Números 9:15 - Qullan Arunaka DC

¹⁵ Kunürutix Arust'äwi Carpa sayt'ayapkän uküruxa, mä qinayaw imxatäna. Jayp'untxän ukapachasti, Arust'äwi Carpa patxan mä ninaw uñstäna, ukampis willjtarux chhaqtawayxänwa.

Aymar Bibliia 1986

¹⁵ Cunürutejj Arust'äwi Carpa lurapcän ucqhajj, kenayawa ucarojj muyuntäna. Jayp'untjjepansti, Arust'äwi Carpa patjjanjja, mä ninaraquiw uñstjjäna, ucatsti khepa uru khantatcamaw uca patancäna.

Qullan Arunaca

¹⁵ Cunürutejj Arust'äwi Carpa lurapcän ucqhajj, kenayawa ucarojj muyuntäna. Jayp'untjjepansti, Arust'äwi Carpa patjjanjja, mä ninaraquiw uñstjjäna, ucatsti khepa uru khantatcamaw uca patancäna.

Números 9:15 Jak'a apnaqawi uñst'ayäwi

Nehemías 9:12

Ukatsti, jumax mä qinay tuqiw urun markamar irptaxa, arumasti mä nina tuqiraki, kawkinjamtix sarapxañapäki uka thakhipa qhant'ayañataki.

Nehemías 9:19

juman jach'a khuyapayasiñam laykuw jupanakarux wasaran jan jaytanukktati. Jupanakan thakhip irpañatakixa, qinayax uru phuqhataw thakhinjam jupanakat jan jithiqtas irpäna, arumasti nina qhanarakiw sarañ thakhip qhant'ayäna.

Salmos 105:39

Diosax mä qinayampiw jupanakarux imxatäna, arum ch'amakarusti ninampiw qhantayarapïna.

Salmos 78:14

Mä qinayaw urux irpäna, nina qhanaw arumax irparakïna.

Éxodo 13:21

Tatitusti jupanakan nayraqatap thakhi uñacht'ayas saräna, urux mä qinay taypitpach jupanakar irpäna; arumasti mä nina taypitarak jupanakar qhant'ayäna. Ukhamat jupanakax uruy arum sarapxäna.

Éxodo 13:22

Uka qinayasti urux jupanakan nayräxap saräna, arumasti uka ninarakiw jupanakan nayräxap saräna.

Éxodo 14:24

qhipärmanthi willjtasti, Tatitux nina taypita, qinay taypit egipcionakar uñch'ukiskäna, ukatsti jupanakpur pixtuntasiyäna;

Éxodo 40:2

“Nayrïr phaxsita qallta uru saraqataruw Tatitumpi Jikisiñ Carpa sayt'ayäta.

Éxodo 40:34

mä qinayaw Tatitumpi Jikisiñ Carpa patxar urpxatäna, ukatsti Tatitun jach'a kankañapaw qullan chiqawja phuqhantarakïna.

Éxodo 40:35

Moisesasti tantachasiñ chiqawjar janiw mantirjamäkänti, qinayan uka patxar urpxatatap layku, Tatitun jach'a kankañapan qullan chiqawjar phuqhantatap laykuraki.

Éxodo 40:38

Israelitanakan taqi saräwipansti, jupanakan uñjkataw Tatitun qinayapax uru tuqirux Tatitumpi Jikisiñ Carpa patxankäna, arum tuqirusti mä ninaw uka patxankarakïna.

Isaías 4:5

Ukat Sión qullun tantacht'at markaxarux imasï, urux mä qinayaw jupanakxarux imxattani, arumasti mä nina aqtatarakiw jupanakar imani. Taqi ukanakxarusti Tatitun qhanapakiw imxattani, ukhamat urunxa lupi qhanan jan qhathintatäpxañapataki, jallutsa, jach'a thayanakatsa jark'aqatäpxañapataki.

Números 10:34

Sarxarupkän ukapachasti, Tatitun qinayapax urun jupanakxankänwa.

Números 14:14

Canaán uraqinkir jaqinakaruw yatiyapxani. Jupanakax ist'apxarakiw juma, Tatitun aka marka taypinkaskatama, ajanuy ajanu uñjayasitama, qinayamas jupanak patxankaskatapa; urunsti jupanakan nayraqatap mä qinay tuqi saraskatama, arumansti mä nina tuqirak saraskatama.

Números 17:7

7 (22) Ukatsti Moisesax Tatitun nayraqataparuw thujrunak uchäna, arust'äwi arca nayräxaru.

1 Corintios 10:1

Jilatanaka, nayax jumanakan amtapxañam munta: Nayra awkinakasax mä qinayan ch'iwxatataw Mar Rojo sat quta taqpachan makhatapxäna.

Deuteronomio 1:33

jupasti saräwiman jumanakan nayräxam saräna, kawkharutix puripxañamäki ukawja thaqhañataki. Arum sarañatakisti ninampi qhant'ayasa, urusti mä qinayampi thakhi uñacht'ayasa.