Oseas 1:2 - Qullan Arunaka DC

² Kuntix Tatitux Oseas tuqi sañ munkän uka arunakxa, akham sasaw qalltäna: “Israel markax nayar apanukusax yaqhampiw sarnaqxi. Jichhasti jumax saram, ukatsti uka kipkarak yaqha chachanakampi sarnaqir warmimpi jaqichasim, jupampisti wawanakanïma; ukhamat uka wawanakax yaqha chachanakampi sarnaqir warmin wawanakapäpxani”.

Aymar Bibliia 1986

² Tatitojj aqhamwa kalltäna cuntejj Oseas toke sañ muncän uca arunacjja: “Israel marcajj yakhampiw sarnakjje nayar apanucusajja. Uqhamarac jichhajj jumajj saram ucatsti yakha chachanacampi sarnaker warmi catusim, jupampisti wawanacanïpjjaraquim; uqhamatwa uca wawanacajj yakha chachanacampi sarnaker warmin wawanacapäpjjani”.

Qullan Arunaca

² Tatitojj aqhamwa kalltäna cuntejj Oseas toke sañ muncän uca arunacjja: “Israel marcajj yakhampiw sarnakjje nayar apanucusajja. Uqhamarac jichhajj jumajj saram ucatsti yakha chachanacampi sarnaker warmi catusim, jupampisti wawanacanïpjjaraquim; uqhamatwa uca wawanacajj yakha chachanacampi sarnaker warmin wawanacapäpjjani”.

Oseas 1:2 Jak'a apnaqawi uñst'ayäwi

2 Crónicas 21:13

jan ukasti, jumax Israelan reyinakapan sarnaqäwiparjamakiw sarnaqtaxa, jumaw Judá, Jerusalén markankir jaqinakan Tatitumpi jan sum sarnaqañapatakix juchanïtaxa, Ahab chachan wila masinakapax lurki ukhama. Ukxarusti jumax jilanakamaruw jiwaraytaxa, jupanakax jumat sipan juk'amp sum sarnaqapxäna.

Salmos 106:39

luräwinakapampiw q'añuchasipxäna, ñanqha luratanakapampiw wachuqapxäna.

Salmos 73:27

Jumat jayarst'irinakax jiwapxaniwa; arsutam jan phuqhirinakarusti t'unjätawa.

Jeremías 2:13

“Markaxax pä jach'a juchanak luri: Naya suma jakañ umarusti, apanukuwayapxituwa, ukatsti jupanakax pachpa phuch'unakap allisipxi, uka phuch'unakaparusti umax janiw sayt'karakiti.

Jeremías 2:20

“Nayratpach nayatakix sayt'astaxa, janiw nayar jayskarakistati. ‘Janiw luqtañ munkti’ saraktawa. Taqi alay qullunakana, jach'a quqanak k'uchunakan yaqhampi jucha luras sarnaqtaxa.

Jeremías 2:23

¿Kunjämarak sätasti: ‘Janiw nayax q'añucht'askti, janiw k'ari diosanakarus yupaychkaraktti’ sasasti? Amuyasim kunjämänsa Ben-hinom sat qhirwan sarnaqatamaxa, jan wali luratanakamax luratanakamapunïnwa, qachu camellor uñtata, urqu camellon qhipap kawksarus jalakiraktawa;

Jeremías 3:9

Jan axsartasaw yaqha diosanakar yupaychi, ukham sarnaqatapampisti aka uraqirux ñanqhachiwa. Nayar apanukusinsti qalanakaru, quqanakaruw killisiraki.

Ezequiel 6:9

Uka jilt'irinakasti, uka jaya markanakan nayat amtasipxitani; kunjämtix nayax jupanakar t'aqhisiykäyäta, nayar taqi chuymampi jan arkapxatapata, diosanakar yupaychañ layku nayat jayarst'apxatapata, taqi ukanakat amtasipxani. Jupanakasti taqi uka axtaskañ ñanqha luräwinakap amthapisisinxa, jupanakpachaw axtasipxani.

Oseas 2:7

7 (9) Munirinakaparux arkaskaniwa, ukampis janiw jikxatkaniti; thaqhaskaniwa, janiw jikxatkaniti. Ukapachaw sani: ‘Nayra chachaxampik kuttasxä, walik jupampix sarnaqaskäyäta’ sasa.

Oseas 3:1

Tatitux wasitat sarakitu: “Oseas, warmimax janiw jumatakjamäkiti, jupan mayni munatapaw utji. Uka kipkarakiw israelitanakax jan nayatakjamäpkiti, k'ari diosanakaruw yupaychapxi, luqtäwi churatanakat manq'apxi. Ukampis saram, warmimarux munasim, kunjämtï nayax israelitanakar munastxa ukhama.”

Oseas 5:3

Israelitanaka, Nayax jumanakan sarnaqatanakam yattwa; wachuqa jucha lurir warmjamaw sarnaqapxtaxa.”

Marcos 1:1

Diosan Jesucristo Yuqapxata suma yatiyäwi arunakax akhamat qallti.

Deuteronomio 31:16

Ukat Tatitux Moisesar säna: “Niyaw jumax jiwxäta, ukapachasti aka markax aka uraqin utjir jaqinakan k'ari diosanakaparuw yupaychani; ukapachasti apanukxitaniwa, jupampi lurat suma arust'äwirux p'akintarakiniwa.

2 Pedro 2:14

Mä warmirus janiw aliqak uñtapkiti, janirakiw jucha lurañampis sist'asipkiti. Pisi amuyt'aninakarusti jucharuw puriyapxi; wali mich'äpxiwa; ñanqha jaqinakäpxapuniwa.

Apocalipsis 17:5

paraparusti jan uñt'at sutiw qillqata utjäna, uka sutisti akhamänwa: “Jach'a Babilonia, q'añusirinakan taykapa, akapachan utjir taqi ñanqhanakampina, uñisiñäki ukanakampin taykapa” sasa.