Números 8:12 - Qullan Arunaka DC

¹² Ukatsti levitanakax vaca qallunakan p'iqipxaruw amparanakapamp luqxatapxani, jumasti jucha luratat mä vaca qallu wilañcha luqtäta, mayïr vaca qallsti Tatitutak nakt'ayat luqtäwi churarakïta.

Aymar Bibliia 1986

¹² Ucatsti levitanacajj vaca kallun p'ekeparuw amparanacapampi lokjjatapjjani, ucapachasti mä vaca kalluw juchanacat sacrificio loktatäni, maynïristi levitanacar k'omachañataqui naqhantayasina loktataraquïniwa.

Qullan Arunaca

¹² Ucatsti levitanacajj vaca kallun p'ekeparuw amparanacapampi lokjjatapjjani, ucapachasti mä vaca kalluw juchanacat sacrificio loktatäni, maynïristi levitanacar k'omachañataqui naqhantayasina loktataraquïniwa.

Números 8:12 Jak'a apnaqawi uñst'ayäwi

Éxodo 29:10

“Uka qhipatsti, vaca qallurux Tatitump Jikisiñ Carpa nayraqataruw apäta, Aaronampi, wawanakapampi uka uywan p'iqipxar amparanakapamp luqxatañapataki,

Levítico 1:4

uka uywan p'iqipxar amparampi luqxatasa. Ukhamat uka uywan jupa lanti juchanakapat pampachatäñatak katuqatäñapataki.

Levítico 14:22

pä qhurukutumpi jan ukax pä paloma chhiwchhimpi, qawqhatix qullqipax utjarapki ukhamarjama; mayax jucha luratat wilañcha luqtañataki, mayasti taqpacha nakt'ayas waxt'a luqtañataki.

Levítico 16:11

“Uka qhipatsti Aaronax jucha luratat uka urqu vaca wilañcha luqtxani, jupan pachpa juchapata, wila masipan juchanakapan pampachatäñapataki.

Levítico 16:21

uka cabriton p'iqipxar amparap luqxatasasti, israelita jaqinakan ñanqha juchanak luratanakap arsuni. Ukhamat uka cabriton p'iqipxaru taqi juchanak apxatxani, ukatsti khititix uk apañatak ajllitäki ukaw uka cabrito irpasin wasarar antutnukunxani.

Levítico 16:6

Jupan kipka juchapat uka urqu vaca wilañchat luqtani, ukhamat jupan juchapasa, wila masipan juchanakapas pampachatäñapataki.

Levítico 4:15

ukan Tatitun nayraqatapan taqi jilïri jaqinakax uka urqu vacan p'iqipxar amparanakap luqxatapxani, uka pachpanarak kharinukupxani.

Levítico 4:20

jan ukax, uka urqu vacampix kunjämatix juchat wilañcha mä yaqha urqu vaca luqtapkän uka kipkarakiw luqtañapa, ukhamat sacerdotex jupanakan juchanakapat pampachatäñ jikxatani, ukatsti juchanakapax pampachatäxaniwa.

Levítico 4:35

Lik'inakapsti, kunjämtix sumankthapiñatak luqtatäki uka uywanakat apsutaxa, uka kipka apsutarakïniwa, uka lik'sti Tatitutak suma q'apkir waxt'at altarxar nakt'ayxani, ukhamat sacerdotex uka jaqitak juchapat pampachatäñ jikxatani, juchapasti pampachatäxaniwa.

Levítico 4:4

Ukatsti Tatitun nayraqataparuw apani Tatitump Jikisiñ Carpar mantañäkis ukkharu; ukan amparap uywan p'iqipxar luqxatani, ukatsti Tatitun nayraqatapan kharinuqxani.

Levítico 5:7

“Janitix mä jisk'a oveja alañatak qullqix utjkani ukapachasti, Tatitun ukarux pä qhurukutu, jan ukax pä paloman chhiwchhipa uka jucha luratapat apani; ukanakat maysti jucha luräwit wilañcha luqtani, maynïrsti nakhantayatäñatakiw luqtarakini.

Levítico 8:14

Ukxarusti Moisesax kuna urqu vacatix jucha luratat luqtatäkani uk irptayanïna, ukatsti Aaronampi, yuqanakapampix uka urqu vacan p'iqipxaruw amparanakap luqxatapxäna.

Levítico 8:15

Ukatsti Moisesax uka urqu vaca kharinukxäna, luk'anap uka wilar juricht'asaw altaran utjkän uka waxranakar jawirt'äna, ukhamat q'umachañataki, ukat jilt'ir wilsti altar kayuruw warnuqxarakïna, ukhamat uka altarax q'umachata, ukhamarak Tatitur luqtatäxäna ukawjan juchanakat pampachatäñ jikxatañataki.

Levítico 8:18

Ukatsti Moisesax kuna urqu ovejatix nakhantayasin luqtatäkani uk irptayanïna, ukatsti Aaronampi, yuqanakapampiw uka urqu ovejan p'iqipxar amparanakap luqxatapxäna.

Levítico 8:34

Tatitusti siwa, jucha luratanakamat pampachäwi jikxatañatakisti, kunjämtix jichhax lurapkta uka kipkarak lurapxäta.

Levítico 9:7

Moisesasti Aaronarux sarakïnwa: “Altarar jak'achasinim, ukatsti kuntix juchamata, israelitanakan juchanakap pampachatäñatak wilañcha luqtkäta uka uywxa, nakt'at waxt'a luqtam. Ukatsti kunjämtix Tatitux sisktam ukhamarjam israelitanakan waxt'anakap luqtarakim, ukhamat juchanakapan pampachatäñapataki” sasa.

Números 6:14

ukatsti Tatiturux jan kuna kamacht'at mä maran urqu oveja taqpach nakt'ayas luqtani; uka kipkaraki, jan kuna kamacht'at mä maran urqu oveja jucha luratat pampachäwi jikxatañatak wilañcha luqtani, ukatsti jan kuna kamacht'at urqu oveja sumankxañatak wilañcha luqtarakini.

Números 6:16

Tatit nayraqatan sacerdotex jucha luratat wilañcha luqtani, nakt'ayat luqta katuyarakini,

Números 8:13

Ukatsti levitanakarux Aaronampina, wawanakapampin nayraqataparuw sayarayäta, jupanakarusti luqta katuyañäki ukarjamaw nayar katuyitäta;

Números 8:8

Ukatsti mä vaca qallu katusin apapxpan, aceitemp chaputa suma jak'u waxt'ampi. Jumasti, yaqha vaca qallu katurakïta, jucha luratat pampachäwi jikxatañ wilañcha luqtañataki.

Hebreos 9:22

Kamachirjamasti, taqi kunaw wilampi q'umachatäñapa; janitix wilax wartaskaspa ukax janiw juchat q'umachasiñax utjkaspati.