Oseas 11:3 - Qullan Arunaka DC

³ Ukampis nayaw Israel markarux irpnaqäyäta, sarnaqañsa yaticharakïyäta; ukampis jupanakax janiw amuyasipkänti nayan jupanakar uñjaskataxa.

Aymar Bibliia 1986

³ Ucampis nayaw Efraín marcarojj irpnakäyäta, uqhamarac sarnakañsa yaticharaquïyätwa; ucampis jupanacajj janiw amuyasipcänti nayan jupanacar uñjascatajja.

Qullan Arunaca

³ Ucampis nayaw Efraín marcarojj irpnakäyäta, uqhamarac sarnakañsa yaticharaquïyätwa; ucampis jupanacajj janiw amuyasipcänti nayan jupanacar uñjascatajja.

Oseas 11:3 Jak'a apnaqawi uñst'ayäwi

Salmos 107:20

may arsusakiw jupanakarux k'umaraptayäna; ¡manqhapachat qhispiyäna!

Éxodo 15:26

Sarakïnwa: “Jumanakatix naya, Tatit Diosaman arunakapar sum ist'apxäta, munañaxsa lurapxäta, ukatsti kamachi arunakaxarusa, kamachinakaxarus phuqhapxarakïta ukapachaxa, janiw kawkïr mutuyäwinaktix egipcionakar apaykta ukanak apayanipkämati. Nayätwa jumanakar k'umarachir Tatitumaxa” sasa.

Éxodo 19:4

“Jumanakax sum uñjapxtaxa kunjämtix egipcionakar nayax mutuykta ukxa, kunjämtix nayan ukar irpanipksma uksa uñjapxaraktawa, mä pakan chhiqhap patxarus jutapkasma ukhama.

Éxodo 23:25

Tatit Diosamaruw yupaychäta, jupasti t'ant'amaru, umamaruw aski waxt'äwimp phuqt'ani. “Nayaw taqi usunak jumat apaqäma.

Isaías 1:2

Alaxpachampi, akapachampi, ist'apxam kuntix Tatitux siski uka: “Wawanak jilarañapkamaw uywasta, ukampis jupanakax nayatakikiw sayt'asxapxi.

Isaías 30:26

Uka urunxa, Tatituw markapan chhuxrinakap qullart'ani. Ukapachaw phaxsix intjam qhantani, intisti qhanapat sipansa juk'amp qhant'ani, paqallqu intin qhanapäkaspas ukhama.

Isaías 46:3

“Jacobun wawanakapa, ist'apxita, taqi khitinakatix Israel markat jilt'apkta ukanaka: Jumanakax janïr yuripkta ukkhatpach imapxsma, amparaxaruw ichusipxsma.

Isaías 63:9

Juparakiw taqi llakinakapat qhispiyi. Janiw jupan khithanitapati qhispiykixa; jan ukasti kipka Tatituw qhispiyi. Khuyapayasiñap layku, munasiñap laykuw jupax qhispiyi, jupaw amparat katt'asin wayti. Ukhampun luri.

Jeremías 30:17

K'umar sarnaqasiñ kuttayxäma, chhuxrinakam nayaw qullt'xäma, uñisirinakamax qawqhas parlaskpan: ‘Apanukut marka’ sasa. Naya, Tatituw uk arsta.”

Jeremías 8:22

¿Janit kuna qullas Galaad chiqan utjkpacha? ¿Janit ukan khiti qullt'iris utjkpacha? ¿Kunatarak markaxasti jan qullt'atäpachasti?

Oseas 14:4

4 (5) Tatitux israelitanakarux siwa: “Phiñasiñaxax t'akurxiwa. Jichhasti kunja jach'äkitix munasiñaxax uk uñacht'ayarakï, janiw saykatasir markäkxapxaniti.

Oseas 2:8

8 (10) “Ukampis jupax janiw amuyaskänti nayan juparu trigo, vino, aceite, ukanak churataxsa, nayarakiw qullqsa, qursa yapt'äyäta, ukanakampisti yaqha diosanak lurasi.

Oseas 7:1

Nayax markaxaruw qhispiyañ munta, ukampis jupanakax walja juchanak lurapxi. Taqinis k'arikamakiwa; utanakar mantasin lunthatsupxi, marka thakhinakan jaqinakat lluch'supxi.

Oseas 7:15

Nayaw jupanakarux yatichta, ch'amsa churarakta, ukampis jupanakax nayatakix jan walinakak amtasipki.

Hechos 13:18

Diosax pusi tunka maraw wasaran jupanakan jan wali luräwinakap uñjäna.

Deuteronomio 1:31

wasaran lurkän uksa uñjapxarakta ukhama. Jumanakan Tatit Diosamaw kawkha thakhinjamtix jutapkta ukanxa amparapar irpanipxtam, aka chiqar puriniñkama, kunjämatix mä awkix wawapar irpki ukhama.’

Deuteronomio 33:27

Diosax wiñay jakir Diosawa, jumarux imaskapunïtamwa; jupaw juma nayräxat uñisirimarus jaltayani, juman jupanakar t'unjañamataki.

Deuteronomio 8:2

Tatit Diosamax wasaranjam pusi tunka mara sarnaqayasa irpanipktam taqi uka thakhit amtasipxam, jumanakar t'aqhisiyañataki, yant'añataki, amtäwinakam uñt'añataki, kamachi arunakap phuqhirjamäpxtati janicha uk yatiñataki.