Oseas 3:4 - Qullan Arunaka DC

⁴ Walja maranakaw israelitanakax jan reyini, jan jilïr irpirini sarnaqapxani, wilañchanak jan luqtasa, jan altaranakani, jan sacerdotenakani, jan yaqha diosanakani.

Aymar Bibliia 1986

⁴ Walja maranacaraquiw israelitanacajj jan reyini, jan jilïri irpirini sarnakapjjanejja, jan sacrificionac loktasa, jan kollana kalanacani, jan sacerdotenacani, ni jupanacan uñt'at yakha diosanacas utjcaraquiniti.

Qullan Arunaca

⁴ Walja maranacaraquiw israelitanacajj jan reyini, jan jilïri irpirini sarnakapjjanejja, jan sacrificionac loktasa, jan kollana kalanacani, jan sacerdotenacani, ni jupanacan uñt'at yakha diosanacas utjcaraquiniti.

Oseas 3:4 Jak'a apnaqawi uñst'ayäwi

Génesis 31:19

Labanasti uka urux yaqha chiqaruw ovejanakapat t'awra yawir saräna, ukchañkamasti Raquelax tatapan diosanakap lunthatsuwayäna.

Génesis 31:34

Raquelasti idolonak katusinxa, camellor qunxatañ manqharuw imantäna, ukat ukxaruw qunxatarakïna. Labanasti chhujlla k'uchut k'uchu thaqhaskäna, ukampis janiw jikxatkänti.

Génesis 49:10

Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

2 Samuel 6:14

Davidax taqi ch'amapampiw Tatit nayraqatan thuqt'asïna, efod sat lino isimpi isthapita.

2 Reyes 23:24

Josías reyix layqanakampiru, yatirinakampiruw tukjäna, wila masinakan wali munat idolonakapampiru, yaqha idolonakampiru, ukhamaraki Judá uraqina, Jerusalén markan utjkän uka k'ari diosanakar yupaychañ axtkay yänaksa. Uksti Josiasax kuna qillqattix Hilquías sacerdotex Tatitun utapan jikxatkatayna ukan qillqata arunakarjam phuqhañatakiw luräna.

2 Crónicas 15:2

jupasti Asá reyir jikxatiriw saräna, juparusti sänwa: “¡Asá, ukhamarak Judá, Benjamín markankir jaqinaka, ist'apxita! Tatitux jumanakampïskiwa, jumanakatix jupampïpxäta ukaxa. Jumanakatix jupar thaqhapxäta ukaxa, jikxatapxätawa; ukampis jumanakatix jupar apanukupxäta ukasti, jupax jumanakar apanukupxarakïtamwa.

Éxodo 28:4

Aka isinak lurapxañapa: Pectoral sat nayräxar uchasiña, Efod sat isi, mä capa, suma p'itakipat túnica isi, linot lurat p'iqi ch'uqt'asiñ isi, ukhamarak mä wak'ampi. Ukhamasti suma isinak Aarón jilamatakisa, wawanakapatakis lurapxäta, jupanakan nayan sacerdotenakaxjam luqtañapataki.

Éxodo 28:6

“Efod sat isix qurita, sajuna telata, ch'iyar wila telata, wila telata, lino telat luratäñapawa, wali suma p'itakipataraki,

Lamentaciones 2:9

Markasti jan punkuni, jan jist'katañaniw uñjasi: ¡punkunakasti t'unjata, pampan liwirpayatawa! Reyipasa, jilïr apnaqirinakapas Tatitur jan uñt'irinakamp chikakïxiwa; Tatitun kamachinakapax janiw utjkxiti. ¡Janirakiw profetanakapas Tatitut kuna unañchäwinaksa katuqkxapxiti!

Ezequiel 19:14

Layminakapatsti ninaw mistu, uka ninaw küllinakapsa, achunakapsa nakhantxaraki. Janiw jichhax thuru layminakanïkxiti, reyinakan thujrup lurañatakixa.’ ” (Akax amay imäwi q'uchuwa, ukatak q'uchutapunïniwa.)

