Oseas 7:2 - Qullan Arunaka DC

² Nayax jupanakarux sum uñt'ta: Ñanqha lurañanakampi phuqhantatäpxiwa, ukampis janiw ukhamäpxatap amuyasipkiti.

Aymar Bibliia 1986

² Janiraquiw amuyasipquiti nayan take uca ñankhanac uñjascatajj-jja. Jichhajj pachpa jan wali luratanacapaw muyuntasqui, ucanacsti nayajj uñjascapuntwa.

Qullan Arunaca

² Janiraquiw amuyasipquiti nayan take uca ñankhanac uñjascatajj-jja. Jichhajj pachpa jan wali luratanacapaw muyuntasqui, ucanacsti nayajj uñjascapuntwa.

Oseas 7:2 Jak'a apnaqawi uñst'ayäwi

Job 34:21

Diosax jaqin luräwip uñch'ukiski; taqi sarnaqäwip yatiskaraki.

Salmos 10:11

Ñanqha chuyman jaqix siwa: “Diosax aka jaqit armasiwa, jupar jan uñjañatakix ajanupsa imantasiwa” sasa.

Salmos 25:7

janikiy jucha luratanakaxat amtasimti, janirak wayna kankañaxan ñanqha luratanakaxatsa amtasimti. Tatay, khuyapayasiñam laykuy nayat amtasita, munasiñam laykuy amtasita.

Salmos 50:22

Naya Diosat armasirinaka, sum ist'apxam, ukatarak q'al tukjasipkirisma; janirak khiti arxatirsa jikxatasisipkasma;

Salmos 9:16

16 (17) Tatitux chiqapar uñjirïtap uñt'ayasi: ñanqha lurir jaqisti pachpa sipitaparuw jalt'i.

Salmos 90:8

Jucha luratanakaxaxa, ñanqha luratanakaxasa juman nayraqataman uñsti.

Isaías 1:3

Urqu vacax jaqiparux sum uñt'asi, asnosti jaqipan uywa uyupxa uñt'asirakiwa; ukampis Israel, nayan markaxaxa, janiw uñt'askiti, amuyt'askxarakisa.”

Isaías 26:16

Tatay, kunapachatix mutuyapkista ukkhaxa, usuchapkchista ukkhasa, jumarukiw makhatanipxsma.

Isaías 44:19

Sum amuyt'asiñatakix yatiñ kankañapas janiw utjkiti, ukat sapxañapataki: “Chikat lawampix nina naktayapxta, ukampiw t'ant'a lurasipxta, aychsa kankasipxarakta ukhamat manq'atäpxañaxataki; ukat jilt'ki uka lawatsti mä axtaskañ dios lurapxarakta, ¡jichhax kunarutix yupaychasipkta ukax mä jisk'a lawakiwa!” sasa.

Isaías 5:12

Jumanakan phunchhäwinakamansti, arpa, cítara, tambor, pinkillo ukanakan toct'asitapakiw ist'asiski, jach'a manq'äwinakamansa vino umañakiw utjaski; ukampis kuntix Tatitux lurki ukanakat janiw amuyapktati, janirakiw jupan luratanakapsa yäqapktati.

Jeremías 14:10

Tatitux akham siw Israel markatxa: “Aka markax maysat maysar sarnaqañpun muni. Ukat nayax juparux jan taqi chuyma uñtkti. Jichhax juchanakapat amtasaw jupanakarux mutuyarakï.”

Jeremías 16:17

Nayasti taqi jupanakan luratanakap uñjtwa; janiw kuna luratanakapas nayat imt'askiti, juchanakapas janirakiw nayan nayraqataxat imt'askaspati.

Jeremías 17:1

“Judá marka, juchamax hierro cincelampi qillqantatawa, qala chuymamxar diamante arimpi qillqantatawa, altaranakamas juchanakamampi qillqantatawa.

Jeremías 2:19

Pachpa ñanqha luratamaw mutuyätam, jan taqi chuymampi sarnaqatamaw juchañchaskätam. Amuyt'asim, ukat uñjarakïta, kunja jan walïkataynatix nayar apanukuñaxa, kunja llakïkataynatix nayar jan yäqatamasa, naya, Tatitu Diosamar apanukutamata. Naya, taqi ch'aman Tatituw uk arsta.

