Oseas 2:5 - Qullan Arunaka DC

⁵ 5 (7) Taykapax yaqha chachanakampi sarnaqiriwa; sum uñt'atäñsa q'al apt'asiraki akham sasa: ‘Munirinakaxar thaqhir sarä, jupanakaw churapxitu, manq'añsa, isinaksa, suma q'apkir qullanaksa, kusist'añanaksa’ sasa.

Aymar Bibliia 1986

⁵ Taycapajj yakha chachanacampiw sarnake; honrapsa k'al apt'asiraqui, aqham sasa: ‘Munirinacajj thaker sarä, qhitinacatejj churapquitu t'ant'sa, umsa, t'arwsa, linsa, aceitsa, umañanacsa ucanacaru’ sasa.

Qullan Arunaca

⁵ Taycapajj yakha chachanacampiw sarnake; honrapsa k'al apt'asiraqui, aqham sasa: ‘Munirinacajj thaker sarä, qhitinacatejj churapquitu t'ant'sa, umsa, t'arwsa, linsa, aceitsa, umañanacsa ucanacaru’ sasa.

Oseas 2:5 Jak'a apnaqawi uñst'ayäwi

Isaías 1:21

¡Chiqa lurir Jerusalén marka, kunjämatarak yaqha chachanakampi sarnaqir warmjam tuktasti! Nayrax taqi jaqinakamax aski lurirkamakïnwa, chiqapan sarnaqirkamakïnwa, jichhasti taqinis jaqi jiwayirkamakiwa.

Isaías 50:1

Tatitux siwa: “¡Jan amuyapxamti nayan Israel taykamar apanukutaxa, kunjämtix mä jaqix warmiparux apanukki ukhama, janirak kuna manunak phuqhañatakis jumanakar t'aqhisiyat jaqjam aljataxsa amuyapxamti! Jumanakan jucha lurapxatam laykuw aljatäpxtaxa; Israel taykamasti, jumanakan nayatak sayt'asipxatam laykuw apanukut uñjasi,

Jeremías 11:13

Judá markax walja diosanakaniwa, qawqhäkitix markanakapax ukkha, Jerusalenankir jaqinakasti Baal diosatakix walja altaranak sayt'ayapxi, qawqhäkitix markan thakhinakapax ukkharaki.

Jeremías 13:22

Ukattix jiskt'asisma, ¿kunas kamachitu? sasa, jumax yatiñamawa, uka jach'a juchanak luratamat taqi ukanakax ukham lurasiski; ¡ukat jichhax q'alalsuyapxtam, warmt'asisaw p'inqachjapxaraktam!

Jeremías 2:20

“Nayratpach nayatakix sayt'astaxa, janiw nayar jayskarakistati. ‘Janiw luqtañ munkti’ saraktawa. Taqi alay qullunakana, jach'a quqanak k'uchunakan yaqhampi jucha luras sarnaqtaxa.

Jeremías 6:8

Jichhax Jerusalén wanimaya, jan ukasti nayax jumat mayjt'ataw sarxä, mä ch'usa wasararuw tukuyäma, jan jaqin jaytarakïma.”

Ezequiel 16:35

“ ‘Wachuqa jucha lurañanakan sarnaqir warmi, jichhax nayan arunakax ist'am:

Ezequiel 16:39

Jupanakan amparaparuw katuyäma, jupanakasti wachuqa jucha lurañ utanakama, diosanakar yupaychañ chiqanakam t'unthapipxani. Isinakamsa, uka suma k'achachasiñanakamsa q'al aparapxätam, ukatsti q'alalpach sayt'ayapxarakïtam.

Ezequiel 16:4

Yurïwim urux janiw kururum khariqapktamti, janiw jariqapktamsa, janiw jayumpis qaqsupktamti, janirakiw wak'ampis wak'antayapktamti.

Oseas 1:2

Kuntix Tatitux Oseas tuqi sañ munkän uka arunakxa, akham sasaw qalltäna: “Israel markax nayar apanukusax yaqhampiw sarnaqxi. Jichhasti jumax saram, ukatsti uka kipkarak yaqha chachanakampi sarnaqir warmimpi jaqichasim, jupampisti wawanakanïma; ukhamat uka wawanakax yaqha chachanakampi sarnaqir warmin wawanakapäpxani”.

Oseas 2:2

2 (4) Tatitux siwa: “¡Taykamar juchañchapxam, juchañchapxapunim, jichhax jupax janiw warmixäkxiti, janirakiw nayas chachapäkxti! ¡Yaqha chachanakampi sarnaqañap apanukxpan! ¡Jan wali warminakjam sarnaqañsa apanukxpan!

Oseas 2:8

8 (10) “Ukampis jupax janiw amuyaskänti nayan juparu trigo, vino, aceite, ukanak churataxsa, nayarakiw qullqsa, qursa yapt'äyäta, ukanakampisti yaqha diosanak lurasi.

Oseas 3:1

Tatitux wasitat sarakitu: “Oseas, warmimax janiw jumatakjamäkiti, jupan mayni munatapaw utji. Uka kipkarakiw israelitanakax jan nayatakjamäpkiti, k'ari diosanakaruw yupaychapxi, luqtäwi churatanakat manq'apxi. Ukampis saram, warmimarux munasim, kunjämtï nayax israelitanakar munastxa ukhama.”

Oseas 4:5

Jumax urpachaw aynacht'äta, arumarusti, jumamp chikaw profetax aynacht'ani; taykamarus t'unjarakïwa.

Oseas 8:9

jan amuyun uri asnökaspas ukhamaw Asiria markarux yanap mayirix sarapxi. Israelasti munirinakap alasiñatakix waxt'äwinak churi.

Oseas 9:10

Tatitux siwa: “Kunapachatix Israel markar jikxatkäyät ukapachax kusisiyätwa, kunjämatix wasaran uva jikxatirix kusiski ukhama. Nayra awkinakamax nayatakix, nayrawir achuqir higonakjamänwa. Ukampis kunapachatix Baal-peor chiqar puripki ukkhaxa, k'ari diosanakaruw yupaychapxi, ukatsti wali jisk'achkañaw tukupxi, jupanakax munapkänsa uka yaqha diosanakjama.

Amós 8:13

Uka urux, suma tawaqunakampi, ch'aman waynanakampix, umat pharjayasis jan ch'amaniw thayjtawayapxani.

Jueces 16:23

Filisteonakan jilïrinakapasti Sansonar atipt'apxatapat uruyañatakiw tantachasipxäna, Dagón sat diosapar wilañchanak luqtañataki. Jupanakasti akham sasaw q'uchupxäna: “Jiwasan diosasawa, Sansón uñisirisarux amparasar katuyistu” sasa.