Ezequiel 20:32

Jumanakasti, kawkïr yaqha markanakatix lawanakaru, qalanakar yupaychasipki uka kipkaw tukuñ munapxta, ukampis janiw ukax ukhamäkaniti.

Ezequiel 21:21

21 (26) Babiloniankir reyisti kawkhantix pä thakhix qalltki uka chiqaruw sayt'asi, ukatsti suerte tuqiw uñakipi: mich'inakapsa walpun uksat aksat uñakipi, diosanakaparuw jiskt'asi, uywanakan k'iwchanakap uñxataraki.

Ezequiel 21:31

31 (36) Jumxaruw phiñasiñaxa mä nakhantir ninjam warxatanï; ukatsti jan khuyapayasiñan qhuru jaqinakan amparaparuw katuyäma.

Daniel (hebreo) 11:31

“ ‘Soldadonakapasti Tatitun utap ñanqhachapxaniwa, suma uyuchrantat markanaksa janiw yäqapkaniti. Sapüru wilañchanak luqtasiñanaksti jark'xaniwa, uka lantix axtaskañanak luqtapxani Tatitun yänakap takisisa.

Daniel (hebreo) 12:11

Waranqa pä patakani llätunk tunkani urunakaw sarakipani, sapür luqta katuyañ sayt'atap qhipata, Tatitun qullan utap ñanqhachañ utjkani uka qhipata.

Daniel (hebreo) 9:27

Mä semanan uka jan wali reyix walja jaqinakamp suma arust'äwir mantani, chika semanarusti waxt'äwinak luqtasiñanaksa jark'xaniwa, wilañchanak luqtasiñ altaransti, jan walinak lurasaw Tatitur ñanqhachasini. Uka qhipatsti, Tatitux khititix jan walinak luras jupar ñanqhachki ukarux t'unjaniwa.’ ”

Oseas 13:10

Jichhasti, ¿kawkinkarak reyimasti, uka markanakaman jumar qhispiyañatakisti? ¿Kawkinkarak jilïrinakamasti, khitinakarutix reyinaksa maykäyäta ukanakasti?

Oseas 13:11

Jumampi phiñasitäsin reyinak churäyäsma, jumampi phiñasitäsin uka reyinak apaqxaraksma.

Oseas 2:11

11 (13) Kusisiñanakapas tukusiniwa, phunchhäwinakapsa, machaq phaxsi uruyañanakapsa, samarañ urunakapsa, q'al tukjarakï.

Levítico 8:7

Ukatsti Aaronarux sacerdote isimpiw isintayäna, mä wak'ampiw wak't'ayarakïna. Ukxarusti túnica sat isimpiw uskuntäna, uka patxarux pectoral sat isimpiw isintayäna, pachpa pectoralan chint'añapampiw uka túnica chint'arakïna.

Zacarías 10:2

Yaqha diosanakan arupax k'ariwa, yatirinakax k'ari uñjäwinak katuqapxi. Arsutanakapax inamay samkanakakiwa, chuymachasiñ arunakapasti ina ch'usakiwa. Ukat markax uywa tamar uñtat inak aywinaqxi, awatirin jan utjatapat t'aqhisiskaraki.

Zacarías 13:2

Taqi aka markansti nayax yaqha diosanakan sutinakapsa jan mayampi amtasiñatakiw t'unjä. Uka pachparakiw profetanaksa, taqi ñanqha ajayunaksa q'alpun tukjarakï. Naya, Tatituw uk arsta.

Lucas 21:24

Yaqhipanakax nuwasïwin jiwarayatäpxaniwa, mayninakarusti yaqha markanakaruw katuntat apayapxani; Jerusalén markasti yaqha markat jutirinakan t'unjatäniwa, uka jaqinakan markar apnaqañapax tukuskani ukapachkama.

