Oseas 7:1 - Qullan Arunaka DC

¹ Nayax markaxaruw qhispiyañ munta, ukampis jupanakax walja juchanak lurapxi. Taqinis k'arikamakiwa; utanakar mantasin lunthatsupxi, marka thakhinakan jaqinakat lluch'supxi.

Aymar Bibliia 1986

¹ cunapachatejj marcajjar kolljjañ munta, Efrainampiru, Samariampiru ucqhajja, juchapampi jan wali luratanacapampiquiw uñsti. Takenis c'aricamaquiwa; lunthatanacjamaw, utanacarus mantasipcaqui, callenacansa jakenacatjja lluch'susipcaquiwa.

Qullan Arunaca

¹ cunapachatejj marcajjar kolljjañ munta, Efrainampiru, Samariampiru ucqhajja, juchapampi jan wali luratanacapampiquiw uñsti. Takenis c'aricamaquiwa; lunthatanacjamaw, utanacarus mantasipcaqui, callenacansa jakenacatjja lluch'susipcaquiwa.

Oseas 7:1 Jak'a apnaqawi uñst'ayäwi

Isaías 28:1

¡Ay Samaria marka, Israel markan jach'a jach'a tukuñapa, machantat marka; ankuntat panqaranakampiw k'achachasta, uka suma qhirwan utjasiri marka, jaqinakapas vino umañamp atipjatanaka!

Isaías 59:12

Nanakaw jumarux chuyma wal usuyapxsma, pachpa juchanakaxaw juchañchasipkitu; nanakan jucha luratanakaxasti nanak chikawa, ñanqha luratanakaxsti uñt'asipxaraktwa.

Isaías 59:13

Tatitutakiw sayt'astanxa, chuymanakasansti janiw jupatakjamäktanti, Tatitusarusti janiw arkañ munkäyätanti, jaqir nuwañampita, jan wali lurañampitak parlaskäyätanxa, mayninakar sallqjañatakikiw amtaskäyätanxa.

Isaías 59:14

Kunatix chiqapar uñjañäki ukasti jisk'achjatänwa, kunatix chiqapäki ukasti jiwasat jayankiwa, chiqa kankañax uraqir willtatjamawa; janiw chiqa lurañax utjkxiti,

Jeremías 51:9

Babiloniarux qullanakampi qullt'atäxiwa, ukampis janiw qullaskiti. ¡Pachpar apanukupxam! Markasarkam sapa mayni sarxarakiñäni, Babilonian jucha luratanakapasti alaxpachkamaw puri, qinayanakatsa juk'ampi alayaru.

Ezequiel 16:46

Jilïr kullakamasti amsta tuqinkir Samaria markawa, jisk'a markanakapampi kuna; sullka kullakamasti aynach tuqinkir Sodoma markawa, jisk'a markanakapampi kuna.

Ezequiel 23:4

Jilïristi Oholá satänwa, (ukax Samaria markaruw uñtasi), kullakapasti Oholibá satarakïnwa (ukasti Jerusalén markaruw uñtasiraki). Jupanakarusti nayan warminakaxat uñt'asxta, nayatakisti yuqalla, imill wawanak utjayarapipxitu.

Ezequiel 24:13

“ ‘Jerusalén marka, nayax uka ñanqha juchanak luratamat q'umachañ munäyäsma, ukampis janiw q'umachatäktati. Nayax mutuykäm ukkhakiw q'umachat uñjasïta.

Oseas 10:5

Samariankir jaqinakax khathatipxiwa; Bet-avén chiqankir vaca qallu diosap chhaqhayasitapat jachapxi. Uka vaca qallutjamaw jaqinakasa, sacerdotenakas wararisipki, jach'a kankañapan chhaqtatapata.

Oseas 11:12

12 (1) “Israel markankirinakax taqi pachan k'arintapxitu; sallqjapxarakitu. Judá markankirinakasti Tatitut jithiqtxapxiwa, jichhasti yaqha diosanakaruw taqi chuyma arkapxaraki.

Oseas 11:8

“Israel, ¿kunjämarak apanukt'asïmasti? ¿Kunjämarak jaytanukt'asïmasti? ¿Admá marka tukjkta ukhamti tukjirisma, jan ukax, Seboím markarux kuntix lurkta ukhamarakcha luririsma? ¡Chuymaxaw ch'allxtitu, jumatakisti khuyapayasiñan phuqt'atarakïtwa!

Oseas 12:1

1 (2) Israelax thayapitakis sarnaqkaspa ukhamawa; sapürus inti jalsu tuqit jutir thayarukiw arkaski. K'arisiñanakapampi, nuwasiñanakapampisti waliw jilxatti, Asiria markampis arust'asiwa, Egipto markarusti aceitenak apayi.”

