Oseas 2:7 - Qullan Arunaka DC

⁷ 7 (9) Munirinakaparux arkaskaniwa, ukampis janiw jikxatkaniti; thaqhaskaniwa, janiw jikxatkaniti. Ukapachaw sani: ‘Nayra chachaxampik kuttasxä, walik jupampix sarnaqaskäyäta’ sasa.

Aymar Bibliia 1986

⁷ Munirinacaparojj arcascaniwa, ucampis janiw jicjjatcaniti; thakascaniwa, ucampis janiw jicjjatcaniti. Ucapachaw sani: ‘Nayra chachajjampic cuttasjjä, jupampisti walic sarnakascäyatjja’ sasa.

Qullan Arunaca

⁷ Munirinacaparojj arcascaniwa, ucampis janiw jicjjatcaniti; thakascaniwa, ucampis janiw jicjjatcaniti. Ucapachaw sani: ‘Nayra chachajjampic cuttasjjä, jupampisti walic sarnakascäyatjja’ sasa.

Oseas 2:7 Jak'a apnaqawi uñst'ayäwi

2 Crónicas 28:23

Jupax Damasco chiqankir diosanakaparuw wilañchanak luqtäna, jupar aynacht'ayki uka diosanakaru. Jupax akham amuyäna: “Siriankir diosanakax reyinakaparux yanapt'iwa, uka diosanakaparutix wilañchanak luqtä ukaxa, nayarux yanapapxarakitaniwa” sasa. Ukampis uka luratanakapaw juparu, Israel markpacharux aynacht'ayäna.

Salmos 116:7

Jichhakuchapï samart'at jikxatasxäxa, Tatitun nayat khuyapayasitap layku,

Isaías 30:16

caballxat jaltxañatakiw wakichasipxtaxa, wali jalir carronakat sarxañatakiw wakichasipxtaxa. “Ukhamächi ukaxa, walikiwa, caballonakxat jaltxapxakchïtaya; ¡ukampis jumanakar arknaqirinakax juk'amp jaltirinakäniwa!”

Jeremías 14:22

¿Uka k'ari diosanak taypin utjiti mayni jallu puriyirixa? ¿Alaxpachasti jupapachakiti jallu puriyanixa? ¡Janiwa, nanakan Dios Tatituxay! Jumaw jallxa apayanta, jumaw taqi ukanak lurta; ¡ukat jumaruki suyt'apxsma!

Jeremías 2:2

“Saram, ukatsti Jerusalén markar yatiyanim; sum ist'apxañapatakix jach'at art'am: ‘¡Akham siw Tatituxa! Amtasisktwa, jumax tawaqükäyäta ukapachax taqi chuymaw nayatakïyätaxa, jumax nayan warmixa tukxäyäta ukapachasti nayarux wal munasïyästaxa, wasaranjam nayarux arkanïyästa, kawkhantix jan kunas achki uka uraqinjama.

Jeremías 2:28

Judá, ¿kawkinkarak juman lurasit diosanakamasti? ¡Uka diosanakamax markanakar uñtat waljapuniwa! ¡Kunapachatix jan walt'añax purinkätam ukkhax jupanakay jumar qhispiyirix jutapxpan!

Jeremías 2:36

Jumax jank'akiw parlatanakam mayjt'aytaxa; Egiptox apanukurakikïtamwa, kunjämatix Asiriax apanukktam ukhama.

Jeremías 3:1

Tatitux Judá markarux siwa: “Sañäni, mä jaqitix warmipampi jaljtchi, ukatsti warmix uka chachampi jaljtasax yaqha chachampi jaqichasxchi ukaxa, amuyatamatxa, ¿uka chachax nayra warmipampi wasitat jaqichasispati? ¡Janiwa! Ukhamäspa ukaxa, markatakix mä p'inqäspawa. Ukampisa, jumax Israel, walja chachanakampiw sarnaqtaxa, ¡jichhasti nayan ukaruw kuttanxañ munaraktaxa! Naya, Tatituw, uk arsta.

Jeremías 31:18

Markaxan jachatap ist'twa, jupanakasti akham sasaw jachapxi: ‘Nayax mä uri vaca qallur uñtatäyätwa, ukampis jumax axa tukuyista; juman ukaruy kuttayanxita, jumätaw Tatitu Diosaxaxa.

Jeremías 31:32

Aka arust'äwisti janiw kunjämtix nayra awkinakapampi lurkayäta ukhamäkaniti, kunapachatix jupanakarux Egipto markat amparat wayxarusin irpsunkta ukhama; jupanakasti uka arust'äwixarux janiw phuqhapkiti, nayax jupanakan uywiripäkchiyäta ukasa. Naya, Tatituw uk arsta.

Jeremías 44:17

Jan ukasti, nanakax lurañ amtasipkta ukham lurasipkakïwa, kunjämtix nayra awkinakaxasa, reyinakaxasa, Judá uraqin jilïrinakasa lurapxirïna ukhama. Alaxpach Mama sata diosarus inciensompi, vinompi luqtasax yupaychasipkakïwa. Nayrasti nanakatakix, manq'añax janiw pist'irïkänti, taqi kunas utjakipunirïnwa, janirakiw kuna jan walt'añas jutirïkänti;

Ezequiel 16:18

ukanakarusti uka suma isinakamampiw isintaytaxa, nayan aceitexampi, nayan inciensoxampi jupanakarux luqtaraktaxa.

