Oseas 1:7 - Qullan Arunaka DC

⁷ Ukampisa, Judá markatxa khuyapt'ayasïwa, naya kipka Diosaparakiw qhispiyä. Ukatakisti janiw nuwantañax wakiskaniti, janirakiw kuna espadanakasa, caballerianakasa munaskaniti.”

Aymar Bibliia 1986

⁷ Ucampisa, Judá marcatjja qhuyapt'ayasïwa, naya quipca, Tatitu Diosaparaquiw khespiyä. Janiw guerrampiti khespiycäjja; jan ucasti, jan armampi, jan espadampi, jan caballeriampiquiw khespiyäjja.”

Qullan Arunaca

⁷ Ucampisa, Judá marcatjja qhuyapt'ayasïwa, naya quipca, Tatitu Diosaparaquiw khespiyä. Janiw guerrampiti khespiycäjja; jan ucasti, jan armampi, jan espadampi, jan caballeriampiquiw khespiyäjja.”

Oseas 1:7 Jak'a apnaqawi uñst'ayäwi

2 Reyes 19:29

Isaiasasti Ezequiasarux sänwa: “Jutir urunakan utjkani ukanakxat akäniw mä unañchäwixa: Aka marasa, jutir marasa jumanakax jupa pachpa achuri trigot manq'apxäta, kimsïr maransti yapuchxapxätawa, apthapipxarakïtawa, uva alinak ayrupxäta, achunakapat manq'apxarakïta.

2 Reyes 19:34

Nayaw aka markar imaskä, qhispiyarakï, David luqtirixar munasitax layku, naya pachpa munasitax laykuraki’ ” sasa.

2 Reyes 19:35

Ukatsti uka arumpachaw Tatitun angelapax sarasin asirio ejerciton soldadonakapar jiwarayäna, pataka kimsaqallq tunka phisqan waranqa jaqinaka, qhipärmanthi willjtasti taqiniw jiwarat qhantatipxäna.

2 Reyes 6:18

Sirionakax Eliseor katuntañataki jak'achasisipkäna ukkhasti, Eliseox Tatituruw art'asïna: “Tatay, aka jaqinakarux juykhuptayam” sasa. Tatitusti Eliseon mayisitaparjamaw uka jaqinakarux juykhuptayäna.

Salmos 33:16

Janiw kawkïr reyis jach'a nuwasir tamanïtap layku atipkiti, janirakiw nuwasir jaqis wali ch'amanïtap layku qhispkiti;

Salmos 44:7

7 (8) jumaw uñisirinakarux atipjayapxista, jumarakiw jupanakarux mä p'inqa tukuyaraktaxa.

Éxodo 14:13

Ukampis Moisesax ukxaruw jupanakar säna: —Jan axsarapxamti. Ch'amañchasipxam, jichhüruw uñjapxäta kuntix Tatitux jumanakar qhispiyañatak lurkani uka. Jichhür uñjapkta uka egipcionakarux janiw mayampsa uñkatkxapxätati.

Éxodo 14:30

Uka urusti Tatitux ukhamwa israelitanakar egipcionakan amparapat qhispiyäna, israelitanakasti egipcio jaqinakan jiwarat janchip quta thiyanakankaskir uñjapxäna.

Isaías 12:2

Tatit Diosaw nayar qhispiyitu, juparuw iyawsta, janiw kunsa axsarkti. Tatituw nayan arxatirixaxa, nayar ch'amañchirixasa, jupaw qhispiyirixaxa.”

Isaías 30:18

Ukampis Tatitux jumanakat khuyapayasiñatakiw suyasipktam, jupax walipuniw munasiñap uñacht'ayañ munapxtam, Tatitusti khuyapayasiri chiqap Diosarakiwa. ¡Jupar suyt'irinakax kusisiñanïpxiwa!

Isaías 49:6

“Nayax Israel markan ayllunakapar tantacht'iriw khitsma, markapar kuttayanxiriw khitsma. Ukampis uka luräwix juk'akïspawa. Ukatpï jumarux markanakan qhanapar tukuyämaxa, qhispiyasiñaxsa aka uraqi tukusin utjkis uka markanakar apañamataki.”

Isaías 7:14

Tatitu kipkaw jumanakarux mä chimpu churasipkätam: Tawaqux usur jaqiptatawa, mä yuqall wawa wawachasini, Emanuel sasarakiw sutichani, ukasti “Tatitusti jiwasampïskiwa” sañ muni.

Jeremías 25:5

Uka profetanakasti jumanakarux sapxäyätamwa: ‘Jan wali sarnaqäwinakama, jan wali luräwinakam apanukupxam, ukhamat kawkïr uraqtix Tatitux jumanakarusa nayra awkinakamarus churkatayna ukan wiñayatak jakapxañamataki.

Jeremías 25:6

Jan yaqha diosanakar arkapxamti; janirak jupanakarus yupaychapxamti. Tatiturux jan q'apisiyapxamti jumanak pachpan lurasit diosanakar yupaychasa, jupasti janirakiw kuna jan walt'añsa apayanipkätamti’ sasa.

Jeremías 33:26

janipuniw Jacobun wawanakaparuxa, David luqtirixan wawanakaparus apanukkäti, jupanak taypitsti, Abraham, Isaac, Jacob chachanakan wawanakaparu apnaqañapatakiw utjayarakï. Nayaw jupanakat khuyapayasisax, kawki yaqha markar apanukutäpkäntix uka markat kuttayanxarakï.”

Oseas 1:8

Lo-ruhamaru ñuñut t'aqaqxasinsti, Gómer warmix wasitat usur jaqiptarakikïnwa, ukatsti mä yuqall wawa wawachasirakïna.

Oseas 11:12

12 (1) “Israel markankirinakax taqi pachan k'arintapxitu; sallqjapxarakitu. Judá markankirinakasti Tatitut jithiqtxapxiwa, jichhasti yaqha diosanakaruw taqi chuyma arkapxaraki.

Zacarías 4:6

Jupasti saskakïnwa: “Tatitux Zorobabel chacharuw yatiyäwi apayaski akham sasa: ‘Zorobabel, janiw jach'a chamanïñamax wakiskiti, janirakiw jach'a ejercitonïñamas munaskiti; jan ukasti ajayuxampikiw atipt'asma, siw taqi ch'aman Tatituxa.

1 Samuel 17:47

taqi khitinakatix akan tantacht'atäpki ukanakaxa, Tatitun jan espadampi, jan lanzampi qhispiyatap yatipxani. Aka nuwasïwisti Tatitunkiwa, juparakiw jumanakarux nanakan amparaxar katuyapxitani —sasa.