Oseas 2:3 - Qullan Arunaka DC

³ 3 (5) Janitix uka jan wali sarnaqañanakap apanukkanixa, q'alalsuyäwa: kunjämtix taykapan purakapat yurkän ukhama, ch'usa wasararuw tukuyarakï, waña uraqiruw kipstayä, ukatsti umat pharjayasin jiwayarakï.

Aymar Bibliia 1986

³ Janitejj uqham sarnakañanacap apanuccanejja, k'alalsuyäwa, cunjämtejj taycapan puracapat nascänjja uqhama, ch'usa wasararuraquiw tucuyaraquï, waña orakeruw tucuyaraquï, ucatsti umatjamas jiwaraquiniwa.

Qullan Arunaca

³ Janitejj uqham sarnakañanacap apanuccanejja, k'alalsuyäwa, cunjämtejj taycapan puracapat nascänjja uqhama, ch'usa wasararuraquiw tucuyaraquï, waña orakeruw tucuyaraquï, ucatsti umatjamas jiwaraquiniwa.

Oseas 2:3 Jak'a apnaqawi uñst'ayäwi

Éxodo 17:3

Ukampis israelitanakax umat pharjataw Moisesatak jan walinak parlapxäna akham sasa: —¿Kunatakis Egiptot irpsunipxista? ¿Wawanakaxampiru, animalanakaxampir umatjam jiwarayañatakit irpsunipxistasti? —sasa.

Isaías 33:9

Taqiniw aka markan wali llakt'at jikxatasipxi, Líbano qullunkir ch'uminakas q'alaw wañsuwayxi, Sarón qhirwasti ch'usa wasarar tukutawa, Basán chiqasa, Carmelo qullusa q'ara qullukïxiwa.

Isaías 47:3

Janchimas q'alal uñstpan, mä p'inqapuniw chhuxurasiñamas uñstani. Jichhaw jumanakampix phuqsusïxa, janirakiw khitis achikt'asitapampix jark'kitaniti”.

Isaías 64:10

10 (9) Qullana markanakamax ch'usa wasarar tukuyatawa, Jerusalenasti laqayar tukuyata, q'ala tukjatarakiwa.

Jeremías 12:10

Uñisir reyinakaw uva yapuxar tukjapxi, uraqinakaxsa takisipxarakiwa. Nayan wali munat uraqixsti llakiskañ wasararuw tukuyapxi.

Jeremías 13:22

Ukattix jiskt'asisma, ¿kunas kamachitu? sasa, jumax yatiñamawa, uka jach'a juchanak luratamat taqi ukanakax ukham lurasiski; ¡ukat jichhax q'alalsuyapxtam, warmt'asisaw p'inqachjapxaraktam!

Jeremías 13:26

Nayasti jumarux q'alalsuyarakïmawa, mä p'inqa irpnaqarakïma.

Jeremías 14:3

Qamirinakax uywatanakaparuw um aptir khithapxi; uywatanakasti uma phujunakaruw sarapxi, ukampis janiw um jikxatapkiti, ch'usa wakullanak apt'atakiw kutt'anxapxi; mayjt'ata, p'inqachjataw p'iqinakapsa imxatasipxi.

Jeremías 17:6

Ukasti wasarankir ch'aphir uñtatawa, jan uman jaytjata, qalanak taypin jili, jayu uraqin jili, kawkhantix jan khitis jakkix ukkhana.

Jeremías 2:31

Jichhax khitinakatix akankapkta ukanakax sum ist'apxita: ¡janiw nayax jumanakatak mä parintat wasarar uñtatäkti, janirakiw axsarkay ch'amakan phuqhantat p'iyar uñtatäkti! ¿Ukatsti, kunatarak sapxistasti: ‘kuntix munapktxa uk lurapxä, janirakiw jumarux yupaychkxapxämati sasasti’?

Jeremías 2:6

Nayar thaqtañatsti janiw llakisipkiti, nayaw jupanakarux Egiptot irpsunta, wasaranjam irparakta, sinti waña uraqinjama, jach'a jaqhi jaqhi taypnama, jan umani uraqinjama, kunayman jan walt'añanakan phuqhantat uraqi, kawkhantix jan khitis jakki, janirak khitis sarnaqki uka uraqinjama.

Jeremías 22:6

Tatitusti Judá reyin utapatxa akham siwa: “Jumax nayatakix Galaad qulljamätawa, Líbano jach'a qullunak patar uñtata, ukampis juramentompiw arsta, jumarux ch'usa wasararuw tukuyäma, jan jaqinakan chiqaruw tukuyäma.

Jeremías 4:26

Suma uraqinakasti, jichhax ch'usa wasarar tukuyatänwa, taqi markanakasti q'ala t'unjatarakïnwa. Taqi akanaksti Tatitun jach'a phiñasiñapaw ukham luratayna.

Jeremías 51:43

Markanakapasti axsarkañ ch'usa wasarar tukuyatawa, waña, llakiskañ uraqir tukuyatawa, janiw ukan mä jaqis jakkiti, janiw khitis uka chiqa sarakipkarakiti.

Jeremías 51:5

Israel markampi, Judá markampix taqiniw naya nayraqatan juchañchjasipxi, markanakapsa juchampiw phuqhantapxi, ukampis naya, taqi ch'amani Tatitu, Israelan Qullan Diosapaxa, janiw jupanakarux apanukkti.

Ezequiel 16:22

Ukham jan wali sarnaqir warmi tukutamampisti, janiw wawa urunakamat amtaskxtati, q'alala, wilam taypin wat'akiskatamatsa.

Ezequiel 19:13

Jichhasti wasaran ayruntatawa, jan umani waña uraqina.

Oseas 13:15

Israel, inas wasitat qamiriptchisma, ukampis nayax q'al t'unjäma, kunjämtix wasarat sartankis uka thayax uma jalsu phuch'unaksa q'al wañt'ayki ukhama. Ukatsti uñisirinakamax suma imasitanakam q'al katuntasxapxani.

Oseas 2:10

10 (12) Munirinakapan uñjkañ q'alalsuyä. ¡Janiw khitis amparaxat qhispiykaniti!

Apocalipsis 17:16

Uñjktas uka tunka waxranakampi, uka jach'a axsarkañ animalampisti, uka q'añusir warmirux uñisipxaniwa, utjirinakap taqpach apaqapxani; q'alalpacharak irpanukupxani, janchip manq'apxani, ukatsti ninaruw nakhantayapxani.

Jueces 15:18

Sansonasti umat wali pharjatänwa, ukat Tatitur art'asïna akham sasa: “Jumaw aka jan walt'añan atipt'ayistaxa, jichhasti, ¿aka jucharar jaqinakan amparapan umat pharjata uñch'ukikitätati?” sasa.