Números 6:27 - Qullan Arunaka DC

²⁷ “Ukham jupanakax israelitanak taypin sutix aytapxani, nayasti jupanakarux askinak churarakï.”

Aymar Bibliia 1986

²⁷ “Uqhamwa jupanacajj sutejja israelitanacar arsupjjani, ucatsti nayajj jupanacarojj bendiciraquïwa.”

Qullan Arunaca

²⁷ “Uqhamwa jupanacajj sutejja israelitanacar arsupjjani, ucatsti nayajj jupanacarojj bendiciraquïwa.”

Números 6:27 Jak'a apnaqawi uñst'ayäwi

Génesis 32:26

26 (27) Ukat uka jaqix Jacobur säna: —Antutxita, willjtanxiwa —sasa. Jacobusti ukxaruw sarakïna: —Janitix aski waxt'äwinakam churkitätaxa, janiw antutkämati —sasa.

Génesis 32:29

29 (30) Jacobusti jiskt'arakïnwa: —Jichhax jumarak sita, ¿kunas sutimaxa? —sasa. Ukampis uka jaqix sänwa: —¿Kunatakis sutix yatiñ muntasti? —sasa. Ukatsti uka jaqix ukawjanpach Jacoburux aski waxt'äwip churäna.

2 Samuel 7:23

¡Janirakiw Israel markamjamas yaqha markax aka uraqin utjkiti! Jumaw Tatay, juman markamäñatak qhispiytaxa, ukatsti wali aytat markaruw tukuyaraktaxa, jach'a muspharkañ luräwinak jupanakatak lurasa. Egiptot qhispiyanit markam nayraqatatsti jumaw yaqha markanakarusa, diosanakaparus jaqunuktaxa.

1 Crónicas 4:10

Jabés chachax Israel markan Diosaparuw mayisïna akham sasa: “Khuyapt'ayasita, mä jach'a uraq churita, nayan jan t'aqhisiñaxatak yanapt'ita, qhispiyarakita” sasa. Diosasti mayitaparux ist'änwa.

2 Crónicas 7:14

ukampis sutix apki uka markaxatix jisk'ar tukt'asin mayisitani, nayar thaqtitani, jan wali sarnaqatanakapsa apanukuni ukkhaxa, nayax alaxpachatpach juparux ist'ä, juchanakapsa pampacharakï, ukatsti markapan nayraqatar sartañapsa kuttayxarakïwa.

Salmos 5:12

12 (13) Tatay, jumaw chiqa jaqirux askinak churtaxa, khuyapayasiñamax jark'aqasiñar uñtataw muyuntaski.

Salmos 67:7

7 (8) ¡Diosax askinakap churistpan! ¡Akapachankirinakax jupar jach'añchapxpan!

Éxodo 6:3

Nayaw Abrahamaru, Isaacaru, Jacobur uñstta, taqi ch'aman Dios sat sutimpi. Ukampis nayax janiw TATITU sat chiqpach sutixampi uñt'ayaskti.

Isaías 43:7

Nayaw jupanakarux lurt'asta, nayar jach'añchañapatakiw irnuqt'asta, nayar yupaychañapatakiw lurt'asta’ sasa.

Jeremías 14:9

¿Kunatsa mä luqhirat jaqjam tukta, ch'axwan nuwasir jaqir uñtat jan yanapt'asa? Ukampis Tatay, jumax nanak taypinkasktawa, nanakan juman markamätax taqiniw yatipxaraki; ¡janikiy nanakar apanukt'asipxistati!

Números 23:20

Tatituw markapatak aski arunak arsuyitu; Tatituw ukham arsu, janiw nayax jupar jark'kiristti.

Mateo 28:19

Jichhasti taqi akapachankir jaqinakar nayan arkirinakax tukuyapxam; jupanakarusti Dios Awkina, Dios Yuqana, Dios Qullan Ajayun sutipar bautisapxam.

Efesios 1:3

Jesucristo Tatitusan Dios Awkipax jach'añchatäpan, Cristonkatas laykux jupaw alaxpachat ajay waxt'äwinak churanistu.

Deuteronomio 28:10

Taqi akapach uraqin utjir markanakasti Tatitun sutipan jumampïtap uñjapxani, ukat jumar axsarapxätam.