Oseas 10:8 - Qullan Arunaka DC

⁸ Yaqha diosanakar yupaychañ utanakapas t'unjatawa, Israel markasti uka chiqanakan jucha luränxa. Altaranakapansti ch'aphinakakiw jilantxani, jaqinakasti qullunakarux: “¡Imantapxita!” sapxaniwa, jisk'a qullunakarusti: “¡Nanakxar allxattapxita!” sapxarakiniwa.

Aymar Bibliia 1986

⁸ C'ari diosanacar yupaychañ chekanacasa t'unjataraquïniwa, Israel marcasti uca chekanacanwa juch luraraquïnjja. Altaranacapansti ch'aphinacaquiw jilantjjani, jakenacasti montenacarojj: “Imantapjjeta” sapjjaniwa, kollunacarusti: “¡Nanacjjar alljjattapjjeta!” sapjjaraquiniwa.

Qullan Arunaca

⁸ C'ari diosanacar yupaychañ chekanacasa t'unjataraquïniwa, Israel marcasti uca chekanacanwa juch luraraquïnjja. Altaranacapansti ch'aphinacaquiw jilantjjani, jakenacasti montenacarojj: “Imantapjjeta” sapjjaniwa, kollunacarusti: “¡Nanacjjar alljjattapjjeta!” sapjjaraquiniwa.

Oseas 10:8 Jak'a apnaqawi uñst'ayäwi

Génesis 3:8

Chachampi warmimpisti, achu churir quqanakan chika taypin jayp'u thayamp chik Tatit Diosar sarnaqaskir ist'apxäna, ukatsti Tatitumpi jan uñjayasiñatakix quqanak taypiruw imantasir jaltxapxäna.

1 Reyes 13:2

Uka profetasti Tatitun munañapat altaratak jach'at parläna, akham sasa: “Altar, altar: Tatitux siwa: ‘Davidan saraqiripat mä wawaw yurini, jupasti Josías satäniwa, jach'äxani ukkhasti, juma patxan incienso nakhayir sacerdotenakaruw jiwayani, idolonakan yupaychañ utanakapan jumxar incienso nakhayiri jaqinakaru; juma patxan jaqinakan ch'akhanakapaw nakhani’ ” sasa.

1 Reyes 13:34

Uka luratapaw Jeroboam reyin saraqirinakaparux juchar puriyäna, uka laykurakiw taqi tukjata uñjasirakïna.

1 Reyes 14:16

Jeroboaman juchanaka luratap layku, Israel markaru jucha lurayatap laykurakiw Tatitux Israel markaru apanukuni —sasa.

2 Reyes 23:15

Ukatsti Betel chiqan utjir altarampi, yupaychañ utanakapampi, kawkïrinaktix israelitanakaru juchar puriyiri Nabat chachan Jeroboam yuqapax lurkäna ukanakxa, Josías reyix laq'ar tukuyañkamaw tukjäna, ukatsti ninampiw nakhantayäna, ukhamarak Astarté diosan lantiparusa.

2 Crónicas 31:1

Taqi ukanak tukuyatatsti, ukankapkäna uka israelitanakax, taqpachaniw Judá uraqinkir markanakar sarapxäna, ukatsti yupaychañ qalanak jisk'a jisk'a tukjapxäna, Astarté diosan lantinakapsa p'akthapipxänwa, qullu patanakan utjir yupaychañ utanaksa allthapipxarakïnwa, Judá, Benjamín, Efraín, Manasés uraqinakan taqi ukanak tukjañkama. Ukat israelitanakax markanakaparu, sapa maynis uraqinakaparkam kutt'xapxäna.

Isaías 2:19

Kunapachatix Tatitux sartaskani, aka uraqirux axsarañapampi phuqhantkani uka uruxa, jaqinakax qarqa p'iyanakaruw imantasxapxani, uraq manqhanakaruw imantasxapxani; Tatitun axsarkañ nayraqatapatsti, jach'a kankañapan wal qhanatapatsa, taqiniw imantasxapxani.

Isaías 2:21

Tatitux sartkani, aka uraqir axsarañampi phuqhantkani uka uruxa, qarqa p'iyanakaru, jach'a qarqa manqhanakaruw imantasiñatak mantxapxani, Tatitun axsarkañ nayraqatapata, jach'a kankañapan wal qhanatapat imantasxapxani.

Isaías 32:13

Markaxansti ch'aphinakampi quranakampikiw jilxani, taqi kusisiñ utanak taypin uka ch'aphinakax jilantxani.

Isaías 34:13

Reyi utanakapansti, jach'a pirqanakapansa, itapallunakampi, kunayman ch'aphi quranakampiw jilantxani. Qullu anunakan utjäwipaw tukxani, suri jamach'inakan utjäwiparuw tukxani.

Oseas 10:2

Israelan chuymapax payar jaljtatawa, jichhasti juchanakapat mutuyatarakïniwa. Tatitux uka altaranakap t'unthapiniwa, qullana qalanakapsa q'al tukjarakini.

Oseas 10:5

Samariankir jaqinakax khathatipxiwa; Bet-avén chiqankir vaca qallu diosap chhaqhayasitapat jachapxi. Uka vaca qallutjamaw jaqinakasa, sacerdotenakas wararisipki, jach'a kankañapan chhaqtatapata.