Jeremías 32:19

Jumax amtäwinakaman jach'ätawa, luräwinakamansa ch'amanirakïtawa. Jumaw taqi jaqin luratanakap uñjtaxa, ukatsti luratanakaparjamaw kunsa churtaxa.

Jeremías 4:18

“Jerusalén, jan wal sarnaqatamat taqi akanakax ukham lurasiski. Ñanqha luratamax axtkañawa, ukaw chuymamsa usuchjaraktam.”

Jeremías 44:21

—¿Jumanakasti Tatitux janis ukanak yatkaspa ukhamti amuyapxta? Janiwa, Tatitux sum yatïnxa, jumanakana, awkinakamana, reyinakamana, jilïrinakamana, taqi jaqinakana uka yaqha diosanakar Judá uraqina, Jerusalén marka thakhinakansa yupaychapxatanakamxa.

Ezequiel 21:29

29 (34) Unañchäwi uñjatanakamasa, qhipa urunakan luraskani ukanakxat parlatanakamas k'arikamakiwa. Espadasti ñanqha luriri jaqi jiwayir jaqinakxaruw purini, p'iqinakap khuchhuqani. Mutuyäwi katuqañ pachapasti niya jak'ankxiwa.’

Oseas 12:2

2 (3) Tatitux Israelampix ch'axwankiwa. Jacobun markaparusti sarnaqäwipatjam mutuyani; luräwinakapatjam kunatix katuqañapäki uk katuqapxarakini.

Oseas 4:9

Aka markarux jan wali sarnaqäwinakapatxa, sacerdotenakarjamaw mutuyarakï.

Oseas 6:2

Jank'akiw k'umar sarnaqasiñ churxistani, jupa nayraqatan jakañasatakiw sayt'ayxarakistani.

Oseas 8:13

Jupanakatakisti wilañchanak luqtañaw askixa, ukatsti, uka luqtat aychanak manq'apxaraki; ukampis naya Tatitux janiw ukanakampix kusisitäkti, kuna jan walinaktix lurapki ukanak amtaskakipunïwa, uka juchanakapatsti, Egipto markar kuttayasaw mutuyarakï.

Oseas 9:15

Tatitux siwa: “Guilgal chiqan taqi jan walinak lurapxäna, ukkhanrak jupanakar uñisiñ nayax qalltta. Jan wali luräwinak lurapxatapatxa; utaxat ananuküwa, janirakiw juk'amp munkxäti, taqi jilïrinakapasti nayatak sayt'asirkamakiwa.

Oseas 9:9

Guibeá markan urunakapanjam ñanqha lurañanakapampix q'al aynacht'xapxi. Ukampis Tatitux ñanqha luratanakapat amtasiniwa, juchanakapatsti mutuyarakiniwa.

Amós 8:7

Tatitusti, Israel markan jach'a kankañap laykuw juramento luri: “Janipuniw markaxan jan wali luratanakap armkäti” sasa.

Jonás 1:2

“Sartam, Nínive jach'a markar saram, ukatsti yatiyanim, ñanqha luratanakapax nayraqataxaruw purini, ukat jupanakar q'al tukjä” sasa.

Números 32:23

Ukampis janitix ukham lurapkätaxa, Diosatakiw juchachasipxäta, uka jucha luratat mä uruw mutuñax jumanakatak purinini.

Lucas 12:2

Janiw kuna jamasankiris jan qhanstirix utjkiti, janirakiw kuna imantatas jan yatisirix utjkiti.

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

Deuteronomio 32:29

Jupanakatix yatiñanïpxaspaxa, amuyt'apxaspawa; kunäkanitix ukanaksa yatipxarakispawa.

Hebreos 4:13

Janiw kuna luratapas Diosan nayraqatapan imantaskaspati; taqi kunapuniw jupan nayraqatapan qhanstani, taqi luratasat arsuñasaw wakt'istani.