Oseas 2:4 - Qullan Arunaka DC

⁴ 4 (6) Wawanakapatsa janiw khuyapt'ayaskäti, jan wal sarnaqäwin jikxatat wawanakätap layku.

Aymar Bibliia 1986

⁴ Wawanacapatsa janiw qhuyapt'ayascäti, jan wal sarnakäwin jicjjatat wawanacäpjjatap laycu.

Qullan Arunaca

⁴ Wawanacapatsa janiw qhuyapt'ayascäti, jan wal sarnakäwin jicjjatat wawanacäpjjatap laycu.

Oseas 2:4 Jak'a apnaqawi uñst'ayäwi

2 Reyes 9:22

Joram reyisti Jehú capitanar uñjasinxa, sänwa: —Jehú, ¿jumax sumankañ amtampit jutta? —sasa. Jehú chachax ukxaruw säna: —¿Kuna sumankañarak jumamp utjaspa, Jezabel taykaman idolonakar yupaychkipana, layqasiñanakapamp sarnaqaskakipansti? —sasa.

Isaías 27:11

Mä quqan layminakapax wañsxi ukkhax p'akirtxiwa; warminakasti uka layminak apthapisaw phayasipxi. Mä jan amuyt'asir markawa. Ukatpï jupanakar irnuqir Tatitux jan khuyapt'ayaskanitixa.

Isaías 50:1

Tatitux siwa: “¡Jan amuyapxamti nayan Israel taykamar apanukutaxa, kunjämtix mä jaqix warmiparux apanukki ukhama, janirak kuna manunak phuqhañatakis jumanakar t'aqhisiyat jaqjam aljataxsa amuyapxamti! Jumanakan jucha lurapxatam laykuw aljatäpxtaxa; Israel taykamasti, jumanakan nayatak sayt'asipxatam laykuw apanukut uñjasi,

Isaías 57:3

Layqa warmin wawanakapa, yaqha warmimpi, yaqha chachampi sarnaqir warmin wawanakapa, jak'achasinipxam:

Jeremías 13:14

Ukatsti sañunakjam p'akirpayä, maynix maynimpi, awkix yuqapampi ukham jupanakkam tukjasipxani. Janiw jupanakat khuyapt'ayaskäti, jan ukasti, q'alpun t'unjä. Naya, Tatituw uk arsta’ ” sasa.

Jeremías 16:5

Tatitux sarakituwa: “Maynin jiwatap layku lutt'atäsipki uka utarux jan mantamti; uka jiwatat jan jachamti, janirak llakisiñamsa jupan jiwatapat uñacht'ayamti. Aka markatsti suman sarnaqasiñaxa, munasiñaxa, khuyapayasiñaxa q'al apaqxta. Naya, Tatituw uk arsta.

Ezequiel 23:25

Nayaw q'apisiñaxa jumxarux warxatanï, jupanakasti wali qhuru chuymampiw jumar uñjapxätam; nasamsa, jinchunakamsa muruqapxätamwa, uka nuwasïwit qhispirinakarusti espadampiw jiwarayapxarakïtam. Yuqall wawanakamsa, imill wawanakamsa aparapxätamwa, ukatsti ninampi nakhantataw uñjasirakïta.

Ezequiel 8:18

Ukampis nayax wali jach'a q'apisiñampiw jichhax sartasirakï. Janipuniw jupanakat khuyapayaskäti. Qawqhas arnaqasisipkpan, janipuniw jupanakarux ist'käti” sasa.

Ezequiel 9:10

Jichhasti jupanakat janipuniw khuyapt'ayaskäti, jan ukasti, luratanakapat wayt'askakipunïwa” sasa.

Oseas 1:2

Kuntix Tatitux Oseas tuqi sañ munkän uka arunakxa, akham sasaw qalltäna: “Israel markax nayar apanukusax yaqhampiw sarnaqxi. Jichhasti jumax saram, ukatsti uka kipkarak yaqha chachanakampi sarnaqir warmimpi jaqichasim, jupampisti wawanakanïma; ukhamat uka wawanakax yaqha chachanakampi sarnaqir warmin wawanakapäpxani”.

Oseas 1:6

Gómer warmisti wasitat usur jaqiptarakiki, ukatsti mä imill wawa wawachasïna. Tatitux Oseas profetarux sänwa: “Jichhax uka imill wawarux Lo-ruhama sas suticham, ukasti ‘jan khuyapt'ayata’ sañ muni, nayasti Israel markarux janiw juk'ampi khuyapt'aykxäti, janirakiw juchanakapsa pampachkxäti.

Oseas 5:7

Wachuqa jucha lurir warmjamaw sarnaqapxtaxa: yaqha diosanakar yupaychasaw nayar sallqjapxistaxa, jichhax wawanakamax janiw nayan markaxäkxaniti. Ukatpï jumanakasa, uraqinakamas q'ala tukjatänixa.

Zacarías 1:12

Tatitun angelapasti sänwa: “Taqi ch'amani Tatay, paqallq tunka maraw Jerusalenampitaki, Judá markanakampitakix q'apisitäxtaxa, ¿kunapachas jupanakat khuyapt'ayasxäta?” sasa.

Juan 8:41

Jumanakax awkiman luräwinakap lurapxtaxa —sasa. Jupanakasti sapxarakïnwa: —Nanakax janiw q'axat wawanakäpkti; mä sapa awkinikïpxtwa, ukasti Diosawa —sasa.

Romanos 11:22

Uñtam, Diosax kunja munasirisa, ukhamarus qhuru kankañampi uñjirirakiwa. Pantjasirinakatakix qhurünwa, jumatsti khuyapt'ayastamwa. Ukampis jumax munasiñaparjamaw jakañama; jan ukasti khuchhuqataw uñjasirakïta.

Romanos 9:18

Ukhamasti Diosax khitirutix munki ukarux khuyapt'ayasiwa, khitirutix chuyma qalarayañ munki ukarusti qalarayarakiwa.

Santiago 2:13

Ukampis khitinakatix mayninakat jan khuyapt'ayaski ukaxa, jan khuyapt'ayasiñampi taripatäniwa, khuyapayasirinakasti taripäwi urun sumakiw mistupxani.