Oseas 2:12 - Qullan Arunaka DC

¹² 12 (14) Uva yapunakapsa, higo yapunakapsa q'al tukjarakï, uka yapunakatsti, akham sänwa: ‘Munirinakaxaw aka yapunak kunatix wakt'kitu ukat churapxitu’ sasa. Nayasti uka yapunakap qurampiw qurantayä, pampankir animalanakaw ukanak manq'antapxani.

Aymar Bibliia 1986

¹² Uva yapunacapsa, higo yapunacapsa tucjäwa, jupasti uca yapunacatjja, sänwa: ‘Aca yapunacwa munirinacajjajj pagota churapjjetu’ sasa. Nayasti uca yapunacapjja korampiw korantayä, ucatsti pampanquir animalanacaraquiw uca yapunacjja mank'apjjani.

Qullan Arunaca

¹² Uva yapunacapsa, higo yapunacapsa tucjäwa, jupasti uca yapunacatjja, sänwa: ‘Aca yapunacwa munirinacajjajj pagota churapjjetu’ sasa. Nayasti uca yapunacapjja korampiw korantayä, ucatsti pampanquir animalanacaraquiw uca yapunacjja mank'apjjani.

Oseas 2:12 Jak'a apnaqawi uñst'ayäwi

Salmos 80:12

12 (13) ¿Kunatarak muyuntat pirqanakap tinkunukuytasti? ¿Kunatarak thakhi saririnakampi uva alinak jik'iraytasti?

Isaías 29:17

Mä qawqha pachatxa ch'umix yapuchañ uraqiruw tukxani, yapuchañ uraqinakasti ch'umirurakiw tukxani.

Isaías 5:5

Walikiwa, jumanakaw nayan uva yapuxäpxtaxa, jichhax kuntix jumanakampi lurañ amtkta uk sapxäma: tukjatäpxañamatakix janiw arxatxapxämati, markaman pirqapsti aptxarakïwa ukhamat taksutäpxañamataki;

Isaías 7:23

Uka urunakansti kunatix nayrax waranqa uva alinak yapuchatäkäna, uka uva alinakan alapas waranqa qullqïkän ukaxa, jichhax ch'aphi alirukiw tukxani.

Jeremías 13:26

Nayasti jumarux q'alalsuyarakïmawa, mä p'inqa irpnaqarakïma.

Jeremías 26:18

“Ezequiasax aka Judá uraqi apnaqkän uka urunakanxa, Moréset sat chiqat jutir Miqueasaw Tatitun sutipxar taqi jaqinakar yatiyäna, akham sasa: ‘Taqi ch'aman Tatitux akham siwa: Sión qullux mä qhullinukut yapjamaw qhiparani, Jerusalenasti laqayanakjam mayjar willthapitaw uñjasini, Tatitun utapax utachatäki uka qullusti, quranakampi phuqhantataw uñjasini’ sasa.

Jeremías 5:17

Jumanakax alkatasipkta uka jach'a pirqan markanaksa, q'al t'unjapxani. Yapunakamsa, manq'anakamsa, q'al manq'antapxani, imilla, yuqall wawanakamarusa, q'al jiwarayapxani, ovejanakamsa, vacanakamsa, q'al manq'antapxani, uva yapunakamsa, higo yapunakamsa, q'al tukjapxarakini.”

Jeremías 8:13

Tatitux siwa: “Markaxarux trigor uñtat yawinukü. Janiw uva yapun mä uvasa qhiparkaniti, janirakiw mä sapa higosa higo quqan qhiparkaniti. Pharsut laphinakakiw qhiparxani.”

Oseas 13:8

Qallunakap chhaqhayasir jukumarir uñtataw jupanakarux jikxatä, ukatsti chuymapsa jisk'a jisk'a tukjä. Mä leonar uñtataw jupanakarux pachpan manq'antä; ch'uminkir laq'ur uñtataw jupanakarux tukjarakï.

Oseas 2:5

5 (7) Taykapax yaqha chachanakampi sarnaqiriwa; sum uñt'atäñsa q'al apt'asiraki akham sasa: ‘Munirinakaxar thaqhir sarä, jupanakaw churapxitu, manq'añsa, isinaksa, suma q'apkir qullanaksa, kusist'añanaksa’ sasa.

Oseas 5:14

Kunjämatix mä leonax wal qhurutasixa, ukhamaw nayax Israel markampiru, Judá markampirux qhuruchasis katjarakï; naya pachpaw jisk'a jisk'a tukjä, janirakiw khiti arxatt'iris utjkaniti.

Oseas 9:1

Israel marka, jan kusiskamti; janirak yaqha markanakjamas kusisiñat thuqunaqkamti, Diosamar apanukusaxa, yaqhanakampiw wachuqa juchanak lurtaxa. Grano jawq'añ chiqanakan yaqhampi jan wal sarnaqatamatxa, paylla katuqañ muntaxa.

Miqueas 3:12

Jumanakan juchanakam laykuw Tatitun Jerusalén markapax q'ala tukjata uñjasini, mayjaru willthapitarakïniwa, kawkhankkitix Tatitun utapax uka qullus quran qurantataw uñjasini.