Oseas 4:10 - Qullan Arunaka DC

¹⁰ Niyakixay Tatitur yupaychañ apanukupxchixa, manq'asipkanisa, janiw sist'asipkaniti, yaqhanakampis wawanïñatak sarnaqasipkaniwa, ukampis janiw wawanïpkaniti.

Aymar Bibliia 1986

¹⁰ niyaquejjay Tatitur sirviñ apanucupjjchejja, mank'asipcaniwa, ucampis janiw sist'asipcaniti, yakhanacampis sarnakasipcaniwa, ucampis janiw wawanïpcaniti.

Qullan Arunaca

¹⁰ niyaquejjay Tatitur sirviñ apanucupjjchejja, mank'asipcaniwa, ucampis janiw sist'asipcaniti, yakhanacampis sarnakasipcaniwa, ucampis janiw wawanïpcaniti.

Oseas 4:10 Jak'a apnaqawi uñst'ayäwi

2 Crónicas 24:17

Joiadá sacerdoten jiwxatapatsti, Judá uraqinkir jilïrinakax purinisin reyirux suma jach'achasaw aruntapxäna. Reyisti jupanakan iwxanakaparux ist'änwa,

Salmos 125:5

jan wali thakhinjam saririnakarusti, ñanqha luririnakampi chik aynacht'ayam. ¡Israel markansti samarañax utjpan!

Salmos 36:3

3 (4) Q'añu arunak parlir k'ari jaqiwa, aski lurañanakxa, janipuniw amuykiti.

Proverbios 13:25

Aski jaqix sist'asiñkamaw manqt'asi, ñanqha lurir jaqisti manq'atsa awtjataw sarnaqi.

Jeremías 34:15

Jumanakasti jichhürux sarnaqäwinakam mayjaptayxapxtawa, kunatix nayatakix askïki uk lurapxaraktaxa, marka masi t'aqhisiyatanakamaru antutxasaxa. Ukatsti nayatak satäki uka utan, naya nayraqataxan mä arust'äwiru mantapxtaxa.

Jeremías 9:12

12 (11) ¿Khitis wali yatiñani taqi akanak amuyt'añatakixa? ¿Khitirus Tatitux taqi akanak yatiyi mayninakar yatiyañapataki? ¿Kunatsa aka markax q'ala t'unjat uñjasi, mä wasarar uñtata waña, kawkhantix jan khitis sarnaqki ukhama?

Ezequiel 18:24

“Ukampis, aski jaqitix aski luräwinakap apanukuni, ukatsti kuntix ñanqha jaqix axtañanak lurki ukanak lurarakini ukasti, ¿uka jaqin jakaskañap jumanakax amuyapxtati? Nayasti janiw amtaskxäti kuna askinaktix jupax lurkän ukanakatxa, taqi chuymampi jan arkatap layku, jucha luratap laykuw jiwani.

Ezequiel 22:9

Yaqhipa jaqinakamasti, ina ch'usat tumpantapxatap layku jaqinakan jiwaratanakapat juchanïpxiwa; qullu patanakan diosanakar yupaychañatak jach'a manq'äwinakaruw sarapxi, ukansti axtaskañanak lurapxaraki.

Oseas 4:14

Ukampis janiw phuchhanakamarusa, yuxch'anakamarus wachuqa juchanak luratanakapat mutuykäti, jumanakpachaw jan wali warminakampix wachuqa juchanak lurapxtaxa; wilañchanak luqtañatakis jan wali warminakampiw mayachasipxtaxa, uka warminakan ukham luratanakapax diosanakapar yupaychäwïkaspas ukhamawa. ¡Ukatpï mä markax jan amuyt'asitapat aynacht'awayixa!

Oseas 7:4

Taqi jupanakasti wachuqa jucha lurirkamakïpxiwa; junt'uptayat hornor uñtatäpxiwa, janiw juk'amp junt'uptayañax wakiskxiti, t'ant'a luririx t'ant'a masan puqtañapak suyxañapa.

Levítico 26:26

“Kunapachatix jumanakan trigo yapunakam q'al tukjkä ukapachasti, tunka warminakaw mä sapa hornon jumanakatak t'ant'a qhatiyapxani, ukatsti jisk'a jisk'a lakinuqapxätam, qawqsa uka t'ant'xa manq'asipkätawa, ukampis janiw sist'asipkätati.

Miqueas 6:14

Manq'askätawa, ukampis janiw sist'askätati, manq'atxa awtjayasiskakïtawa; taqi kunsa apthapiskätawa, ukampis jan kunanikiw uñjasiskäta, kunsa jikxatäta ukkhaxa, nuwasïwimpiw taqi ukanak t'unjayä.

Sofonías 1:6

Ukatsti khitinakatix nayar arkkasin qhipar kuttapki ukanakarus tukjarakïwa, khitinakatix nayar jan thaqhapkitu, janirak nayar jiskt'asiris jutapki ukanakarus tukjäwa.”

Hageo 1:6

Jumanakax wal yapucht'apxtaxa, ukampis juk'ak apthapipxtaxa; manq'apxtawa, ukampis janiw sist'asipktati; umapxtawa, ukampis umat pharjatakïsipktawa; isthapisipxtawa, ukampis janirakiw junt'thapipktati; irnaqatat qullqi katuqapkta ukampix janiw kunsa jikxatapktati.