Oseas 10:3 - Qullan Arunaka DC

³ Jichhax aka markax saniwa: “Tatitur jan axsartatasatxa, jichhax janiw reyinïkxtanti. Ukampis ¿kunarak mä reyisti jiwasatak luraspasti?

Aymar Bibliia 1986

³ Jichhajj aca marcajj saniwa: “Janiw jichhajj reyinïcjjtanti, Tatitur jan ajjsartatas laycu. Ucampisa ¿cunrac mä reyisti jiwasatac luraspasti?

Qullan Arunaca

³ Jichhajj aca marcajj saniwa: “Janiw jichhajj reyinïcjjtanti, Tatitur jan ajjsartatas laycu. Ucampisa ¿cunrac mä reyisti jiwasatac luraspasti?

Oseas 10:3 Jak'a apnaqawi uñst'ayäwi

Génesis 49:10

Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

2 Reyes 15:13

Jabés chachan Salum yuqapasti marka apnaqañ qalltäna, kunapachatix Ozías reyix kimsa tunka llätunkan mara Judá marka apnaqkän ukapacha. Jupasti mä phaxsikiw Samaria markan marka apnaqawayäna,

Salmos 118:9

Jilïr jaqinakar alkatañat sipanxa, Tatitur alkatañaw juk'amp sumaxa.

Salmos 12:4

4 (5) khitinakatix sapxi: “Jiwasax arsuñatakix lakanïtanwa; wali sum arsuñ yattanxa. ¿Khitis apnaqistaspasti?” sasa.

Isaías 5:19

Jumanakasti sapxaraktawa: “Diosax jank'akiy uñjañasatak lurañanakap lurpan; Israelan Qullan Tatitupasti jank'akiraki amtäwinakap phuqpan, ukhamat uka amtäwinakap yatiñasataki” sasa.

Oseas 10:15

Betel markan utjasir jaqinaka, jach'a ñanqhanak lurapxatamatxa, uka pachparakiw jumanakampix lurasini. ¡Israel markan reyipasti, qhantatirux jiwatarakïniwa!

Oseas 10:7

Samaria markankir reyix kunjämatix mä jisk'a lawax uman apatax uñjaski ukham chhaqtayatäniwa.

Oseas 11:5

ukampis jupanakax janiw nayan ukar kuttaniñ munapkiti. Ukatpï jichhax wasitat Egipto markar kuttapxañapänixa, Asiria markarakiw jupanakarux apnaqani.

Oseas 13:10

Jichhasti, ¿kawkinkarak reyimasti, uka markanakaman jumar qhispiyañatakisti? ¿Kawkinkarak jilïrinakamasti, khitinakarutix reyinaksa maykäyäta ukanakasti?

Oseas 13:11

Jumampi phiñasitäsin reyinak churäyäsma, jumampi phiñasitäsin uka reyinak apaqxaraksma.

Oseas 3:4

Walja maranakaw israelitanakax jan reyini, jan jilïr irpirini sarnaqapxani, wilañchanak jan luqtasa, jan altaranakani, jan sacerdotenakani, jan yaqha diosanakani.

Miqueas 4:9

Jichhasti, ¿kunatarak wawachasiñatak usuyasiskir warmjam warartasti? ¿Janit reyimax juman utjkxi? ¿Jan ukax amuyt'ayirinakamach jiwarxi ukatti jachta?

Juan 19:15

Judionakasti juk'ampiw art'apxäna: —¡Cruzar ch'akkatam! ¡Cruzar ch'akkatam! —sasa. Pilatosti jupanakarux jiskt'änwa: —¿Jumanakan reyimarut ch'akkatästi? —sasa. Sacerdotenakan jilïrinakapasti sapxarakïnwa: —Nanakan reyixax Cesarakiwa, janiw juk'amp yaqha reyix utjapkituti —sasa.

1 Samuel 12:25

Ukampisa jumanakatix jan wali lurañakpun amtasipkät ukaxa, jumanakasa, reyimasa tukjatäpxätawa —sasa.