Oseas 7:8 - Qullan Arunaka DC

⁸ “Israel markax yaqha markanakampiw mayachasxi. Jan suma qhatit t'ant'jamaw tukuwayxi, maysäxax suma qhatita, maysäxasti ch'uqïskaraki ukhama.

Aymar Bibliia 1986

⁸ “Efrainajj yakha marcanacampiw sarnakjje. Efrainajj maysäjjat khatit tortjamaquiwa tucuwayjje.

Qullan Arunaca

⁸ “Efrainajj yakha marcanacampiw sarnakjje. Efrainajj maysäjjat khatit tortjamaquiwa tucuwayjje.

Oseas 7:8 Jak'a apnaqawi uñst'ayäwi

1 Reyes 18:21

Ukatsti Eliasax taqpach markar jak'achasisaw säna: —¿Kunapachkamarak jumanakasti pä chuyma sarnaqapxätasti? Tatitutix chiqpach Diosächixa, juparuy arkapxam, jan ukax Baal diosatix chiqächixa, jupar arkapxarakim —sasa. Markachirinakax janiw kamsapkänsa.

Esdras 9:1

Ukanak tukt'ayatarusti, marka apnaqir jilïrinakax nayar jak'achasisin sapxitu: “Esdras, yatiyañ munapxsma; israelitanakasa, sacerdotenakasa, levita jaqinakasa, janiw aka markankir jaqinakat yaqhachat jakapkiti: cananeonakata, hititanakata, ferezeonakata, jebuseonakata, amonitanakata, moabitanakata, egipcionakata, amorreonakatsa, ukanakan axtkañ idolonakar luqtas sarnaqäwinakapatxa.

Esdras 9:12

Sapxarakistawa, phuchhanakaxax uka jaqinakan yuqanakapamp jan jaqichasipxañapataki, janirak jupanakan phuchhanakapas yuqanakaxamp jaqichasipxañapataki. Janipun kunapachas uka jaqinakan samarañanakapsa, sumankañapsa munañanakaxa, ukhamata nanakax ch'aman sarantañataki, aka uraqin utjir suma achunakapat manq'asiñataki, kusisit jakañatakiraki, ukatsti wawanakaxampiru, allchhinakaxampir tutipäkaspas ukham wiñayatak jaytañataki.

Salmos 106:35

Diosar jan uñt'ir jaqinakampiw chikachasipxäna, luräwinakap yatiqasipxäna:

Oseas 5:13

“Kunapachatix Israel markaxa, Judá markasa jan walt'añan jikxatasipkani ukkhaxa, jupanakax Asiria apnaqir reyiruw yanap mayirix sarapxani, ukampis uka reyix janiw yanapt'kaniti.

Oseas 5:7

Wachuqa jucha lurir warmjamaw sarnaqapxtaxa: yaqha diosanakar yupaychasaw nayar sallqjapxistaxa, jichhax wawanakamax janiw nayan markaxäkxaniti. Ukatpï jumanakasa, uraqinakamas q'ala tukjatänixa.

Oseas 7:9

Jaya markankir jaqinakaw ch'amapsa tuksuwayxi, jupasti uk janiw amuyaskiti. ¡Ñik'utanakapas qaqakamakïxiwa, ukatsa janikiw amuyaskiti!

Oseas 9:3

Israelax Egipto markaruw kuttxani, Asiria markansti q'añu manq'anak manq'arakini. Janiw jichhax juk'ampi Tatitun markapan jakxapxaniti:

Sofonías 1:5

Uta patanakar mistusin warawaranakar yupaychirinakarux tukjäwa, Tatitun nayraqatapan killt'askasa, jaqin lurat Milcom sat diosan sutip layku juramento luririnakarux tukjarakïwa.

Malaquías 2:11

Judá markax Tatitumpi arust'äwir mantatapxa janiw phuqkiti, Jerusalén markansa, Israel uraqinsa wali axtaskay juchanak lurapxi. Judá markasti jan wali sarnaqañanakampiw Tatitun munat qullan utap q'añuchi, Judá markankir jaqinakax k'ari diosanakar yupaychir warminakampiw jaqichasipxi.

Mateo 6:24

“Janiw khitis pani uywirir luqtkaspati, maynirux munasiniwa, maynirusti uñisiniwa, jan ukax maynirux alkataniwa, maynirusti jisk'achaniwa. Diosampiru, qamir yänakampirux janiw khitis luqtkaspati.