Oseas 12:2

2 (3) Tatitux Israelampix ch'axwankiwa. Jacobun markaparusti sarnaqäwipatjam mutuyani; luräwinakapatjam kunatix katuqañapäki uk katuqapxarakini.

Oseas 4:17

Israelitanakax yaqha diosanakar yupaychañaruw katuyasxi. ¡Taqiniw machantat jaqinakäpkaspas ukham liwirtawayapxi! Mayampi mayampwa wachuqa jucha lurapxi, suma jach'añchäwit sipansa p'inqachatäñak munapxi.

Oseas 4:2

Ukampis k'ari juramentompi, k'arisiñampikiw utjaski, jaqi jiwayañampi, lunthatasiñampi, wachuq jucha lurañampi, nuwasiñampi; jaqinak pura jiwarayasiñampi.

Oseas 5:1

“Sacerdotenaka, aka arunak ist'apxam; Israel marka apnaqirinaka, ist'asipxam, reyin utapan utjirinaka, ist'apxarakim: Nayan markaxar sallqjapxatamatsti, taripasin mutuyapxäma. Israel markaxarux juk'amp kutkatasir tukuyapxtaxa. Mispá, Tabor uka qullan utanakan munkir jan munkir yaqha diosanakar yupaychayapxtaxa.

Oseas 6:4

Tatitux siwa: “Israelita jaqinaka, ¿kunsa jumanakampix luräxa? Judá uranqir jaqinaka, ¿kunsa jumanakampix luräxa? Jumanakan munasiñamax nayatakix qhantati urpur uñtatakiwa, qhantati sullar uñtatakiwa, mäkirakiw chhaqtawayxi.

Oseas 7:13

“¡Kunakïkan nayar apanukupxatapatxa! Nayar saykatatapatxa, q'ala tukjatäpxaniwa. Nayax jupanakar qhispiyañ munta, ukampis jupanakax k'arintapxituwa.

Oseas 8:5

¡Samaria, uka vaca qallur yupaychatamax axtasiyituwa! Phiñasiñaxasti uka diosatakiw sarti. Israelitanaka, ¿kunapacharak wasitat q'umäxapxätasti? Samariankir uka vaca qallux janiw chiqpach Diosäkiti, jaqin luratakiwa, ukat jichhax t'unjatarakïni.

Oseas 8:9

jan amuyun uri asnökaspas ukhamaw Asiria markarux yanap mayirix sarapxi. Israelasti munirinakap alasiñatakix waxt'äwinak churi.

Amós 3:10

Tatitux akham siwa: “Janiw jupanakax chiqa lurañ yatipkiti, reyi utanakapan ch'amamp lunthatat yänak imapxi.”

Amós 3:9

Asdod markankir reyi utanakapan yatiyapxam, Egipto markankir reyi utanakapan yatiyapxarakim: “Samaria uraqin qullunakapar jutapxam; uka markan utjir jan walt'añanakampi, t'aqhisiyañanakampi uñjapxam.”

Amós 8:14

Samaria markankir k'ari diosanakan sutipxar juramento luririnaka; khitinakatix sapki: ‘Dan markan diosap layku’, ‘Beerseba markan diosanakap layku’ sasa, ukanakax jan mayampi sartañatakiw jiwarapxani.”

Miqueas 6:16

Jumax Omrí reyina, Ahab reyin wila masinakapan arsutanakapa, luräwinakap lurtaxa, kunjämtix jupanakax sarnaqkäna ukhamarak sarnaqtaxa. Ukat jichhax jumatsa, jaqinakamatsa, axsarayaskaña, laruskañ tukuyapxäma, markaxan p'inqapasti jumxarurakiw purini.”

Mateo 23:37

“¡Jerusalén, Jerusalén, profetanakar jiwayir marka, Diosan khithanitanakapar qalampi k'upjir marka! ¡Qawqha kutiw nayax wawanakamar anthapiñ munäyäta, kunjämtix wallpax chhiwchhinakap chhiqha manqhipar anthapiski ukhama, ukampis jumanakax janiw munapktati!

Lucas 13:34

“¡Jerusalén, Jerusalén, jumax profetanakaruw jiwaytaxa, Diosax khithanktam ukanakaruw qalampi k'upjtaxa! ¡Qawqha kutiw nayax wawanakamar anthapiñ munäyäta, kunjämtix wallpax chhiwchhinakap chhiqha manqhipar anthapiski ukhama, ukampis jumanakax janiw munapktati!

Lucas 19:42

akham sasa: “¡Jichhürukisay jumax sum amuyt'asisma kunjämatix sumankañan jakañäki ukxa! Ukampis jichhax ukax imantatawa, janiw uñjkasmati.