Oseas 10:5 - Qullan Arunaka DC

⁵ Samariankir jaqinakax khathatipxiwa; Bet-avén chiqankir vaca qallu diosap chhaqhayasitapat jachapxi. Uka vaca qallutjamaw jaqinakasa, sacerdotenakas wararisipki, jach'a kankañapan chhaqtatapata.

Aymar Bibliia 1986

⁵ Samarianquir jakenacajj qhathatipjjewa; Bet-avén chekanquir vaca kallu chhakayasisas jachapjjaraquiwa. Uca vaca kallutjamaw wararisipqui jakenacajja, sacerdotenacasa, jach'a cancañapajj chhaktatätap laycu.

Qullan Arunaca

⁵ Samarianquir jakenacajj qhathatipjjewa; Bet-avén chekanquir vaca kallu chhakayasisas jachapjjaraquiwa. Uca vaca kallutjamaw wararisipqui jakenacajja, sacerdotenacasa, jach'a cancañapajj chhaktatätap laycu.

Oseas 10:5 Jak'a apnaqawi uñst'ayäwi

2 Reyes 10:29

Ukampisa, Jehú reyix jucha luraskakïnwa, kunjämtix Nabat chachan Jeroboam yuqapax lurkatayna ukhama. Jehú reyix israelitanakar jucha lurayäna, Dan, Betel chiqanakan utjir qurit lurat vaca qallunakar yupaychaskakitap layku.

2 Reyes 17:16

Tatit Diosapan kamachi arunakap apanukusasti, broncet pä vaca qallu lursusipxäna, ukhamarus Astarté diosar uñtatanak lurapxäna, ukatsti Baal diosaru, intiru, phaxsiru, warawaranakaruw yupaychapxäna.

2 Reyes 23:5

Ukatsti kawkïr sacerdotenakarutix Judá uraqinkir reyinakax qullunakan utjir yupaychañ utanakan inciensonak nakhayañapatak utt'ayapkatayna ukanakarux jaqunukünwa, uka utanakasti Baal diosaru, intiru, phaxsiru, alaxpach taqpach warawaranakar yupaychañatak luratänwa. Ukhamarus Judá uraqin utjir markanakata, Jerusalén thiyanakan utjir markanakat altaranak apaqayarakïna.

2 Crónicas 11:15

Jeroboam reyix qullu patanakan yaqha diosanakar luqtapxañapatak jupakiwa sacerdotenaka utt'ayasïna, supayanakar yupaychañataki, jupax lurkatayna uka vaca qallunakar yupaychañataki.

2 Crónicas 13:8

Jichhasti jumanakax Davidan wawanakap tuqi Tatitun apnaqata markapatakiw sayt'asiñ amtapxtaxa, jumanakan waljanïpxatam layku, Jeroboam chachax qurit vaca qallunak lurarapipktam jumanakan diosamäñapataki uka laykukiw sayt'asipxtaxa.

Isaías 46:2

Uka diosanakax aynacht'apxiwa, uraqiruw liwnuqtapxi, janirakiw qhispiyasipkiti, yaqha markanakar apayatäpxiwa.

Oseas 13:2

¡Jichhas juchxa lurasipkakiwa! Qullqinakap umatatayasinsti yaqha diosanak lursusipxi, kunjämarutix munapki ukhamarjama. Ukatsti sapxarakiwa: “¡Wilañchanak luqtapxam!” sasa. Jaqinakasti uka vaca qallur uñtat diosanakaruw jamp'atipxi.

Oseas 4:15

“Israel marka, jumax wachuqa jucha lurañan sarnaqtaxa, Judá markakisay uka juchxa jan lurkpati. ¡Jan jumanakax Guilgal chiqarux sarapxamti, janirak Bet-avén qullurus makhatapxamti, Tatit laykus janipun juramento lurapxamti!

Oseas 5:8

¡Guibeá chiqan nuwasiñatak putut phust'apxam, Ramá chiqansti trompet phust'apxarakim! ¡Bet-avén chiqansti p'arxtayapxam! ¡Benjamín ayllunkirinakarusti, amuyasipxpan sapxarakim!

Oseas 9:1

Israel marka, jan kusiskamti; janirak yaqha markanakjamas kusisiñat thuqunaqkamti, Diosamar apanukusaxa, yaqhanakampiw wachuqa juchanak lurtaxa. Grano jawq'añ chiqanakan yaqhampi jan wal sarnaqatamatxa, paylla katuqañ muntaxa.

Oseas 9:11

Israelan jach'a kankañapasti, jamach'ir uñtataw sarawayxani. Janiw juk'ampi wawanakas yurkxaniti, janiw usur warminakas utjkxaniti, janirakiw warminakas usur jaqiptkxapxaniti.

Amós 3:14

Israel markaru jucha luratanakapat wayt'kä uka uruxa, Betel markan utjir yaqha diosanakar yupaychañ altaranakapsa t'unthapïwa; altaran uchat waxranakapsa, uraqirkamaw willthapirakï.

Sofonías 1:4

“Judá markaruw mutuyä, Jerusalén markankirinakarux mutuyarakïwa. Nayaw, akawjan utjir jaqin lurata Baal diosat jilt'irinak q'al chhaqtayä, sacerdotenakapan sutinakapsa taqpach chhaqtayarakï.

Hechos 19:27

Ukasti jiwasanakatakix janiw walïkaspati, aljasiñanakasas aynacht'aspawa. Artemisa jach'a diosan templopar jach'achañax janiw yäqatäkxarakispati. Jichhakamax juparux taqpach Asia suyunsa, uraqpachansa yupaychasipkiwa” sasa.

Josué 7:2

Josué chachax Jericó markatpach Ai chiqar mä chachanak khithäna, uraqi uñaqanipxañapataki, uka markasti Betel chiqat inti jalsu tuqinkänwa Bet-avén jak'ana. Jupanakas sarasax Ai marka uñaqanipxäna,

Jueces 18:24

Micaías chachasti sänwa: —Jumanakax nayan lurata diosanakax apasipxtaxa, sacerdotexarus irpasxapxaraktawa, nayarux jan kunan jaytaniwayapxista, ukham lurkasasa nayar jiskhisipkakistawa “¿kunas kamachtam?” —sasa.