Oseas 4:7 - Qullan Arunaka DC

⁷ “Sacerdotenakan waljanïpxatapatsti, juk'ampikiw naya tuqix jucha lurapxi; ukat nayax jach'añchäwipsa p'inqar tukuyä.

Aymar Bibliia 1986

⁷ “Sacerdotenacan waljanïpjjatapatsti, juc'ampiracwa naya contrajj juch lurapjje; uca laycuw nayajj jach'añchäwipsa p'enkaru tucuyaraquï.

Qullan Arunaca

⁷ “Sacerdotenacan waljanïpjjatapatsti, juc'ampiracwa naya contrajj juch lurapjje; uca laycuw nayajj jach'añchäwipsa p'enkaru tucuyaraquï.

Oseas 4:7 Jak'a apnaqawi uñst'ayäwi

Esdras 9:7

Khä urunakatpach jichhakamaw wali jucha lurañan jakapxta. Juchanakax laykuw nanakasa, reyinakaxasa, sacerdotenakaxas yaqha markanakankir reyinakan munañanakapar katuyat jikxatasipxta. Ukatxa chhuxriñchjata, jayar apanukuta, lunthatjata, jisk'achjata jikxatasipxäyäta, jichhasti uka pachpa luräwiruw puripxarakta.

Oseas 10:1

Israelax walja achuni uva alir uñtat wali qamiriwa; ukampis ukham tukutapatxa, juk'ampikiw altaranak yaqha diosanakatak lurarasipxäna; uraqipan juk'amp sumätapatsa, juk'ampikiw yaqha diosanakatak qala chutanakapsa lurasipxäna.

Oseas 10:6

Uka pachpa vaca qallux Asiria markar jach'a reyir churañatak apatarakïniwa. Israelasti ukham p'inqachjataw uñjasini; uka yaqha diosapat p'inqasirakiniwa.

Oseas 13:14

¿Ukatti jichhasti jiwañat qhispiyapxämasti? ¡Ukampis janiw khuyapayasiñ uñacht'aykxämati! Jiwa, ¡Jach'a ch'amamampi aka markar t'unjir jutam!”

Oseas 13:6

“Kunapachatix jumanakan manq'añanakamax jilarxän ukkhaxa, jach'achasiñampiw phuqhantasipxtaxa, nayatsti armasxapxaraktawa.

Oseas 4:10

Niyakixay Tatitur yupaychañ apanukupxchixa, manq'asipkanisa, janiw sist'asipkaniti, yaqhanakampis wawanïñatak sarnaqasipkaniwa, ukampis janiw wawanïpkaniti.

Oseas 5:1

“Sacerdotenaka, aka arunak ist'apxam; Israel marka apnaqirinaka, ist'asipxam, reyin utapan utjirinaka, ist'apxarakim: Nayan markaxar sallqjapxatamatsti, taripasin mutuyapxäma. Israel markaxarux juk'amp kutkatasir tukuyapxtaxa. Mispá, Tabor uka qullan utanakan munkir jan munkir yaqha diosanakar yupaychayapxtaxa.

Oseas 6:9

Sacerdotenakax lunthatkamakïpxiwa, jaqit lunthatañak uñch'ukisipki; Siquem thakhin jaqinak jiwarayapxi, kunayman jan walinak lurapxaraki.

Oseas 9:11

Israelan jach'a kankañapasti, jamach'ir uñtataw sarawayxani. Janiw juk'ampi wawanakas yurkxaniti, janiw usur warminakas utjkxaniti, janirakiw warminakas usur jaqiptkxapxaniti.

Habacuc 2:16

Jach'añchatäña lantxa, p'inqachjataw uñjasïta, Dios Tatituw mä tilinkit umt'añamatak churätam, ukaw juman q'alalakïtam uñacht'ayätam, jach'a kankañamsa jisk'arurakiw tukuyani.

Malaquías 2:9

Ukat nayax jumanakar taqi jaqinakamp uñisiyapxäma, jan wali jaqinakat uñt'ayapxarakïma, jumanakan nayar jan ist'apxatamata, jaqinakar yatichapkta ukkhasa, mä khuskhak taqpachanir jan uñjapxatamata” siwa, taqi ch'aman Tatituxa.

Deuteronomio 32:15

“Ukampis israelitanakax jach'aptxänwa, Diosat armasxapxarakïnwa; irnuqasir Diosaparux apanukünwa, arxatir qhispiyiriparusti, jisk'acharakïnwa.

Filipenses 3:19

jupanakasti nina infiernor jaquntatäpxaniwa, diosapasti jupanakan kipka munañanakapakiwa, jupanakasti p'inqasiñ lantix jach'a jach'aw tukupxi. Akapach yänakatak lup'isipki.

1 Samuel 2:30

Uka layku, Israelan Tatitu Diosapax sänwa, jumampi utamankirinakamampix wiñayataki jupar luqtapxañama, ukampis jichhax akham sarakiwa: “Janipuniw ukhamäkaniti, jan ukasti, khitinakatix nayar yäqapkitani ukanakarux yäqäwa, nayar jisk'achapkitani ukanakarusti mä p'inqa uñjarakï. Naya, Tatituw uk arsta.