Oseas 12:2 - Qullan Arunaka DC

² 2 (3) Tatitux Israelampix ch'axwankiwa. Jacobun markaparusti sarnaqäwipatjam mutuyani; luräwinakapatjam kunatix katuqañapäki uk katuqapxarakini.

Aymar Bibliia 1986

² Tatitojj Israelampejj ch'ajjwaniwa. Jacobon marcaparusti sarnakäwipatjamawa mutuyani; luräwinacapatjamracwa pago catokapjjani.

Qullan Arunaca

² Tatitojj Israelampejj ch'ajjwaniwa. Jacobon marcaparusti sarnakäwipatjamawa mutuyani; luräwinacapatjamracwa pago catokapjjani.

Oseas 12:2 Jak'a apnaqawi uñst'ayäwi

2 Reyes 17:4

Ukampis mä urux, Oseas reyix sayt'asïnwa, jupasti mä qawqha jaqinak Lais chiqar khithäna, Egiptonkir reyir mä yatiyäwi apayasa, ukhamarus janiw Salmanasar reyirux, kunjämtix sapa mara qullqi churirïkatayna ukham churkxänti. Kunapachatix Asiriankir reyix ukanak katjkäna ukkhasti, Oseasar katuntayasin carcelaruw uchantayäna;

Salmos 78:36

Lakakiw juparux parlapxäna, laxrampisti k'arintapxänwa,

Eclesiastés 5:15

15 (14) Kunjämatix taykapan purakapat q'alalak yuri, ukhamakiw sarxani, irnaqatapatsti janiw kuns apaskaniti.

Isaías 10:12

Tatitux kuntix Sión qullun lurañ amtki, Jerusalén markansa lurañ amtki, ukanak phuqhapuniniwa. Ukham phuqhasasti, Asiriankir reyiruw mutuyani, jach'a jach'a chuymanïtapata, qhurütapat mutuyani.

Isaías 10:6

Jichhax aka ñanqha markar nuwantañapatakiw khithä, uka markar q'al lunthatjañapataki, qamir yänakapsa q'al aparañapataki, marka thakhinkir ñiq'ir uñtat taksuñapataki.

Isaías 24:21

Uka urunsti, alaxpachan utjir ch'amaninakaru, aka uraqinkir reyinakarusa, Tatitux mutuyaniwa,

Isaías 3:11

¡Ay, kunakïkan ñanqha jaqitakixa, taqi kunas jupatakix janipuniw walt'kaniti! Tatitusti luratanakapatjam churarakini.

Isaías 30:6

Profecía arunaka Néguev chiqankir animalanakxata: Uka axsarkay uraqinakanxa, axsarkay leonanakaw jakapxi, katarinakasa, chhiqhan katarinakas ukan thuqhunaqapxi, uka chiqanjam qamir kankañanakap asnoru, camellor khumuntat apapxi, Egipto markaruw jan kunatak inamay apapxi,

Isaías 59:18

Tatitux sapa mayniruw luräwipatjam churani, uñisirinakaparux mutuyaniwa. Jupar uñisirinakarusti wakisitaparjamaw churani; quta tuqi markanakan utjirinakarus uka kipka churani.

Jeremías 25:31

Jupan jach'at arnaqasitapasti akapach tukuskamaw ist'asi, Tatitusti jichhax taqi markanakaruw luratanakapatjam wayt'añ qalltani, taqi jaqinakarusti taripäwiruw jawsarakini, jan wali jaqinakarusti jiwañatakiw juchañchani. Tatituw uk arsu.’ ”

Oseas 2:13

13 (15) Juparusti, yaqha diosanakar incienso luqtatapat mutuyä, nayar armanukusaxa, munirinakapar arkañatak surtijanakampi, wallqanakampi k'achachaskäna, taqi ukanakat mutuyarakï. Naya Tatituw uk arsta.

Oseas 4:1

Israel jaqinaka, Tatitun arunakap ist'apxam. Jupax jichhax aka markan jakirinakampiw ch'axwar manti, jupanak pura jan sum sarnaqapxatapata, jan chiqa chuymanïpxatapata, Tatitur jan uñt'apxatapata.

Oseas 4:9

Aka markarux jan wali sarnaqäwinakapatxa, sacerdotenakarjamaw mutuyarakï.

Oseas 7:1

Nayax markaxaruw qhispiyañ munta, ukampis jupanakax walja juchanak lurapxi. Taqinis k'arikamakiwa; utanakar mantasin lunthatsupxi, marka thakhinakan jaqinakat lluch'supxi.

Oseas 7:11

Israelax jan amuyuni ipirat palomjamaw jikxatasi. Egipto markaruw yanap mayi, Asiria markaruw yanap mayirix sari.

Oseas 7:2

Nayax jupanakarux sum uñt'ta: Ñanqha lurañanakampi phuqhantatäpxiwa, ukampis janiw ukhamäpxatap amuyasipkiti.

Oseas 8:10

Ukampis qawqha churäwinaksay uka markanakar churaskpan, naya kipkaw yaqha markanakar ananukü, ukatsti mä qawqha pachanakax janiw reyinakasa, kuna jilïrinakas utjkaniti.

Oseas 8:13

Jupanakatakisti wilañchanak luqtañaw askixa, ukatsti, uka luqtat aychanak manq'apxaraki; ukampis naya Tatitux janiw ukanakampix kusisitäkti, kuna jan walinaktix lurapki ukanak amtaskakipunïwa, uka juchanakapatsti, Egipto markar kuttayasaw mutuyarakï.

Oseas 8:9

jan amuyun uri asnökaspas ukhamaw Asiria markarux yanap mayirix sarapxi. Israelasti munirinakap alasiñatakix waxt'äwinak churi.

Oseas 9:15

Tatitux siwa: “Guilgal chiqan taqi jan walinak lurapxäna, ukkhanrak jupanakar uñisiñ nayax qalltta. Jan wali luräwinak lurapxatapatxa; utaxat ananuküwa, janirakiw juk'amp munkxäti, taqi jilïrinakapasti nayatak sayt'asirkamakiwa.

Oseas 9:9

Guibeá markan urunakapanjam ñanqha lurañanakapampix q'al aynacht'xapxi. Ukampis Tatitux ñanqha luratanakapat amtasiniwa, juchanakapatsti mutuyarakiniwa.

Amós 2:4

Tatitux akham siwa: “Judá markankir jaqinakax walja ñanqhanak lurapxi, ukat jupanakarux mutuyarakï; Tatitun yatichäwinakap janiw katuqapkiti, janirakiw kamachinakaparus phuqhapkiti, jan ukasti kawkïr yaqha diosanakarutix awkinakapax yupaychapkän ukanakaruw yupaychapxi.

Miqueas 6:2

Qullunaka, jumanakas ist'apxam, uraqin qalltanakapa, ist'apxarakim; Tatitux markapar juchañchañatakiw sarti; Israel markampisti ch'axwañaruw mantani.

Mateo 16:27

Jaqin Yuqapax Awkipan jach'a munañapampiw, angelanakapampi jutani, ukatsti sapa mayniruw lurataparjam churani.

Romanos 2:6

ukat sapa maynir luräwipatjam churkan ukapacha.

Gálatas 6:7

Jan sallqjasipxamti; janiw khitis Diosat sawkaskaspati. Kuntix jaqix yapuchki ukarak apthapini.