Oseas 7:5 - Qullan Arunaka DC

⁵ Reyisan jach'a phunchhäwi urupanxa, jilïrinakax vino umantayasaw usjayapxi. ¡Jupasti khitinakatix jupat larusipkäna ukanakampiw wali sum jikintasi!

Aymar Bibliia 1986

⁵ Reyisajj corona catokcän uca urojja, jilïrinacajj vino umantayasaw usjayapjjaraqui. ¡Jupasti amparapjja loktaraquiwa qhitinacatejj jupat larusipcän ucanacarojja!

Qullan Arunaca

⁵ Reyisajj corona catokcän uca urojja, jilïrinacajj vino umantayasaw usjayapjjaraqui. ¡Jupasti amparapjja loktaraquiwa qhitinacatejj jupat larusipcän ucanacarojja!

Oseas 7:5 Jak'a apnaqawi uñst'ayäwi

Génesis 40:20

Kimsa uru qhipatsti faraonan urupänwa, ukatsti jupax mä jach'a phunchhäwi jaqinakapatak luräna. Jawsayat jaqinak nayraqatat faraonax vino luqtirinakana, t'ant'a luririnakan jilïrinakapar carcelat irpsuyanïna.

1 Reyes 13:4

Jeroboam reyisti, profetan arunakap Betelankir altaratak arskatayna uka arunak ist'asax, altaratpach amparap luqtanïna, sarakïnwa: “¡Uka jaqir katuntapxam!” sasa. Ukampis kawkïr ampartix luqtankatayna uka amparax tisikiw tukuwayxäna, janiw jupax unxtaykxänti.

Salmos 1:1

Ñanqha lurir jaqinakan amtayataparjam jan sarnaqirix kusisiñan jaqiwa, jupax janiw jucharar jaqinakan thakhipan sarnaqkiti, janirakiw Diosampi sawkasirinakampis chikachaskiti,

Salmos 69:12

12 (13) Taqi jaqin parlasitaw sarnaqta, machatanakas nayxat jayllipxi.

Proverbios 13:20

Yatiñan jaqinakamp chika sarnaqirix, yatiñ kankañ yatiqani; jan amuyt'an jaqinakamp chika sarnaqiristi, aynacht'añaruw purini.

Proverbios 20:1

Vinox jaqirux jan amuyun tukuyi, machjayir umañanakasti jan walinak parlayaraki; machjasisin janiw khitis kuns yatiñ kankañamp lurkiti.

Isaías 28:1

¡Ay Samaria marka, Israel markan jach'a jach'a tukuñapa, machantat marka; ankuntat panqaranakampiw k'achachasta, uka suma qhirwan utjasiri marka, jaqinakapas vino umañamp atipjatanaka!

Isaías 28:14

Jerusalén marka apnaqirinaka, ñanqha lurir jaqinaka: Tatitun arunakap ist'apxam.

Daniel (hebreo) 5:23

Jan ukasti, alaxpachankir Tatitut larustawa, jupan utapankir qirunakampi aptayanisax, jawsayat jaqinakamamp chikaw uka qirunakat vino umtaxa; ukhamarusa, qurita, qullqita, bronceta, hierrota, lawata, qalat lurat diosanakaruw yupaychtaxa; uka diosanakasti janiw uñjapkiti, janiw ist'apkisa, janirakiw kuns yatipkiti. Janiw jumax Diosar jach'añchktati, juma reyin jakañamax jupan amparapankiwa, kuntix lurkta ukanakasa jupïpan lurasi.

Oseas 7:3

“Markaxax ñanqha luräwinakapampi, k'arisiñanakapampix, reyirus, jilïrinakaparus wal kusisiyi.

Mateo 14:6

Herodesan urupansti, Herodiasan phuchhapax taqi jawillatanak nayraqatan thuqt'iriw mistunïna, uka thuqt'atapasti Herodesatakix sinti sumänwa,

Marcos 6:21

Ukampis Herodías warmitakix suykän uka urux purinïnwa. Ukasti Herodes reyin urupänwa, uruyasiñatakix jupax jilïrinakampiru, ejercitopan jilïrinakapampiru, Galileankir jilïr jaqinakampiruw jawsthapiyanïna.

Efesios 5:18

Jan machjasipxamti, machjasiñax jan waliruw puriyi; ukatsipana Qullan Ajayumpi phuqhantasipxam.