Oseas 8:5 - Qullan Arunaka DC

^5-6 ¡Samaria, uka vaca qallur yupaychatamax axtasiyituwa! Phiñasiñaxasti uka diosatakiw sarti. Israelitanaka, ¿kunapacharak wasitat q'umäxapxätasti? Samariankir uka vaca qallux janiw chiqpach Diosäkiti, jaqin luratakiwa, ukat jichhax t'unjatarakïni.

Aymar Bibliia 1986

⁵ ¡Samaria, jumajj vaca kalluru yupaychcta ucajj ajjtasiyituwa! Colerasiñajjasti jupa contraraquiw sarti. ¿Cunapacharac israelitanacasti k'oma uñjasjjapjjpachäni?

Qullan Arunaca

⁵ ¡Samaria, jumajj vaca kalluru yupaychcta ucajj ajjtasiyituwa! Colerasiñajjasti jupa contraraquiw sarti. ¿Cunapacharac israelitanacasti k'oma uñjasjjapjjpachäni?

Oseas 8:5 Jak'a apnaqawi uñst'ayäwi

2 Crónicas 13:8

Jichhasti jumanakax Davidan wawanakap tuqi Tatitun apnaqata markapatakiw sayt'asiñ amtapxtaxa, jumanakan waljanïpxatam layku, Jeroboam chachax qurit vaca qallunak lurarapipktam jumanakan diosamäñapataki uka laykukiw sayt'asipxtaxa.

Salmos 19:13

13 (14) Jach'a jach'a tukuñ chuym apaqt'asita; janikiy jach'a jach'a tukuñampix atipjayistati. Ukhamat jan juchan jaqirux tukü; jach'a juchat qhispirakï.

Proverbios 1:22

“Jan yatiñani, sawkasiri, pisi amuyt'an waynanaka, ¿kunapachkamarak pisi amuyt'añan sarnaqapxäta, sawkasiñanakaman kusisiñ jikxatasa, kunapachkamarak yatiñ kankañar jisk'achasipkakïtasti?

Isaías 45:20

“Tantacht'asipxam, jutapxarakim, markanakat jilt'iri taqi jakirinaka, taqini jak'achasinipxam. Jan yatiñan jaqinakaw utji, uka diosanakapsti uksar aksar muyuyasaw apnaqapxi, uka jan qhispiyir diosaruw mayisipxi.

Jeremías 13:27

Jan wali amtatam uñjtwa, wachuqa jucha luratamsa uñjtwa, mä p'inqa yaqhanakampi sarnaqatamsa, qullu patanakana, pampanakana axtaskañ luräwinak luratamsa uñjaraktwa. ¡Ay Jerusalén, kunakïkan jumatxa! ¿Kunapachkamarak ukham sarnaqätasti?”

Jeremías 4:14

Jerusalén, ñanqhanakat chuymam q'umachasim, ukhamat jumax qhispit uñjasïta. ¿Kunapachkamas uka jan wali amtañanakampix apnaqayasïta?

Jeremías 48:13

Ukapachaw Moab markax Quemós sat diosapat p'inqasini, kunjämatix Israel markax Betel chiqar alkatasïnxa, ukatsti uka chiqat p'inqasirakïnxa ukhama.

Oseas 10:5

Samariankir jaqinakax khathatipxiwa; Bet-avén chiqankir vaca qallu diosap chhaqhayasitapat jachapxi. Uka vaca qallutjamaw jaqinakasa, sacerdotenakas wararisipki, jach'a kankañapan chhaqtatapata.

Oseas 10:8

Yaqha diosanakar yupaychañ utanakapas t'unjatawa, Israel markasti uka chiqanakan jucha luränxa. Altaranakapansti ch'aphinakakiw jilantxani, jaqinakasti qullunakarux: “¡Imantapxita!” sapxaniwa, jisk'a qullunakarusti: “¡Nanakxar allxattapxita!” sapxarakiniwa.

Oseas 13:2

¡Jichhas juchxa lurasipkakiwa! Qullqinakap umatatayasinsti yaqha diosanak lursusipxi, kunjämarutix munapki ukhamarjama. Ukatsti sapxarakiwa: “¡Wilañchanak luqtapxam!” sasa. Jaqinakasti uka vaca qallur uñtat diosanakaruw jamp'atipxi.

Amós 8:14

Samaria markankir k'ari diosanakan sutipxar juramento luririnaka; khitinakatix sapki: ‘Dan markan diosap layku’, ‘Beerseba markan diosanakap layku’ sasa, ukanakax jan mayampi sartañatakiw jiwarapxani.”

Miqueas 1:7

Jupanakan diosanakapas taqpach t'unthapitäniwa, ninampi nakhantayatarakïniwa. Jan wali sarnaqir warminakan qullqipampi jikxatatänwa, uka pachpa jan wali sarnaqir warminakan qullqipar tukuyatäniwa” sasa.

Hechos 7:41

Ukat jupanakax mä dios lurapxäna, vaca qallur uñtata, ukatsti uywanak jiwayapxäna uka diosar wilañcha luqtañataki. Ukatsti jach'a phunchhäwi lurapxäna amparapamp lursusipkatayna uka diosar jach'añchasa.

Deuteronomio 32:22

Nayan q'apisiñaxax mä ninjamaw aqtani, wali manqhapachkamaw aqantani; uraqsa, achunakapsa q'al tukjani, qullunakan qalltanakapsa q'al naksuni.