Oseas 5:1 - Qullan Arunaka DC

^1-2 “Sacerdotenaka, aka arunak ist'apxam; Israel marka apnaqirinaka, ist'asipxam, reyin utapan utjirinaka, ist'apxarakim: Nayan markaxar sallqjapxatamatsti, taripasin mutuyapxäma. Israel markaxarux juk'amp kutkatasir tukuyapxtaxa. Mispá, Tabor uka qullan utanakan munkir jan munkir yaqha diosanakar yupaychayapxtaxa.

Aymar Bibliia 1986

¹ “Sacerdotenaca, ist'apjjam aca arunaca; Israel marca, ist'apjjam jumanacasa; jumanaca, reyin utapan utjirinacasa ist'apjjaraquim: Taripäwisti jumanac conträniwa, jumanacajj Mizpanjja mä sipitjama uchatäpjjäyätawa ucata, uqhamarac Tabo kollu patansti mä känaru uñtata jant'acutäpjjaraquïyätawa,

Qullan Arunaca

¹ “Sacerdotenaca, ist'apjjam aca arunaca; Israel marca, ist'apjjam jumanacasa; jumanaca, reyin utapan utjirinacasa ist'apjjaraquim: Taripäwisti jumanac conträniwa, jumanacajj Mizpanjja mä sipitjama uchatäpjjäyätawa ucata, uqhamarac Tabo kollu patansti mä känaru uñtata jant'acutäpjjaraquïyätawa,

Oseas 5:1 Jak'a apnaqawi uñst'ayäwi

Jeremías 11:7

Kunapachatix nayax awkinakamar Egiptot irpsunkäyäta ukapachax, nayaruk jaysapxita sarakïyätwa, ukatpacha jichhakamas uk saskakipuntwa.

Jeremías 13:18

“Reyirusa, reyin taykaparus sarakim: ‘Uka reyin qunuñapat saraqanipxam, uraqir qunt'asipxam, jumanakan p'iqimat suma k'achachir pillusti jalaqtxiwa.’

Jeremías 46:18

Nayaw reyïtxa, taqi ch'aman Tatitu satarakïtwa, sutix laykuw juramentompi arsta: Qullunak taypinkir Tabor qullur uñtata, jach'a quta thiyankir Carmelo qullur uñtata, ukhamaw uñisirimax jutantani.

Oseas 10:15

Betel markan utjasir jaqinaka, jach'a ñanqhanak lurapxatamatxa, uka pachparakiw jumanakampix lurasini. ¡Israel markan reyipasti, qhantatirux jiwatarakïniwa!

Oseas 13:8

Qallunakap chhaqhayasir jukumarir uñtataw jupanakarux jikxatä, ukatsti chuymapsa jisk'a jisk'a tukjä. Mä leonar uñtataw jupanakarux pachpan manq'antä; ch'uminkir laq'ur uñtataw jupanakarux tukjarakï.

Oseas 4:1

Israel jaqinaka, Tatitun arunakap ist'apxam. Jupax jichhax aka markan jakirinakampiw ch'axwar manti, jupanak pura jan sum sarnaqapxatapata, jan chiqa chuymanïpxatapata, Tatitur jan uñt'apxatapata.

Oseas 6:9

Sacerdotenakax lunthatkamakïpxiwa, jaqit lunthatañak uñch'ukisipki; Siquem thakhin jaqinak jiwarayapxi, kunayman jan walinak lurapxaraki.

Oseas 9:8

Tatitusti profetaparux Israel markar uñjañapatakiw uskusi, ukampis jumanakax sarnaqäwinakaparux sipitanak uskupxtaxa; Tatitun utapansa uñisisipkaktawa.

Joel 1:2

Jilïr jaqinaka, aka arunak sum ist'apxam, taqi jumanaka, aka markan utjir jaqinaka. ¿Kuntix jichhax uñjapkta ukanak jumanakax uñjapxirïtati? ¿Janit taqi akanakax awkinakaman urunakapan uñjasirïkänxa?

Amós 3:1

Israelitanaka, Tatitun arunakap ist'apxam, Egipto uraqit irpsunki uka markar arsut arunaka:

Amós 7:9

Isaacan utjir yaqha diosanakapar yupaychañ altaranakapas tukjatäniwa, Israel markan yupaychañ utanakapas laqayar tukuyatarakïniwa. ¡Nayasti Jeroboaman utapar tukjañatakiw sartä!

Miqueas 3:1

Israel markan jilïrinakapa, jichhax ist'apxam, kunatix chiqäki, askïkaraki ukxa jumanakaxay yatipxañamächixa.

Miqueas 3:9

Israel markan jilïrinakapa, jichhax aka arunak ist'apxam, jumanakasti kunatix chiqäki ukxa uñisipxtawa, kunatix aski lurañäki uksa maysaruw q'iwipxtaxa.

Miqueas 7:2

Aka uraqinxa janiw maynis Diosatakjam chiqap sarnaqirix utjkxiti; taqinis nuwasiñampi jiwarayasiñampik suyt'asipki; maynit maynikamarakiw aynacht'ayasisipki.

Malaquías 1:6

Taqi ch'aman Tatitux sacerdotenakar akham siwa: “Wawanakax awkinakapar waqaychapxiwa, uywatanakas uywirinakaparux yäqapxarakiwa. Nayatix jumanakan awkimästa ukasti ¿kunatarak nayar jan waqaychapxistasti? Nayatix jumanakan uywirimästa ukasti, ¿kunatarak nayar jan yäqapxistasti? Jumanakax nayar jisk'achapxistawa, yatkasas sasipkakistawa: ‘¿Kun lurasarak nanakasti jumar jisk'achapxsmasti?’ sasa.

Malaquías 2:1

“Sacerdotenaka, aka arunakax jumanakatakiwa:

Jueces 4:12

Sísara chachax, Barac chachan Tabor qullur makhatatap yatisinxa,

Jueces 4:6

Mä urusti, Débora warmix Barac sat chachar jawsiriw khithäna, jupasti Abinóam chachan yuqapänwa, Neftalí ayllunkir Quedes markan jakarakïna, juparusti sänwa: —Israelan Tatitu Diosapax, akham sistamwa: “Tabor sat qullur saram, ukansti Neftalí, Zabulón ayllunkirinakat tunka waranqa chachanak tantacht'am.

1 Samuel 7:16

sapa mararakiw Betel, Guilgal, Mispá chiqanakar sarirïna, taqi uka chiqanakan israelitanakan ch'axwanakap uñjiri.

1 Samuel 7:5

Ukatsti Samuelux sarakïnwa: “Israelitanakar Mispá chiqar tantacht'apxam, nayax Tatituruw jumanakatak mayï” sasa.

1 Samuel 7:6

Israelitanakasti Mispá chiqaruw tantacht'asipxäna, ukan uma apsusin Tatit nayraqatan mä waxt'äwïkaspas ukham wartapxäna. Uka urusti israelitanakax ayuno lurapxäna, Tatit nayraqatan jucha luratanakapsa qhan arsusipxäna. Samuelux Mispá chiqanwa israelitanakan irpiriparu tukurakïna.