Oseas 10:2 - Qullan Arunaka DC

² Israelan chuymapax payar jaljtatawa, jichhasti juchanakapat mutuyatarakïniwa. Tatitux uka altaranakap t'unthapiniwa, qullana qalanakapsa q'al tukjarakini.

Aymar Bibliia 1986

² Israelan chuymapajj payar jaljtatawa, jichhasti juchanacapatjja mutuyataraquïniwa. Tatitojj altaranacapjja t'unthapiniwa, kollana kalanacapsa pampa tucjaraquini.

Qullan Arunaca

² Israelan chuymapajj payar jaljtatawa, jichhasti juchanacapatjja mutuyataraquïniwa. Tatitojj altaranacapjja t'unthapiniwa, kollana kalanacapsa pampa tucjaraquini.

Oseas 10:2 Jak'a apnaqawi uñst'ayäwi

1 Reyes 18:21

Ukatsti Eliasax taqpach markar jak'achasisaw säna: —¿Kunapachkamarak jumanakasti pä chuyma sarnaqapxätasti? Tatitutix chiqpach Diosächixa, juparuy arkapxam, jan ukax Baal diosatix chiqächixa, jupar arkapxarakim —sasa. Markachirinakax janiw kamsapkänsa.

Éxodo 23:24

Janiw uka markanakan jan wali luratanakap jumax lurarakïtati. Janiw diosanakap nayraqatan killt'asïtati, janirakiw yupaychätasa; jan ukasti, uka diosanakapsa, qullan qalanakapsa q'alpun tukjäta.

Proverbios 11:18

Jan wali jaqix sallqañtañ chuymampiw yänak jikxati; aski kankañamp luriristi, chiqa luräwipatjam katuqaraki.

Isaías 44:18

Uka jaqinakax janiw kuns yatipkiti, nayranakapas juykhuwa, janirakiw kuns uñjapkiti, amuyunakapas q'ala ch'amakt'atawa, janiw kuns amuyt'apkiti.

Jeremías 43:13

Egipto markanxa, Bet-semes sata chiqan intin utapatak lurat jach'a chutanak q'al tinkurayani, Egipton utjir diosanakapan utanakaparusti ninampiw phichhantayarakini’ ” sasa.

Ezequiel 14:5

“Kawkïr israelitanakatix yaqha diosanakar yupaychañ layku nayat jithiqtapki ukanakarusti nayaw chuymap llamkt'arakï.

Oseas 12:11

11 (12) Galaad chiqan yaqha diosanakaw utji, k'ari diosanakkamakiwa. Guilgal chiqansti urqu vacanakrak wilañcha luqtapxi; altaranakapasti q'ala tukjatawa, qala qutunakjam yapunak taypin willtatarakiwa.”

Oseas 13:16

16 (1) Samaria markasti, Tatitur saykatasitapat mutuyäwi katuqani. Espadampi jiwarayatäpxaniwa, wawanakapas uraqir jisktaskam jiwarayatäniwa, usur warminakas payar kharjatäpxarakiniwa.

Oseas 3:4

Walja maranakaw israelitanakax jan reyini, jan jilïr irpirini sarnaqapxani, wilañchanak jan luqtasa, jan altaranakani, jan sacerdotenakani, jan yaqha diosanakani.

Oseas 7:8

“Israel markax yaqha markanakampiw mayachasxi. Jan suma qhatit t'ant'jamaw tukuwayxi, maysäxax suma qhatita, maysäxasti ch'uqïskaraki ukhama.

Levítico 26:30

Nayaw jumanakan yaqha diosanakar yupaychañ altaranakam t'unthapï, incienso luqtañ altaranakamsa payaruw jaljtayä, jumanakan jiwat janchinakamsti diosanakam patxaruw liwxatä, ukatsti nayan jumanakar axtasitax uñacht'ayapxarakïma,

Miqueas 5:13

13 (12) Yaqha diosanakamsa, axsarkañ qalanakamsa q'al t'unjä, kawkïr diosanaktix juma kipka luraskta ukanakarux jan mayampi yupaychxañamatakiw t'unjä.

Sofonías 1:5

Uta patanakar mistusin warawaranakar yupaychirinakarux tukjäwa, Tatitun nayraqatapan killt'askasa, jaqin lurat Milcom sat diosan sutip layku juramento luririnakarux tukjarakïwa.

Zacarías 13:2

Taqi aka markansti nayax yaqha diosanakan sutinakapsa jan mayampi amtasiñatakiw t'unjä. Uka pachparakiw profetanaksa, taqi ñanqha ajayunaksa q'alpun tukjarakï. Naya, Tatituw uk arsta.

Mateo 6:24

“Janiw khitis pani uywirir luqtkaspati, maynirux munasiniwa, maynirusti uñisiniwa, jan ukax maynirux alkataniwa, maynirusti jisk'achaniwa. Diosampiru, qamir yänakampirux janiw khitis luqtkaspati.

Lucas 16:13

“Janiw khiti uywatas pä uywirir luqtkaspati; maynirux uñisiniwa, maynirusti munarakiniwa; jan ukax maynirux sum arkani, maynirusti janirakiw yäqkaniti. Janiw Diosaruraki, qullqiruraki luqtapksnati.”

Santiago 1:8

jupax jichhürux may amti, qharürusti yaqharaki, janiw jakäwipan may arsur jaqïkiti.

Santiago 4:4

¡Diosatakjam jan sarnaqir jaqinaka! ¿Janit jumanakax yatipkta akapachampi sumankañ munki ukax Diosampi jan walinkatapxa? Khititix akapachampi sumankañ munki ukaxa, Diosan uñisiripaw tuku.

1 Juan 2:15

Jan akapacharux munapxamti, kunatix akapachan utjki ukanakarus janirak munapxamti. Khititix akapachar munki ukax janiw alaxpach Awkirux munkiti.

1 Samuel 5:4

Qhipürusti Asdod chiqankir jaqinakax purinipxarakikïnwa, ukatsti Dagón diosarux wasitatampiw Tatitun arcap nayraqatan liwnuqtat jikxatapxarakïna. P'iqipampi paypach amparapampix templo mantañawjan p'akirat willisiskäna, tunupakiw pachpankaskäna.