Oseas 10:9

Tatitux siwa: “Israelax Guibeá chiqan jucha lurañ qalltkän ukkhatxa, janiw jucha lurañap apanukkiti. ¡Pachpa juchanakapan sarnaqasipki! Ukat jichhax jupanakan jan walïpxatapatxa nuwasïwix pachpa Guibeá chiqan tukjani.

Oseas 2:6

6 (8) “Ukat nayax ch'aphinakampi thakhip jist'antä, thakhinakap jan jikxatañapatakisti, uyumpiw muyuntayä.

Oseas 4:13

Uka alay qullunakan incienso q'aphinakampi luqtäwinak churasi; roble, álamo, encina sat quqanakan ch'iwinakapan luqtasiraki. Phuchhanakamax wachuqa jucha lurapxi, yuxch'anakamas yaqha chachanakampiw sarnaqapxi.

Oseas 4:15

“Israel marka, jumax wachuqa jucha lurañan sarnaqtaxa, Judá markakisay uka juchxa jan lurkpati. ¡Jan jumanakax Guilgal chiqarux sarapxamti, janirak Bet-avén qullurus makhatapxamti, Tatit laykus janipun juramento lurapxamti!

Oseas 5:8

¡Guibeá chiqan nuwasiñatak putut phust'apxam, Ramá chiqansti trompet phust'apxarakim! ¡Bet-avén chiqansti p'arxtayapxam! ¡Benjamín ayllunkirinakarusti, amuyasipxpan sapxarakim!

Oseas 8:5

¡Samaria, uka vaca qallur yupaychatamax axtasiyituwa! Phiñasiñaxasti uka diosatakiw sarti. Israelitanaka, ¿kunapacharak wasitat q'umäxapxätasti? Samariankir uka vaca qallux janiw chiqpach Diosäkiti, jaqin luratakiwa, ukat jichhax t'unjatarakïni.

Oseas 9:6

Jumanakax t'unjatäñat jaltxapxäta ukaxa; Egiptonkirinakaw katurapxätam, ukatsti Menfis chiqar allintatäpxätawa. Qullqit lurat yänakamasti itapallumpi phuqhantatäniwa, utjäwinakamansti ch'aphinakaw jilantarakini.

Amós 1:5

Damasco markan punkunakap munkir jan munkir jist'arä; Bicat-avén chiqan jakirinakaruw tukjä, Bet-edén marka apnaqirirus t'unjarakïwa, Sirio jaqinakasti, Quir markar katuntata apatäpxaniwa.” Ukham siw Tatituxa.

Amós 3:14

Israel markaru jucha luratanakapat wayt'kä uka uruxa, Betel markan utjir yaqha diosanakar yupaychañ altaranakapsa t'unthapïwa; altaran uchat waxranakapsa, uraqirkamaw willthapirakï.

Amós 7:9

Isaacan utjir yaqha diosanakapar yupaychañ altaranakapas tukjatäniwa, Israel markan yupaychañ utanakapas laqayar tukuyatarakïniwa. ¡Nayasti Jeroboaman utapar tukjañatakiw sartä!

Amós 8:14

Samaria markankir k'ari diosanakan sutipxar juramento luririnaka; khitinakatix sapki: ‘Dan markan diosap layku’, ‘Beerseba markan diosanakap layku’ sasa, ukanakax jan mayampi sartañatakiw jiwarapxani.”

Miqueas 1:13

Laquis chiqan utjasirinaka, caballonakamxa carronakar chinkatapxam. Jumanakan markaman aka jan wali lurañanakasax qalltawayi, Israelitanakasa ukan juchañchjasiwayapxi, Jerusalenankirinakasa ukan juchañchjasiwayapxi.

Miqueas 1:5

Taqi akanakasti Jacobun markapan Tatitur saykatatap laykuw lurasini, Israel markan jucha luratap laykuraki. ¿Kawkinkarak Jacobun jucha luratapasti? ¡Samaria markankiwa! ¿Kawkinkarak Judá markan yaqha diosanakar yupaychañatak luratäki ukanakasti? ¡Pachpa Jerusalén markankiwa!

Nahúm 3:11

Jumasti Asiria marka, machat jaqjamaw uksar aksar liwinaqtarakïta; uñisirinakamat imantasiñ munäta, ukampis janiw imantasiñ jikxatkätati.

Lucas 23:30

Ukapachaw jaqix qullunakar akham sañ qalltapxani: ‘Nanakxar allxattapxita’, jisk'a qullunakarusti: ‘Imantapxita’ sasa.

Deuteronomio 9:21

Ukatsti lurasipkatäta, jucha lurañar puriyapktam uka vaca qallu katusinxa, ninaruw jaquntäyäta, ukatsti ñut'u laq'ar tukuyasin qullut saraqanki uka jisk'a jawir umaruw warantäyäta.

Apocalipsis 6:16

Jupanakasti taqpachaniw uka qullunakampiru, qarqanakampir sapxarakïna: “¡Nanakxar tinkxattapxita, qhapaq qunuñan qunt'atäki ukan nanakar jan uñjañapataki, Corderon q'apisiñapat imantapxarakita!

Apocalipsis 9:6

Uka phisqa phaxsinsti, achjat uñjasipkatayna uka jaqinakax, jiwañak munxapxäna, ukampis jakasipkakïnwa. Jiwax jupanakat jaltkaspa ukhamänwa.