Oseas 13:2 - Qullan Arunaka DC

² ¡Jichhas juchxa lurasipkakiwa! Qullqinakap umatatayasinsti yaqha diosanak lursusipxi, kunjämarutix munapki ukhamarjama. Ukatsti sapxarakiwa: “¡Wilañchanak luqtapxam!” sasa. Jaqinakasti uka vaca qallur uñtat diosanakaruw jamp'atipxi.

Aymar Bibliia 1986

² ¡Jichhas juchjja lurasipcaquiwa! Kollkenacap umatatayasinsti c'ari diosanacwa lursusipjje, cunjämarutejj munapqui uqhamaru, yakha diosanac luririnacan amuyuparjamaraqui. Ucatsti sapjjaraquiwa: “Sacrificionac loktapjjam” sasa. Jakenacasti vaca kallur uñtata c'ari diosanacaruw jamp'atipjje.

Qullan Arunaca

² ¡Jichhas juchjja lurasipcaquiwa! Kollkenacap umatatayasinsti c'ari diosanacwa lursusipjje, cunjämarutejj munapqui uqhamaru, yakha diosanac luririnacan amuyuparjamaraqui. Ucatsti sapjjaraquiwa: ‘Sacrificionac loktapjjam’ sasa. Jakenacasti vaca kallur uñtata c'ari diosanacaruw jamp'atipjje.

Oseas 13:2 Jak'a apnaqawi uñst'ayäwi

1 Reyes 19:18

Ukampis Israel markan, paqallq waranqa jaqinakaruw jaytä, Baal diosan nayraqatapan jan killt'asirinakaru, lakanakapampi ukanakar jan jamp'att'irinakaru” sasa.

2 Crónicas 28:13

jupanakarusti sapxarakïnwa: —Jan uka katuntat jaqinakarux akar irpanipxamti, uka luratax Tatitun nayraqatapan juchanit uñt'ayistani. Kuntix jumanakax lurañ munapkta ukampix jiwasan juchanakasa, jan walt'añanakasak juk'amp yapt'asiñäni, Tatitusti Israelampix juk'ampiw q'apisini —sasa.

2 Crónicas 33:23

Ukampis jupax janiw Tatit nayraqatan jisk'ar tukt'känti, kamisatix Manasés awkipax jisk'ar tukt'käna ukhama, jan ukasti juk'ampiw juch luräna.

Isaías 1:5

Jumanakax Tatitur saykatañakpin munasipktaxa, janchinakaman janiw kawkhat jawq'antañas utjkxiti. P'iqimax q'ala chhuxriñchjatawa, ch'amamas janirakiw utjkxiti.

Isaías 30:1

Tatitusti siwa: “¡Ay, kunakïkan kutkatasir israelit jaqinakatakixa, jan nayar jiskt'asisaw kuns amtapxi, nayan jan amuyt'ayat amtäwinak wakichapxi, juchsa mayampi mayamp lurapxi!

Isaías 44:11

Uka diosanakar yupaychirinakasti p'inqachjataw uñjasipxani. Uka diosanak luriristi mä jaqikiwa. Taqi jupanakatix taripäwi urun uñstapxaspa ukaxa, jisk'achjata, khathatjayataw jikxatasipxaspa.

Isaías 45:20

“Tantacht'asipxam, jutapxarakim, markanakat jilt'iri taqi jakirinaka, taqini jak'achasinipxam. Jan yatiñan jaqinakaw utji, uka diosanakapsti uksar aksar muyuyasaw apnaqapxi, uka jan qhispiyir diosaruw mayisipxi.

Isaías 46:6

Yaqhip jaqinakax quripsa qullqipsa ina ch'usaruw tukjapxi, diosanak luriri mä jaqiruw jikxatapxi, mä dios lurañapatakiw quripsa qullqipsa churapxi; ukatsti uka diosar killt'asisaw yupaychapxi.

Isaías 46:8

“Juchararanaka, akat amtasipxam, sum amuyt'asipxam;

Jeremías 10:4

mayninakasti qurimpi qullqimpiw uka lursutarux k'achachapxi, jan liwisiñapatakix clavonakampiw liq'thapipxi.

Jeremías 10:8

Uka markanakan utjasirinakapax t'axmar jaqikamakïpxiwa, jupanakan yatichirinakapasti, mä k'ullut khitsut diosanakakiwa.

