Oseas 4:9 - Qullan Arunaka DC

⁹ Aka markarux jan wali sarnaqäwinakapatxa, sacerdotenakarjamaw mutuyarakï.

Aymar Bibliia 1986

⁹ Aca marcarusa, sacerdotenacarjamaraquiw mutuyaraquëjja jan wali sarnakäwinacapatjja,

Qullan Arunaca

⁹ Aca marcarusa, sacerdotenacarjamaraquiw mutuyaraquëjja jan wali sarnakäwinacapatjja,

Oseas 4:9 Jak'a apnaqawi uñst'ayäwi

Proverbios 11:31

Aski jaqitix aka uraqinpach churäwip katuqchixa, ¡ñanqha jaqimpi, jucharar jaqimpix ukat juk'amp mutuñ katuqani!

Proverbios 12:14

Sapa mayni jaqiw parlatapatjam apthapi, luratapatjam katuqaraki.

Proverbios 5:22

Ñanqha lurir jaqirux pachpa ñanqha luratapaw katunti; pachpa jucha luratapaw chinuñar uñtat chinxäsi.

Isaías 24:2

Taqiniruw uka kipka lurani: Sacerdoterusa, markachirinakarusa, uywirinakarusa, uywatanakarusa, alasirinakarusa, aljirinakarusa, mayt'irinakarusa, mayt'asirinakarusa, qamirirusa, jan kunanirusa.

Isaías 3:10

Ukampis aski jaqinakax kusisiñanïniwa, jupatakisti taqi kunas walikïskaniwa. Aski luratanakapatsti kusisirakiniwa.

Jeremías 5:31

Profetanakax k'arikamak yatiyapxi, sacerdotenakasti kuntix munapki uk yatichapxi, amuyatax markaxax ukanakampi k'uchikjamakiwa. Ukampis uka jan walt'añax purinkani ukkhasti, janiw khitis yanapt'kaniti.’ ”

Ezequiel 44:10

Sacerdotenakar yanapiri levitanakasti, khitinakatix nayat jayarst'awayapxi, kunapachatix Israel markax nayan thakhixat saranukkäna, yaqha diosanakar yupaychas apanukkitäna ukanakasti, juchanakapat mutupxañapäniwa.

Ezequiel 44:12

Jupanakaw sacerdotenakjam israelitanakarux yaqha diosanakar yupaychayas jucha lurañar puriyapxäna. Ukatpï jichhax taqi uka juchanakapat mutuyatäpxanixa. Naya, Tatituw uk arsta.

Oseas 1:4

Ukatsti Tatitux Oseas profetarux sänwa: “Uka yuqall wawarux Jezreel sas suticham, nayasti akat mä juk'a urunakatxa, Jehú reyin wawanakaparux mutuyäwa, Jezreel chiqan jaqinakar jiwarayapxatapata, Israel markansti janiw reyinakax juk'ampi utjkxaniti.

Oseas 10:10

Kunapachatix nayax munkä ukkhaw aka markarux mutuyä, jan wali luratapat mutuykä ukkhaxa, yaqha markanakasti jupatakiw sayt'asipxani.

Oseas 12:2

2 (3) Tatitux Israelampix ch'axwankiwa. Jacobun markaparusti sarnaqäwipatjam mutuyani; luräwinakapatjam kunatix katuqañapäki uk katuqapxarakini.

Oseas 12:3

3-4 (4-5) Jacobux, janïra yurkasapuniw jilaparux sallqjäna, jach'äxän ukkhasti Tatituw jupar Betel chiqan uñstäna. Ukansti mä angelampiw nuwasïna, ¡juparusti atipjänwa! Ukatsti jacht'asisaw juchapat pampachayasiñatak Tatitur mayisïna, Tatitusti pampachänwa.

Oseas 7:2

Nayax jupanakarux sum uñt'ta: Ñanqha lurañanakampi phuqhantatäpxiwa, ukampis janiw ukhamäpxatap amuyasipkiti.

Oseas 8:13

Jupanakatakisti wilañchanak luqtañaw askixa, ukatsti, uka luqtat aychanak manq'apxaraki; ukampis naya Tatitux janiw ukanakampix kusisitäkti, kuna jan walinaktix lurapki ukanak amtaskakipunïwa, uka juchanakapatsti, Egipto markar kuttayasaw mutuyarakï.

Oseas 9:15

Tatitux siwa: “Guilgal chiqan taqi jan walinak lurapxäna, ukkhanrak jupanakar uñisiñ nayax qalltta. Jan wali luräwinak lurapxatapatxa; utaxat ananuküwa, janirakiw juk'amp munkxäti, taqi jilïrinakapasti nayatak sayt'asirkamakiwa.

Oseas 9:9

Guibeá markan urunakapanjam ñanqha lurañanakapampix q'al aynacht'xapxi. Ukampis Tatitux ñanqha luratanakapat amtasiniwa, juchanakapatsti mutuyarakiniwa.

Zacarías 1:6

Jupanakarusti nayax juchanakapat mutuyta, kunjämtix profetanakaxax jupanakar yatiykatayna ukhamarjama. Jupanakasti wasitat amuyt'asisin nayar jaysxapxitu, naya taqi ch'amani Tatitun jupanakan sarnaqäwiparjama, luräwiparjama uñjañaxax wakisitap uñt'asa.’ ”

Mateo 15:14

Jan yäqapxamti, jupanakax juykhükasin yaqha juykhunakar irpirïpxiwa. Mayni juykhutix juykhu masipar irpanixa, panpachaniw kuna p'iyarus jaquranttapxani —sasa.