, tamar irpirinaka, uraqin qurumnaqapxam! Jumanakar khariraña pachax purinxiwa, jumanakarusti lik'i ovejanakarjamaw kharirapxätam.

Jeremías 48:38

“Moab markan taqi uta patanakansa, thakhinakapansa, jaqinakan wararitapakiw ist'asiski, nayaw Moab markarux jisk'a jisk'a t'unjta, jan kunatak inamay sañükaspas ukhama. Naya, Tatituw uk arsta.”

Jeremías 50:17

“Israel markasti leonanakan arknaqat mä chhaqhat ovejar uñtatawa. Asiriankir reyiw nayraqat manq'anti, ukxarusti Babiloniankir Nabucodonosor reyiw ch'akhanakamppach manq'antaraki.

Jeremías 51:34

Jerusalén markasti sarakiwa: “Babiloniankir Nabucodonosor reyix jisk'a jisk'a tukjasaw manq'antitu; ch'usa chuwar uñtat jaytarakitu. Jach'a qutankir jach'a laq'ur uñtataw manq'antitu; nayan suma manq'anakaxampiw sist'asi, ukat jilt'irsti liwtxarakiwa. ¡Babiloniax nayar jan wal luratapat jichhax yatpan! ¡Caldeo jaqinakasti, nayan jaqinakax jiwarayatapat kunatix katuqañapäki uk katuqpan!”

Lamentaciones 2:16

Taqi uñisirinakamaw jichhax jumatak arsu. Lakanakapsa t'ururt'asisaw axsarayañ arunak sapxi: “¡Q'alpun t'unjtanxa. Akpun suyaskäyätanxa; kunjämtix uñjañ munkäyätan, ukham uñjtanxa!” sasa.

Lamentaciones 2:2

Tatitux Jacobun utanakap jan mayan t'unjawayi; Suma Judá markan pirqanakapsti phiñasiñapan atipjataw q'al t'unjawayi; reyirux qunuñap apaqawayi, jilïrinakaparusti wal p'inqachjawayaraki.

Lamentaciones 2:5

Tatitux uñisirïkaspas ukham uñjistu: Israel markarux q'al tukji; reyin utanakapsti taqpach t'unthapi, suma jach'a pirqanakapsa pampa tukuyaraki. Ukkha suma Judá markarusti, t'aqhisiñatsa, t'aqhisiñampiw phuqhantaraki.

Lamentaciones 4:2

Jerusalén markan jakirinakasti, wali munatäpxänwa, qurïpkaspas ukham uñjatäpxänwa, jichhasti ñiq'i phukhükaspas ukham uñjatakïxiwa, jan yäqañ sañu luririn luratjama.

Lamentaciones 5:2

Uraqinakaxasa, markaxasa jichhax yaqha jaqinakan amparapankxiwa.

Ezequiel 36:3

Jichhasti nayan sutixar parlam, jupanakarusti sarakim: ‘Tatitux akham siwa: Taqi tuqit jumanakarux nuwantanipxtam, t'unjanipxaraktam; taqi yaqha markanakaw jumanakarux katuntapxtam, jaqinakasti phiskasiñampi, jisk'achañampiw uñjapxaraktam.

Levítico 26:33

Jumanakarux markanak taypiruw ananukupxäma, espadampi jiwayañatakiw arknaqapxäma; uraqimasti ch'usa wasarar tukutaw uñjasini, markanakamas axsarkañ q'ala t'unjataw uñjasini.

Romanos 9:22

Diosasti, mutuyaña, ch'amap uñacht'ayañ munasax wal llamp'uchasïna, khitinakatix mutuyatäñ wakiskäna, chhaqhañar sarkän ukanakataki.

Deuteronomio 28:25

uñisirinakamamp jumar tukjayañkama. Jumax jupanakamp nuwasirix siqikiw sarantaskäta, ukampis janiw kunjäm jaltxatamsa amtaskätati, taqpach uraqin jakir jaqinakatakix axsarañjamäyätawa.

Deuteronomio 28:64

Diosax taqi markanakaruw mä thiyat mä thiykam ananukütam, ukansti yaqha diosanakaruw yupaychäta, lawata, qalat lurat diosanakaru, ukanaksti janiw jumasa, nayra awkinakamas uñt'känti.