Ezequiel 16:8

“ ‘Wasitat juma jak'a sarakipawayta, ukat jumar uñkatsma. Wali tawaqüxatätawa, niyas chacht'asirpacha. Nayax uka q'alal janchim imxatañatakix isixampiw janxatsma, ukat jumampi parlthapirakta; mä arust'äwi jumampix lurtan, ukhamat jumax nayankxaraktaxa. Naya, Tatituw uk arsta.

Ezequiel 20:32

Jumanakasti, kawkïr yaqha markanakatix lawanakaru, qalanakar yupaychasipki uka kipkaw tukuñ munapxta, ukampis janiw ukax ukhamäkaniti.

Ezequiel 23:12

Jupax uka asirio jaqinakarux munarakïnwa, taqi jupanakasti marka apnaqir jilïrinakänwa, wali suma isthapt'at nuwasir jaqinaka, caballonakar kachxatat jaqinaka, wali suma waynanaka.

Ezequiel 23:22

Ukatpï naya, Tatitux sistxa: Uka munirinakamarux, khitinakattix jichhax axtaskxta, ukanakarux juman uñisirinakamaruw tukuyä. Taqi tuqit jumar jan walt'ayañatakix jutapxani,

Ezequiel 23:4

Jilïristi Oholá satänwa, (ukax Samaria markaruw uñtasi), kullakapasti Oholibá satarakïnwa (ukasti Jerusalén markaruw uñtasiraki). Jupanakarusti nayan warminakaxat uñt'asxta, nayatakisti yuqalla, imill wawanak utjayarapipxitu.

Daniel (hebreo) 4:17

17 (14) Tatitun qullan angelanakapaw juchañchäwi arunak arsuwayapxi, ukhamat taqi jaqinakax yatipxani, alaxpachankir Diosax ch'amanïtapa, jaqinakan marka apnaqañanakapxaru, jupaw marka apnaqañanaksa churaraki, khitirutix churañ munki ukaru, ukatsti mä markan jilïripat utt'ayaraki, khititix taqi jaqinakat sipan llamp'u chuymanïki ukaru.’ ”

Daniel (hebreo) 4:25

25 (22) Juma reyix jaqinak taypit yaqhachatäxätawa, pampa laq'unakamp chikaw jakarakïta, vacanakjamaw quranak manq'äta, janchimxarus sullaw sullantarakini. Ukhamaw juma jach'a reyix paqallq mara jakäta, alaxpachankir Diosan taqi akapachan marka apnaqäwinakxarus munañanïtapa yatiqañamkama, khitirutix jupax munki ukaru marka apnaqirit utt'ayatapa.

Daniel (hebreo) 4:32

32 (29) jaqinak taypit apanukutäyätawa, paqallq maraw pampa jach'a laq'unakamp jakäta, vacanakjamaw quranak manq'äta, alaxpachankir Diosan aka uraqin utjir taqi markanakxarus munañanïtap uñt'käta ukkhakama, khitirutix jupax munki ukar marka apnaqirit utt'ayatapa” sasa.

Daniel (hebreo) 5:21

Jaqinak taypit yaqhachatäxänwa, mä pampa laq'uruw tuküna; monte asnonakamp chikaw jakäna, uywanakjamaw quranak manq'äna, sullaw jañchiparus ch'aranjäna; alaxpach Diosax taqi jaqinakxarus munañanïtapa, juparaki marka apnaqirinaksa khitirutix munki ukarus utt'ayatapa uk yatiñapkama.

Oseas 1:2

Kuntix Tatitux Oseas tuqi sañ munkän uka arunakxa, akham sasaw qalltäna: “Israel markax nayar apanukusax yaqhampiw sarnaqxi. Jichhasti jumax saram, ukatsti uka kipkarak yaqha chachanakampi sarnaqir warmimpi jaqichasim, jupampisti wawanakanïma; ukhamat uka wawanakax yaqha chachanakampi sarnaqir warmin wawanakapäpxani”.

Oseas 13:6

“Kunapachatix jumanakan manq'añanakamax jilarxän ukkhaxa, jach'achasiñampiw phuqhantasipxtaxa, nayatsti armasxapxaraktawa.

Oseas 14:1

1 (2) ¡Israel, Tatit Diosaman ukar kuttanxam, jucha luratamat aynacht'taxa!

Oseas 2:16

16 (18) Ukapachaw nayarux sitani: ‘Nayan chachaxay’ sasa, ‘Baal diosaxay’ siskamayxa. Naya Tatituw uk arsta.

Oseas 5:13

“Kunapachatix Israel markaxa, Judá markasa jan walt'añan jikxatasipkani ukkhaxa, jupanakax Asiria apnaqir reyiruw yanap mayirix sarapxani, ukampis uka reyix janiw yanapt'kaniti.

Oseas 5:15

“Juchanakapat kutikipstañapkamasti, utjäwixaruw kuttä, kunapachatix juchanakap uñt'asxapxani ukkhasti, llakisiñanakampiw phuqhantasipxani, ukhamat nayar thaqhapxitani”.