Números 8:7 - Qullan Arunaka DC

⁷ Jupanakar q'umachañatakisti, q'umachasiñ umampiw jupanakar ch'allakipäta, ukatsti janchipan utjir ñik'utanakap q'al khuchhurasiyäta, isinakapsa t'axsurayarakïta, ukhamat q'uma tukupxani.

Aymar Bibliia 1986

⁷ Uca k'omachäwsti aqham lurapjjäta: Jumaw ch'allaquipäta k'omachasiñ umampi, ucatsti jupanacajj janchipan ñic'utanacapsa take qhuchhurasipjjani, isinacapsa t'ajjsurasipjjaraquini, uqhamatwa k'omachatäpjjani.

Qullan Arunaca

⁷ Uca k'omachäwsti aqham lurapjjäta: Jumaw ch'allaquipäta k'omachasiñ umampi, ucatsti jupanacajj janchipan ñic'utanacapsa take qhuchhurasipjjani, isinacapsa t'ajjsurasipjjaraquini, uqhamatwa k'omachatäpjjani.

Números 8:7 Jak'a apnaqawi uñst'ayäwi

Génesis 35:2

Ukat Jacobux wila masinakaparu, jupampi chika jakirinakarus säna: —Kuna yaqha diosanakatix jumanak taypin utjchi ukanak apanukupxam, ukatsti taq jariqasipxam, yaqha isinakampi uchasipxarakim.

Salmos 51:2

2 (4) ¡Ñanqha luratanakaxat jariqt'ita! ¡Jucha luratanakaxat q'umacht'ita!

Salmos 51:7

7 (9) Hisopo alimp ch'axch'ukipita: nayasti q'umachataw uñjasï; jariqt'itaya, nayasti khunut juk'ampi janq'uw tukxä.

Éxodo 19:10

Tatitusti Moisesarux saskakïnwa: —Saram, ukatsti markar wakichanim jichhüru, qharüru jupanakax q'umachasipxpan. Isinakap t'axsusipxpan,

Isaías 52:15

ukhamarakiw walja markanakax muspharapxani; reyinakas jupar uñjasax jan aruniw qhiparapxani, kuntix jupanakax uñjapkatayna, amuyt'apkarakitayna ukanakxa, janipuniw kunapachas ist'apxirïkataynati.

Jeremías 4:14

Jerusalén, ñanqhanakat chuymam q'umachasim, ukhamat jumax qhispit uñjasïta. ¿Kunapachkamas uka jan wali amtañanakampix apnaqayasïta?

Ezequiel 36:25

Q'uma umampiw jariqt'xapxäma, yaqha diosanakar yupaychas q'añuchasitanakamatsa q'umachxapxarakïmawa;

Levítico 15:27

“Khititix uka yänak llamkt'kani ukasti q'añut uñt'atäxaniwa. Isip t'axsuqasxañapawa, jupa kipkas jariqasxañaparakiwa, ukatsti jayp'ukamax q'añut uñt'atakipunïskaniwa.

Levítico 15:6

“Khititix uka usut jaqin qunuñapar qunt'kani ukasti, isip t'axsuqasxañapawa, jupa kipkas jariqasxañaparakiwa, ukampis jayp'ukamax q'añut uñt'atakïskaniwa.

Levítico 16:28

Khititix taqi ukanak nakhantaykani ukasti, isinakap t'axsuqasxañapawa, jupa kipkas umampix jariqasxañapawa, uka qhipat campamentor mantanxarakini.

Levítico 8:6

Ukat Aaronampiru, yuqanakapampiruw jak'achasinipxañapatak mayïna, ukatsti umampiw jariqarakïna.

Números 19:13

Maynitix jiwat jaqin amayap llamkt'asin jan q'umachaskanixa, Tatitun qullan utjäwip q'añuchi, ukhamäni ukasti, uka jaqix Israel marka taypit jaqunukutäñapawa, q'umachasir umampi jan q'umachasitap laykux, q'añut uñt'atäniwa.

Números 31:20

Taqpach isinakam t'axsurasipxäta, ukatsti lip'ichit lurat yänaka, cabriton t'arwapat lurat yänaka, lawat lurat yänak q'umachapxarakïta —sasa.

Números 8:21

Levitanakax q'umachasipxänwa, isinakapsa t'axsurasipxänwa, Aaronasti jupanakar Tatit nayraqatan mä suma waxt'äwïkaspas ukham katuyxäna, q'umachäwi luräwi jupanakat lurasina.

Hebreos 9:10

Uka manq'añanaka, umañanaka, yaqhip q'umachasiñanakax patxa luräwikiwa, ukanakax kunapachatix Diosax machaqar tukuykan ukkhakam ch'amanikiwa.

Hebreos 9:13

Urqu vacanakana, cabritonakan wilapampi, altaran nakhantat qachu vaca qallunakan qhillanakapampi, taqi ukanakamp juchaninakxar ch'axch'ukipatasti, anqäxatak qullanaptayaspa, q'umacharakispa.

Santiago 4:8

Diosar jak'achasipxam, jupasti jumanakarux jak'achasiniwa. ¡Jucharar jaqinaka, amparanakam q'umachasipxam! ¡Jumanaka, Diosar munkasin juch luririnakax chuymanakam q'umachasipxam!

1 Pedro 3:21

Uka umasti bautismo umaruw uñtasïna, uka tuqit jichhax qhispitätanxa. Uka bautismosti janiw janchir q'umachañatakïkiti, jan ukasti Diosar juchanakasat q'umachañapatak mayiñatakiwa; jichhasti Jesucriston jaktäwip tuqirakiw qhispiyistuxa,

Apocalipsis 7:14

Nayasti ukxaruw sista: “Tata, jumaw yattaxa” sasa. Jupasti sarakituwa: “Uka jaqinakax uraqin wali jach'a llakinakampi t'aqhisinipki ukanakawa, isinakap Corderon wilapampi t'axsusaw janq'uptayapxi.