Juan 19:15

Judionakasti juk'ampiw art'apxäna: —¡Cruzar ch'akkatam! ¡Cruzar ch'akkatam! —sasa. Pilatosti jupanakarux jiskt'änwa: —¿Jumanakan reyimarut ch'akkatästi? —sasa. Sacerdotenakan jilïrinakapasti sapxarakïnwa: —Nanakan reyixax Cesarakiwa, janiw juk'amp yaqha reyix utjapkituti —sasa.

Hebreos 10:26

Kunatix chiqäki uk yatkasin juchachasiskakiñän ukax, janiw juchanakasat wilañcha luqtañax wakiskxiti,

Jueces 17:5

Micaías chachan utapansti mä chiqaw utjäna yupaychañataki. Jupax efod sat isi lurasïna, ukhamaraki utapankirinakan yaqha diosanakapa, ukatsti maynïr yuqaparuw sacerdotet utt'ayäna.

Jueces 18:14

Ukhamasti Lais uraqi uñaqiri sarapki uka phisqa chachanakax, masinakaparuw sapxäna: —¿Yatipxtati? Aka utanxa efod sat isimpi, wila masinakan diosanakapampiw utji, qullqimpi jawikipat suma lurat idolow utji. ¿Kun lurañsa amuyapxtaxa? —sasa.

Jueces 8:27

Uka qurimpisti Gedeonax mä ídolo lurayäna, uksti Ofrá sat markaparuw uchayäna, Israel markpachaw uka ídolo laykux Tatitut armt'asis jan sum arkapkänti, Gedeonatakisa, wila masinakapatakisa ukax sipitar uñtatänwa.

1 Samuel 14:3

Efod isi apiristi Ahitub jaqin Ahías yuqapänwa, Icabod jaqin sobrinopa, ukasti Finees jaqin yuqapänwa, Elí chachan allchhiparaki, khititix Siló chiqan Tatitun sacerdotepäkän uka. Jaqinakasti Jonatanan sarxatap janiw yatipkataynati.

1 Samuel 15:23

Jupar kutkatirixa, layqasiñanak luririmpi sasiwa; jan ist'asirïki ukasti, yaqha diosanakar yupaychirimpi sasiwa. Juman arunakapar jan jaysatamatsti, jupax janirakiw juman reyïñam munkiti” sasa.

1 Samuel 2:18

Samuel waynasti efod sat lino isimpi isthapt'ataw Tatitun nayraqatapan luqtaskäna.

1 Samuel 21:9

9 (10) Sacerdotesti sarakïnwa: —Jïsa. Goliat jaqin espadap nayaw katuskta, kawkïr filisteorutix jumax Elá sat qhirwan atipjkäyäta ukan espadapax Efod sat isi qhipäxankaskiwa, mä isin llawt'ata. Munstax apasiskam, yaqha nuwasiñ yänakax janiw utjkituti —sasa. Davidasti sarakïnwa: —Churitaya, janiw ukat juk'amp sumax utjkaspati —sasa.

1 Samuel 22:18

Ukat reyix edomita Doeg sat jaqirux säna: —¡Jumapun jiwarayam! —sasa. Ukhamasti Doeg sat jaqix sacerdotenakar katuntasinxa, kimsaqallq tunka phisqaniruw jiwarayäna, jupanakasti linot lurat efod sat isimpi isthapitäpxänwa.

1 Samuel 23:6

Ukchañkamasti, Ahimélec sacerdoten Abiatar yuqapax Davidampi jikisiñ munasin Queilá markaruw jaltxatayna, jupasti efod sat isi apasirakitayna.

1 Samuel 23:9

Ukampisa, Davidax Saúl reyin ukham nuwantañ amtatap yatisax Abiatar sacerdoteruw mayïna efod isi aptaniñapataki, ukat Tatitur jiskt'añataki.

1 Samuel 30:7

ukatsti Abiatar sacerdoteruw achikt'asis säna: —Efod isi apanirapita —sasa. Abiatar sacerdotesti Davidatakix jank'akiw uka isi aparapïna,