Oseas 11:9 - Qullan Arunaka DC

⁹ Janiw phiñasiñaxampix atipayaskäti, mä jaqit sipansa, nayax Diosätwa, ukat Israelarux jan tukjkäti. Nayax jumanak taypin utjasir Qullan Tatitütwa, janirakiw jumar tukjir jutkti.”

Aymar Bibliia 1986

⁹ Janiw colerampi atipayascäti, janiraquiw Efrainarus tucjcäti; nayasti Diosätwa, janiw jakëcti uca laycu. Nayajj jumanac taypin utjasiri Kollana Diosätwa, janiraquiw jumar tucjiri jutcti.”

Qullan Arunaca

⁹ Janiw colerampi atipayascäti, janiraquiw Efrainarus tucjcäti; nayasti Diosätwa, janiw jakëcti uca laycu. Nayajj jumanac taypin utjasiri Kollana Diosätwa, janiraquiw jumar tucjiri jutcti.”

Oseas 11:9 Jak'a apnaqawi uñst'ayäwi

2 Samuel 20:10

Amasá jaqisti janiw amuyaskänti, Joab jaqin maysa amparapan espada ayt'atätapxa. Ukatsti akatjamat Joab jaqix uka espadampi Amasá jaqir purakapat chhuqhuntäna, jiphillanakapasti uraqiruw qutstäna, Amasá jaqisti ukspachaw jiwt'awayxäna. Uka qhipatsti Joab jaqimpi, Abisai jilapampix, Bicrí jaqin Sebá yuqapar arktasipkakïnwa.

Salmos 46:5

5 (6) Tatit Diosax markap taypinkiwa, jupaw imaskani; Diosaw qhanjtatpach markaparux yanapaskani.

Salmos 78:38

Diosasti jupanakat khuyapayasïnwa, ñanqha luratanakap pampachäna, janiw jupanakarux tukjkänti; walja kutiw q'apisiñap t'akurayasïna, janiw phiñasiñapampi atipjayaskänti.

Salmos 85:4

4 (5) Qhispiyir Diosaxay, jichhax mayampi qhispiyapxakita, janikiy nanakampix q'apisitäxamti.

Isaías 12:6

Jerusalén markan utjasirinaka, kusisiñat arnaqasipxam, Israelan Qullan Diosapax taqi jach'a ch'amapampiw jumanak taypinki.”

Isaías 31:1

¡Ay, kunakïkani, khitinakatix Egiptor yanap mayir sarapki ukanakatakixa, uka walja carronakaparu, caballerianakaparu alkatasipki ukanakatakixa, jupanakax janiw Israelan Qullan Diosapar uñtapkiti, janirakiw thaqhapkisa!

Isaías 41:14

Tatitusti sarakiwa: “Israel, Jacobun markapa, jisk'äskamsa, pisi ch'amäskamsa, jan axsaramti, nayaw yanapaskäma. Naya, Israelan Qullan Diosapa, nayaw qhispiyirimätxa.

Isaías 41:16

Ukatsti thayan apasxañapatakiw khuyt'äta, tutuka thayaw apasxani. Ukapachaw jumax Tatitunkasax kusisïta, Israelan Qullan Diosapatsti kusisirakïtawa.

Isaías 48:9

“Ukampis jumatakix llamp'u chuyma uskta. Naya kipkaru yäqasawa jumarux jan tukjkaraksmati.

Isaías 5:24

Israelan Qullan Diosapan yatichäwinakapxa, janiw katuqapktati; chiqpach mä sapa Tatitun kamachinakapsa jisk'achapxtawa. Ukatpï jichhax, kunjamtix ninax wichhurux q'al nakhantkixa, ukhamarakiw jumanakax q'ala tukjatäpxäta, kunjämatix alinakax saphitpach ñusjkix ukhama, panqaranakapas laq'ar tukuwaykix ukhama.

Jeremías 26:3

Ist'apxätam ukasti, jan wali luratanakapsa apanukupxani ukkhasti, janiw jupanakarux kunjämtix amtkäyäta ukham mutuykxäti.

Jeremías 30:11

Naya, Tatituw uk arsta, nayaw jumampïskta jumar qhispiyañataki. Kawkïr markanakarutix ananukkäyäsma uka markanaksti t'unjarakïwa. Ukampis jumarux janiw t'unjkämati; jan ukasti juchamatjamak mutuyäma, juchamatsti mutuyapunirakïmawa.”

Oseas 12:1

1 (2) Israelax thayapitakis sarnaqkaspa ukhamawa; sapürus inti jalsu tuqit jutir thayarukiw arkaski. K'arisiñanakapampi, nuwasiñanakapampisti waliw jilxatti, Asiria markampis arust'asiwa, Egipto markarusti aceitenak apayi.”

Oseas 14:4

4 (5) Tatitux israelitanakarux siwa: “Phiñasiñaxax t'akurxiwa. Jichhasti kunja jach'äkitix munasiñaxax uk uñacht'ayarakï, janiw saykatasir markäkxapxaniti.

Malaquías 3:6

“Nayätwa Tatit Diosaxa, nayax pachpakïsktwa. Ukat jumanakax Jacobun wawanakapa, jan tukjatäpktati.

Números 23:19

Tatitux janiw jiwir jaqinakjamäkiti: janiw k'ariskiti, janirakiw amuyt'äwip mayjt'aykisa. Jupax arsutaparjam lurapuniwa. Jupax arsutap phuqhapuniwa.

Deuteronomio 13:17

17 (18) “Jan jumanakax kunatix t'unjañataki uchatäki ukanak aptasipxamti, Diosasti janirakiw ukapachax jumanakatak q'apiskaniti, ukampis jupax jumanakat khuyapayasini, mirantayapxarakïtamwa, jumanakan nayra awkinakamar arsuwaykän ukhamarjama,

1 Samuel 26:8

Ukat Abisai jaqix Davidarux säna: —Tatituw jichhürux uñisirimar amparamar katuytam. Jichhax nayar jaytita uka pachpa lanzapampi chhuqhuntasin jiwayañataki. May chhuqhuntasakiw jiwt'ayä —sasa.