Jeremías 8:5

Ukampis aka markax nayar apanukutuwa janiw nayan ukar kuttaniñ munkiti. Jerusalenankirinakax nayar apanukuñpin munitu; k'ari diosanakarukiw arkañ munapxi, janiw naya chiqpach Diosan ukar kuttaniñ munapkiti.

Oseas 10:1

Israelax walja achuni uva alir uñtat wali qamiriwa; ukampis ukham tukutapatxa, juk'ampikiw altaranak yaqha diosanakatak lurarasipxäna; uraqipan juk'amp sumätapatsa, juk'ampikiw yaqha diosanakatak qala chutanakapsa lurasipxäna.

Oseas 10:5

Samariankir jaqinakax khathatipxiwa; Bet-avén chiqankir vaca qallu diosap chhaqhayasitapat jachapxi. Uka vaca qallutjamaw jaqinakasa, sacerdotenakas wararisipki, jach'a kankañapan chhaqtatapata.

Oseas 11:2

Kunapachatix nayax juk'ampi jupar jawskäyät ukkhaxa, juk'ampikiw jupax nayat jayarst'awayi. Markaxasti k'ari diosanakaruw wilañchanak luqtasïna, yaqha diosanakarukiw incienso q'aphichäna.

Oseas 11:6

Markanakapasti espadan tukjatäniwa, jupanakan pachpa amtatanakapatxa, sayt'asiñ pirqanakapas tukjatarakïniwa.

Oseas 14:3

3 (4) Asiria markax janiw qhispiyapkitaspati, janiw caballonakapar lat'xatasas jaltapkiristti. Amparaxampi lurasipkta ukanakarux, janirakiw ‘Nanakan Diosaxa’ sapkäti. Tatay, wajchax juma sapanak khuyapayasiñ jikxati.”

Oseas 2:8

8 (10) “Ukampis jupax janiw amuyaskänti nayan juparu trigo, vino, aceite, ukanak churataxsa, nayarakiw qullqsa, qursa yapt'äyäta, ukanakampisti yaqha diosanak lurasi.

Oseas 4:17

Israelitanakax yaqha diosanakar yupaychañaruw katuyasxi. ¡Taqiniw machantat jaqinakäpkaspas ukham liwirtawayapxi! Mayampi mayampwa wachuqa jucha lurapxi, suma jach'añchäwit sipansa p'inqachatäñak munapxi.

Oseas 8:4

“Nayar jan yäqasaw reyinak utt'ayasipxi, jilïrinakapsti nayar jan yatiyasaw chhijllasipxi. Jupanakpachaw qullqipata, quripata yaqha diosanak lurasisax jan walt'añanakaru, tukjatäñanakar purisipki.

Oseas 8:5

¡Samaria, uka vaca qallur yupaychatamax axtasiyituwa! Phiñasiñaxasti uka diosatakiw sarti. Israelitanaka, ¿kunapacharak wasitat q'umäxapxätasti? Samariankir uka vaca qallux janiw chiqpach Diosäkiti, jaqin luratakiwa, ukat jichhax t'unjatarakïni.

Números 32:14

Jichhasti jumanakax jucha lurir awkinakan wawanakapa, awkinakamjamaw lurañ munapxaraktaxa, Israel markatak wasitat Tatitun q'apisiñap aqtayañataki.

Romanos 11:4

Diosasti juparux sänwa: “Paqallq waranqa jaqinak nayatak ajllista, jupanakax janiw Baal sata diosan nayraqatapar killt'asipkiti” sasa.

Romanos 2:5

Ukampis jumax qala chuymanïtam layku, Diosar makhatañ jan munatam laykux, juma pachpaw mutuñ urutakix mutuyäwi katuqañatak wakichasisktaxa, kunapachatix Diosax chiqpach juchañchir uñstankani,

2 Timoteo 3:13

ukampis salqjir jan wali jaqinakax jan walit juk'amp jan waliruw puripxani, sallqjasina, ukhamarak sallqjayasisina.

1 Samuel 10:1

Ukhamasti Samuel profetax aceiten wayucha katusinxa, Saúl waynan p'iqipxaruw warxatäna, jamp'att'asinsti sarakïnwa: —Tatituw jichhürux Israel markan apnaqiripat jumar ajllistam. Jumaw jupanakar apnaqäta, uñisirinakapan amparapatsa qhispiyarakïta. Tatitun jumaru Israel markap apnaqañamatak ajllisitapax akhamat yatisini: